Cover
Սկիզբ / Հարցազրույցներ / StaffBlog հարցազրույց Magnus ընկերության հիմնադիր տնօրեն Անի Մերուժանի Մարգարյանի հետ

StaffBlog հարցազրույց Magnus ընկերության հիմնադիր տնօրեն Անի Մերուժանի Մարգարյանի հետ

Վերջերս Հայաստանում ՄՌԿ և Ռեքրութմենթի ոլորտում իր գործունեությունը մեկնարկեց Magnus ընկերությունը։ Մեզ անչափ հետաքրքիր էր ծանոթանալ Magnus-ի ստեղծման պատմությանը ու որպես գործատու՝ ընկերության հնարավորություններին ու նորարարական մոտեցումներին։ Այս առիթով այսօր մեր զրուցակիցն է Magnus հիմնադիր Անի Մերուժանի Մարգարյանը։

question

Անի ջան, ողջունում եք Ձեր նորաստեղծ ընկերության գործունեությունը Հայաստանում։ Ո՞րն է Magnus-ի առաջնային նպատակը, և ինչո՞ւ հենց Magnus։

Շնորհակալ եմ զրույցի համար ։)

Իմ ամբողջ մասնագիտական ճանապարհին առաջնային նպատակ եմ ունեցել Հայաստանում ՄՌԿ ոլորտը զարգացնելու, բնականաբար Magnus-ն անմասն չի դրանից, իսկ արդեն ավելի սպեցիֆիկ՝ մտածեցինք հիմնել ընկերություն, որը հավասարապես օժանդակում է և՛ բիզնեսներին, և՛ անհատներին։ Առաջին պարագայում տրամադրում ենք ՄՌԿ  և Ռեքրութի տարբեր ծառայություններ՝ ավագ մասնագետների ռեքրութմենթ, ռեքրութմենթի պրոցեսների/մոդելների մշակում, առանձին ՄՌԿ խնդիրների լուծում, ընդհուպ մինչև ՄՌԿ ֆունկցիայի ամբողջական աուդիտ և խորհրդատվություն։

1

Տաղանդների մասով դեռ նոր ենք սկսել, սա առանձին ճյուղ է սպասվում Magnus-ում՝ միտված մարդկանց օժանդակելուն կարիերայի ճանապարհին։

Ինչո՞ւ Magnus ։) Բավականին լավ պատմության կա անվան հետևում։ Մոտ տարի առաջ էր, Ալվարիումի օֆիսում էի Կարենի և Ռուզաննայի հետ՝ համահիմնադիրներն Ալվարիումի։ Մտահոգ էի ու բավական դժգոհ, որ չունենք դեռ անուն։

Կարենն այդ պահին հարցրեց՝

– Քո ընկերության ամենակարևոր արժեքը ո՞րն է լինելու։

– Ազնվությունն ու թափանցիկությունը, – պատասխանեցի ես։

Կարենն էլ արագ կողմնորոշվեց՝

– Հասկացա, ուրեմն noble, չէ, ավելի լավ է լատիներեն հոմանիշը՝ magnus՝ ազնիվ, մեծ, լավագույն, սրանում ասպետական պահ էլ կա, Մերուժանի-ոտ ինչ-որ մի բան։

Մի խոսքով Կարենը միշտ ավելի լավ է ներկայացնում այս պատմությունը, բայց ես առաջին պահից սիրեցի Magnus-ը ։)

question

#getmagnused. Լիովին վերջերս հայտարարվեց, որ Magnus HR-ն ընդլայնվում է և իր թիմում սպասում է խանդավառ ու HR ոլորտին նվիրված մասնագետների։ Մի փոքր կպատմե՞ք այդ նախագծի մասին։

Այո, փնտրում ենք էնտուզիաստների, մարդկանց, ովքեր համարձակ են, պատրաստ են լուրջ նախագծեր ստանձնել ու չվախենալ ձախողումներից։  Արդեն իսկ ունենք դիմորդների բավական լավ բազա, բայց դեռ շարունակում ենք դիտարկել։ Ընտրված թեկնածուները հրավիրվելու են մեզ մոտ անվճար ինտենսիվ թրեյնինգի՝  HR + Recruitment + Tech Recruitment ուղղություններով։ Պատկերացնում եմ, որ 10-15 հոգանոց ուժեղ խումբ կունենանք, իսկ կուրսը լավագույնն անցած մարդիկ կմիանան մեզ, ովքեր չմիանան էլ՝ գիտելիքների մեծ պաշար ու փորձառություն կտանեն Magnus-ից։ Ես ինքս կամ դասավանդողների մեջ, սակայն այլ՝ իրենց գործի գիտակ թրեյներների ևս հրավիրելու եմ։ Ի դեպ, այս #getmagnused հեշթեգի համար իմ շնորհակալությունը Ղուկաս Ստեփանյանին․ հրաշք գաղափար էր ։)

question

Որո՞նք են ընկերության արժեքները և դրանից բխող ի՞նչ սոֆթ հմտություններ են պահանջվում ապագա թիմակիցներից։  

