Սկիզբ / Խորհուրդներ / Անհատական բրենդ․ ինչպես նպաստել կարիերայի աճին

Անհատական բրենդ․ ինչպես նպաստել կարիերայի աճին

Արդեն պատրաստվում եք հաջորդ քայլը կատարել Ձեր կարիերայում, փնտրել նոր աշխատանք կամ առաջխաղացում ունենալ աշխատանքում և մտածում եք, թե ինչպես իրականություն դարձնեք Ձեր նպատակները։ Բոլոր այս դեպքերում շատ մեծ կարևորություն ունի անհատական բրենդը, այն՝ թե ինչպես եք Ձեզ ներկայացնում աշխատավայրում, գործատուներին կամ մասնագիտական համայնքում։

Ճիշտ կառուցված անհատական բրենդի միջոցով Դուք կարող եք տարբերվել հարյուրավոր թեկնածություններից, որոնք դիտարկվում են ՄՌԿ մասնագետների կողմից և, վերջնականում ստանալ այնպիսի աշխատանքի առաջարկ, որին իսկապես ձգտում եք։

Հավատացած ենք, որ Դուք նույնպես կարևորում եք անհատական բրենդը ստեղծելու անհրաժեշտությունը, ուստի առանձնացրել ենք մի քանի օգտակար խորհուրդներ այս ուղղությամբ գործնական քայլեր ձեռնարկելու համար։

1Կիսվեք Ձեր գիտելիքներով: Եթե կա սոց․ մեդիա, ապա կան նաև տարբեր հնարքներ Ձեր գիտելիքներն ու հմտությունները ներկայացնելու համար ։

Խորհուրդ ենք տալիս ակտիվ լինել տարբեր բլոգերում և մասնագիտական թեմաների շուրջ հոդվածներ հրապարակել։ Կամ կարող եք սոց․ մեդիայի մասնագիտական community-ներում ինչ-որ գրառումներ կատարել, որոնք ժամանակի ընթացքում Ձեզ ավելի ճանաչելի կդարձնեն և Դուք ձեռք կբերեք նոր follower-ներ։

Վերջին ժամանակաշրջանում շատ է կարևորվում և գնահատվում meetup-ներին մասնակցությունը։ Օրինակ, կարող եք կամավոր հիմունքներով բանախոսություններ ունենալ meetup-ների ժամանակ, քանի որ միջոցառում կազմակերպողներն անընդհատ հետաքրքրված են նոր խոսնակներով, ովքեր իրենց գիտելիքներով կկիսվեն լսարանի հետ։

20

2Փորձեք տարբերվել: Ներկայանալիս տարածված տարբերակ է, երբ նշում են անունը և ընկերությունը, որտեղ աշխատում են։ Իհարկե, այս մոտեցումը սխալ չէ և ընդունելի տարբերակ է, երբ Ձեր անհատական բրենդը կառուցում եք ընկերության բրենդի հիման վրա։ Բայց հիշե՛ք, այդ ձևով հնարավոր է և քողարկում եք Ձեր սեփական բրենդը։ Ձեզ շրջապատին ներկայացրեք այնպիսի նախագծի կամ ծրագրի միջոցով, որը Ձեր հեղինակայինն է։

142-Personal-branding

3Վստահ եղեք նրանում, ինչ առաջարկում եք: Դուք պետք է վստահ լինեք Ձեր հմտություններում։ Եթե Դուք հստակ գիտեք, թե ինչ աշխատանք եք կատարում և ուր եք ձգտում, այդ ժամանակ արդեն վստահությունը և հավատը Ձեր հմտությունների նկատմամբ անբաժանելի կլինեն Ձեզնից։

1_kBP2yCGvq3WuEPZUvpu5Ow

4Եղեք այնպիսին, ինչպիսին՝ կաք: Դուք կարող եք տևական ազդեցություն թողնել մարդկանց վրա, եթե լինեք յուրահատուկ Ձեր տեսակի մեջ և իրական։ Կեղծավորությունը երկար ճանապարհ չունի։

no-translate-detected_23-2147777909

Ամփոփենք․ ներդրեք ժամանակ Ձեր սեփական բրենդը կառուցելու վրա, որովհետև անընդհատ աշխատանք տանելով այդ ուղղությամբ՝ Դուք ստեղծում եք մնայուն արժեք։ Այսպես Դուք կտարբերվեք Ձեր մասնագիտական շրջապատում և կնպաստեք Ձեր կարիերայի աճին։

 

 

Այցելեք staff.am այսօր և ստեղծեք Ձեր օնլայն CV-ին

Հեղինակը՝ StaffBlog

Դիտեք նաև

2

Ամփոփվեցին staff.am-ի կողմից իրականացված ՀՀ աշխատաշուկայի և աշխատավարձերի վիճակագրական վերլուծության արդյունքները

Որո՞նք են ամենապահանջված մասնագիտությունները ՀՀ-ում, ո՞ր ոլորտի ընկերություններն են ամենաակտիվը աշխատաշուկայում, ինչպիս՞ի հմտություններ և գիտելիքներ …

Leave a Reply

Your email address will not be published. Required fields are marked *