Սկիզբ / Մոտիվացիոն / Մոտիվացիա՝ ինչպես ձեռք բերել և պահպանել այն

Մոտիվացիա՝ ինչպես ձեռք բերել և պահպանել այն

Երբեմն լինում են օրեր, երբ ցանկություն չի լինում աշխատելու կամ չենք կարողանում կենտրոնանալ աշխատանքի վրա: Բայց չէ որ հենց նման օրերին մենք ունենում ենք շատ կարևոր հանդիպումներ կամ աշխատանք, որից կախված է լինում մեր ամբողջ կյանքը ու մեզ պետք է կենտրոնանալ այդ աշխատանքի վրա: Սակայն, այն ինչ մարդու համար «պետք» իմաստն ունի, մոտիվացիան սկսում է նվազել: Իսկ որտեղից գտնել մոտիվացիա կամ ինչպես մոտիվացնել նման տրամադրությամբ աշխատակցին:

Մի քանի խորհուրդ ղեկավարների համար․

check-mark  Հարգանք
. ստեղծեք այնպիսի մթնոլորտ, որտեղ յուրաքանչյուրը կկարողանա ազատ արտահայտել իր մտքերը:

check-mark  Բարի հարաբերություններ. ինչքան հաճախ աշխատակիցները տեսնեն, որ Դուք հոգ եք տանում նրանց մասին՝ որպես անհատներ, ոչ թե որպես «գործիքներ», այնքան նրանք ավելի լավ կսկսեն աշխատել:

check-mark  Հաջող փորձ. աշխատակիցներին հանձնարարեք այնպիսի առաջադրանքներ, որոնք կարող են լիարժեք կատարվել նրանց կողմից՝ ելնելով համապատասխան փորձից և գիտելիքներից։

check-mark  Դրական սպասումներ. սա ամենահզոր մոտիվատորն է: Ոչինչ ադքան լավ չի բարձրացնում ինքնագնահատականն ու չի բարելավում արտադրողականությունը, քան այն փաստի գիտակցումը, որ ղեկավարն աշխատակցին համարում է կոմպետենտ, ունակ և արժանի կատարելու իր աշխատանքը:

check-mark  Կոչ. մարդկանց տվեք առաջադրանքներ, որոնք նրանցից կպահանջեն մեծ ջանքեր: Ինչքան բարդ է դրված խնդիրը, այնքան ներգրավված կզգան իրենց ու այնքան ավելի դրական կարծիք կունենան սեփական անձի մասին: Իսկ ինչպես գիտենք, որքան ամուր է մասնագիտական «ես»-ը, այնքան արդյունքներն ավելի ակնառու են:

check-mark  Ազատություն. երբեմն մարդկանց հնարավորություն տվեք առանց մշտական վերահսկողության աշխատելու: Երբ աշխատակիցը ազատություն է ստանում իր աշխատանքը ինքնուրույն կատարելու, նա կարևորում է իր ներդրումն ու ձգտում լավագույն արդյունքների:

check-mark  Կառավարում (follow-up). սահմանեք հատուկ ժամանակ կատարված աշխատանքի մասին քննարկումների, դիտողությունների և վերլուծության համար: Ինչքան հաճախակի աշխատակիցները ստանան հետադարձ կապ, այնքան ավելի արժեքավոր կհամարեն իրենց կատարած աշխատանքը և կկենտրոնանան վերջինիս որակի վրա:

check-mark Հարմարավետություն. ստեղծեք հարմարավետ միջավայր: Հաճախ աշխատավայրը դառնում է աշխատակիցների երկրորդ տունը, այդ իսկ պատճառով աշխատավայրը պետք է ունենա ազատ, հանգիստ և հարմարավետ միջավայր:

Մի քանի խորհուրդ աշխատակիցների համար


check-mark  Նպատակադրել. նպատակը մեր ցանկությունների հստակ ձևակերպումն է, և երբ մենք գիտենք թե ինչ ենք ուզում, գտնում ենք մոտիվացիա այդ իրականացնելու համար:

check-mark  Գոհ լինել. երբ օրվա ավարտին մենք վերլուծում ենք անցած օրը և գտնում ենք նույնիսկ փոքրիկ նվաճումներ, դրանք մեզ ոգևորում են հաճորդ օրը ավելի եռանդով աշխատելու համար:

check-mark  Վստահություն ուղու ճիշտ ընտրության մեջ. երբ մենք վստահ ենք, թե ինչի համար ենք անում տվյալ գործունեությունը, մենք նաև հավատում ենք մեր ուժերին, ինչը մոտիվացնում է:

check-mark  Լավատեսություն. կյանքը մեզ պատասխանում է այնպես, ինչպես մենք ենք նրան նայում: Մի մոռացեք այդ մասին:

check-mark  Պետք է. երբ Ձեզ հանձնարարված է որևէ աշխատանք, մի մտածեք «պետքի» մասին, սկսեք մտածել այն մասին, թե ինչ եք Դուք ուզում ու ինչի համար եք կատարում այդ աշխատանքը: Երբ գտնեք այս հարցի ճիշտ պատասխանը հավատացեք, որ կգտնեք նաև Ձեր ինքնամոտիվացիան:

Հուսով ենք այս խորհուրդները օգտակար կլինեն Ձեզ համար:

Արուսյակ Մարգարյան

Director (Ղեկավար) Motive marketing and management agency
Այցելեք staff.am այսօր և ստեղծեք Ձեր օնլայն CV-ին

Դիտեք նաև

21930870_10213482611320360_1649945874_o

staff.am թիմն իր հաճելի անակնկալներով

Staff.am թիմը շարունակում է իր այցելություններն այն ընկերություններ, որոնք համալրում են իրենց թիմը՝ օգտվելով staff.am …

Leave a Reply

Your email address will not be published. Required fields are marked *

Copy Protected by Chetan's WP-Copyprotect.