 

Ասեմ՝

tick-inside-circle

Արդյունավետություն՝ մենք չենք վերցնում մի գործ, որը մտածում ենք` չենք հասցնի մեր ցանկալի որակին համապատասխան անել,

tick-inside-circle

Հոգատարություն՝ անկախ նրա, աշխատում ենք ՏՏ առաջատար բիզնես ներկայացուցչի, թե ուսանողի հետ, մեր հոգատարությունն ու ուշադրությունը վերջինիս հաջողությանը նույնն է,

tick-inside-circle

Թափանցիկություն, վստահություն՝ մենք միտված ենք երկարաժամկետ համագործակցության մեր գործընկերների հետ։ Օրինակ, գիտենք՝ ռեքրութմենթը շատ դեպքերում վաճառքի մասին է․ հաճախ կա թակարդը «այստեղ և հիմա» որոշումների ու հեռանկարում սխալվելու։ Դա է օրինակ պատճառը, որ թեկնածուներին ու գործատուներին իրար ուղղորդելիս մենք ահռելի ժամանակ ենք տրամադրում երկուստեք՝ զրուցում ենք, քննարկում ենք սպասելիքները, հավանական ռիսկերը, բաց կոմմունիկացնում ենք անհամաձայնությունները, որպեսզի այս համագործակցությունը մաքսիմալ պրոդուկտիվ լինի հետագայում։ Թիմն ինձանից հաճախ է լսում՝ երկարաժամկետ մտածեք ։)

tick-inside-circle

Էթիկապես ճիշտ վերաբերմունք՝ կապող օղակն է, միավորող մի բան մնացած մեր բոլոր արժեքների՝ հարգանք, վստահություն, թափանցիկություն, արդյունավետություն։ Սա բարդ է Հայաստանում էլ, ՄՌԿ-ում էլ, սակայն մենք փորձում ենք։

Եթե թվեմ՝ ինչ սոֆթ որակներ պիտի ունենա ապագա մագնուսիանը, երկար կխոսենք, ուստի ամենակարևոր երկուսն ասեմ մեզ համար՝ ազնվություն, սովորելու դրայվ։

3

question

Անի ջան, կպատմե՞ս մի փոքր աշխատաշուկայի զարգացմանն ուղղված այն նախագծերի մասին, որոնք իրականացնում ես Magnus HR-ի շրջանակներում։

Դե ինչպես նշեցի, երեք ուղղությամբ կանք այս պահին՝ ՄՌԿ, Ռեքրութմենք, Կարիերա։

Առաջին դեպքում ՄՌԿ առանձին ու ամբողջական ֆունկցիաներ ենք ստանձնում, օրինակ` ունենք գործընկեր, ում համար հիմա Գնահատման մեխանիզմ ենք մշակում, ու նաև գործընկեր, ում հետ կես տարվա պայմանագիր ունենք՝ ՄՌԿ ամբողջ ֆունկցիայի ստանձմամբ։ Ռեքրութմենթում աշխատում ենք հիմնականում ՏՏ ոլորտում, կամ էլ այլ ոլորտների, բայց դժվար լրացվող հաստիքների հետ։

Կարիերայի ուղղության մասով առանձին ու մեծ պլաններ կան, դեռ շատ չմանրամասնեմ, ինչպես ասում են՝ coming soon:)

Կարևոր է նշեմ նաև Magnus Hub-ի մասին։ Լինելու է ոլորտի մասնագետներին իրար կապող ու հետաքրքիր կառույց, ունենալու ենք սեմինարներ, քեյզային քննարկումներ, հյուրեր, ՄՌԿ բազմատեսակ, երկարաժամկետ թրեյնինգներ։

Լուրջ նպատակ ունենք ՄՌԿ կրթության մեջ ներդրում ունենալու, վստահելի կառույց լինելու և՛ սկսնակների համար՝ գալ, սովորել, ոլորտ մուտք գործել, և՛ փորձառուների համար՝ մասնագիտական որակները զարգացնել, ինչու չէ նաև՝ կիսվել գիտելիքներով։

question

Ինչպիսի՞ նախագծեր և միջոցառումներ են պլանավորվում 2020-ին։ Ի՞նչ ակնկալիքներ պետք է շուկան ունենա Magnus HR-ից։

