megerian_cover
Սկիզբ / HR ոլորտ / Հանդիպում staff.am HR համայնքի հետ Մեգերյան կարպետում

Հանդիպում staff.am HR համայնքի հետ Մեգերյան կարպետում

Դեկտեմբերի 8-ին բուռն մթնոլորտում կայացավ staff.am-ի կողմից կազմակերպված HR համայնքի հետ հանդիպումը Մեգերյան կարպետ կենտրոնում, որին ներկա էին ավելի քան 80 HR մասնագետներ մոտ 70 ընկերություններից։

Միջոցառումը շատ հագեցած էր․ կազմակերպվեց շրջայց գորգերի թանգարանում և ցուցասրահում, որի ժամանակ ներկաները ծանոթացան հայկական գորգագործության ակունքներին։

Այնուհետև staff.am համահիմնադիր Վահե Ավետիսյանը և Լուիզա Ավետիսյանը հանդես եկան ողջույնի խոսքերով և ներկայացրեցին staff.am 2019թ․ զարգացման ծրագիրը, ինչպես նաև միջազգային նոր շուկաներ գրավելու հեռանկարները։

HR համայնքի ներկայացուցիչները բավականին ակտիվորեն մասնակցում էին միջոցառմանը՝ ներկայացնելով նաև իրենց տեսակետները staff.am-ի նոր գործիքների վերաբերյալ։ Կազմակերպված «ֆոկուս-խումբ» քննարկման ժամանակ HR մասնագետները փոխանակվեցին կարծիքներով staff.am-ում Գործատուների կառավարման և staff.am հարթակի HireBee դիմորդների կառավարման համակարգերի վերաբերյալ։

megerian10

staff.am համահիմնադիր Լուիզա Ավետիսյանը նշեց.

Մենք հաճախ ենք կազմակերպում մեր HR համայնքի հետ հանդիպումներ տարբեր նախագծերի շրջանակներում։ Նման մեծամասշտաբ հանդիպում առաջին անգամ էինք կազմակերպել՝ քննարկելու ինչպես staff.am հարթակի առկա գործիքների, առավելությունների և հնարավորությունների մասին, այնպես էլ ներկայացնելու այն տեխնոլոգիական նորարարությունները, որոնք սպասվում են առաջիկա տարում:

megerian6

2019թ․-ին staff.am-ը կընդլայնի իր աշխարհագրությունը՝ ԱՊՀ երկրներից Ղազախստանում ներկայացնելով արհեստական բանականությամբ աշխատող HireBee պրոդուկտը։ Արհեստական բանականության տարրեր արդեն իսկ մշակվում են staff.am-ում,  ինչը բավականին կհեշտացնի հավաքագրման գործընթացը։ Այս մասով կարևոր ենք համարում քննարկել բոլոր այն խնդիրները, որոնք հանդիպում են ՄՌԿ մասնագետների մոտ և կարող են իրենց արդյունավետ լուծումը ստանալ staff.am HR գործիքների միջոցով, – ավելացրեց staff.am համահիմնադիր Վահե Ավետիսյանը։

megerian5

Հյուրերը հետաքրքիր ժամանակ անցկացրեցին coffee-break-ին և networking-ին հատկացված 30 րոպեների ընթացքում, ձեռք բերեցին նոր ծանոթություններ, կիսվեցին ոլորտի մասին կարծիքներով, և այդ ամենն ուղեկցվեց Մեգերյանի շեֆ-խոհարարի կողմից պատրաստված հին հայկական բաղադրատոմսերով պատրաստված աղանդերի հյուրասիրությամբ։

Մեգերյան կարպետում կազմակերպված <<Հանդիպում staff.am HR համայնքի հետ>> միջոցառմանը հրավիրված էր նաև Alvarium-ը Էննեագրամա պրակտիկ թրեյնինգն անցկացնելու համար։

megerian8

Շնորհակալություն ենք հայտնում staff.am բոլոր գործընկերներին միջոցառմանն իրենց ակտիվ մասնակցության և արդյունավետ համագործակցության համար։ Ամեն ինչ դեռ առջևում է, և վստահ ենք, որ թե Հայաստանում, և թե միջազգային ասպարեզում սպասվում են օգտակար նորարարություններ՝ ուղղված HR ոլորտի զարգացմանը։

Հաջորդ Նախորդ
 Synergy-Armenia_Anna-Stepanyan
 Ginosi-Apartels_quote2
Lilit-Papikyan_SCDM
NA_Anna
Lianna_Workfront
Հաջորդ Նախորդ

 

megerian9

Հ․Գ․ Մեր HR համայնքի անդամներն ակտիվորեն կիսվել են միջոցառումից ստացված տպավորություններով սոց․ մեդիայում 🙂

Միջոցառումը նկարներում

Այցելեք staff.am այսօր և ստեղծեք Ձեր օնլայն CV-ին

Հեղինակը՝ StaffBlog

Դիտեք նաև

cover-photo

StaffAds առավելություններ և սակագներ

ԻՆՉՈՒ STAFFAds staff.am-ն առաջարկում է տարաբնույթ գրաֆիկական և շարժական գովազդներ տեղադրելու հնարավորություն staff.am կարիերայի հարթակում և StaffBlog-ում, որոնց …

Leave a Reply

Your email address will not be published. Required fields are marked *