Միշտ զգույշ եմ պլաններից խոսում․ մի բանը որ հայտարարեցիր, արդեն վերջ, պետք է անես ։) Ասեմ նրանք, որոնց իրականացմանն այս պահին ամենաշատն եմ հավատում՝

tick-inside-circle

Շարունակելու ենք վստահելի գործընկեր լինել ընկերությունների համար՝ որպես ՄՌԿ և Ռեքրութմենթի էքսպերտ։

tick-inside-circle

Magnus Hub-ի հիմնում, մի քանի հետաքրքիր իվենթ` Ռուբինա Ալումյանի ղեկավարությամբ։

tick-inside-circle

Շարունակելու ենք օժանդակել ՏՏ ոլորտի միջոցառումներին, ինչպիսին է օրինակ Android Manifest-ը՝ Ղարսոյան Մերիի համակարգմամբ։ Սա կցվում է մեր Կարիերայի ճյուղի գաղափարախոսությանը։

tick-inside-circle

Առաջին քայլերն ենք անելու դեպի Magnus Global 🙂

Magnus-ի համահիմնադիր Էդգար Հունանյանն ինձ միշտ ասում է՝ քիչ խոսենք, շատ աշխատենք։ Ուստի եկեք այս պահին լռեմ, մնացածն ընթացիկ կտեսնենք ։)

question

Կկիսվե՞ս մի փոքր, թե ինչպիսի զարգացումներ է սպասվում ՀՀ աշխատաշուկայում 2020-ին, ինչպե՞ս են միջազգային միտումները պրոյեկտվում մեր աշխատաշուկայում, որտե՞ղ ունենք ամենաշատ բացերը։

Երեք կարևոր բան, որ կուզենայի «որդեգրենք» Հայաստանում՝

tick-inside-circle

Woman empowernment. ամբողջ աշխարհում ու հատկապես Հայաստանում բիզնես ոլորտը որոշակիորեն «տղամարդկայնացված է», կարծրատիպերով լեփ լեցուն ենք։ Վերջին տարիներին դրական շարժեր կան այս մասով, կուզենայի պահպանենք ու էլ ավելի շեշտադրենք։

tick-inside-circle

Bsuiness Ethics. ինչպես արդեն ասացի՝ աշխատանքային էթիկան բավարար ուշադրության չի արժանանում մեր երկրում։ Այստեղ էլ, բարեբախտաբար, արդեն պրոգրես կա, օրինակ` վերջերս ՏՏ ոլորտի ՄՌԿ մի խումբ մասնագետների կողմից թեմայի շուրջ փոքր քննարկում էր ծավալվել, կիսվում էինք՝ ով ինչ փորձ ունի գործատուների կողմից էթիկական կանոնների խախտման դեպքերի, ու առհասարակ, ինչ քայլեր է կարելի ձեռնարկել մեր ոլորտում նմանատիպ խնդիրների լուծմանն ուղղված։

tick-inside-circle

Technology – Աննկարագրելի շատ են ՄՌԿ-ում սոֆթային լուծումներն ու  տեխնոլոգիական առաջընթացները, որոնք թույլ են տալիս շատ ավելի որակյալ, շատ ավելի հստակ ու ձևավորված կառուցել ՄՌԿ աշխատանքները։ Հատկապես հաշվի առնելով Հայաստանը գլոբալ ՏՏ քարտեզին հստակ ընդգծելու մեր ցանկությունը՝ պարտադիր է, որ ավելի բաց ու նորարար լինենք նաև ՄՌԿ-ում։

Ընդհանուր առմամբ՝ ես բավական օպտիմիստիկ եմ Հայաստանի վերաբերյալ․ իրոք լավ մասնագետներ ունենք, դրայվով ու նպատակներով լեցուն բիզնես ղեկավարներ, փոփոխություններին պատրաստ երիտասարդություն ու պարզապես հրաշք նախաձեռնություններ։ Ամեն ինչ դեպի լավն է գնում, ու մենք Magnus-ում ուղղակի շնորհակալ ենք այս ամենի մասնիկը լինելու համար։

4

Անի ջան, շնորհակալ ենք հետաքրքիր ու բավականին ինֆորմատիվ հարցազրույցի համար։ Ձեզ արդյունաշատ աշխատանքային ընթացք ենք մաղթում 🙂 մենք դեռ կանդրադառնանք ձեր նոր հաջողություններին։

 

 

Այցելեք staff.am այսօր և ստեղծեք Ձեր օնլայն CV-ին

Հեղինակը՝ StaffBlog

Դիտեք նաև

hot job

HOT աշխատանքներ, որոնց կարող եք դիմել այսօր

Միգուցե դուք այս պահին մտածում եք կարիերայի փոփոխության մասին կամ զգում եք, որ ժամանակն է …

Leave a Reply

Your email address will not be published. Required fields are marked *