Մինչև մանրամասներին անցնելը. ռեզումեն կարևոր է, այն պետք է լինի իրոք լավ կառուցված, ինչի համար պահանջվում է ժամանակ։
Ինձ հաճախ են ասում․ «Ես դիմել եմ շատ տեղեր, չեմ հասկանում՝ ինչու չեն կանչում», ու առաջին բանը, որ հարցնում եմ․ «Իսկ ռեզումեդ լա՞վն է»։ Կարևոր է ընդունել մի փաստ, որ աշխատանքի դիմելիս այն ձեզ ներկայացնելու միակ միջոցն է, դե միակը չէ, եթե ուղղորդմամբ եք դիմել՝ reference-ով։ Խնդիր ունեք այստեղ տասնյակ կամ նույնիսկ հարյուրավոր այլ A4-երի մեջ առանձնանալու։
Ռեզումեների ֆիլտրումը կատարվում է մարդկանց կողմից, ովքեր բոլորի նման ցանկություն ունեն տեսնելու և նախընտրություն են տալիս ինֆորմացիայի հակիրճությանն ու մատուցմանը: Կարևորը ոչ միայն բովանդակությունն է, այլ թե ինչպես դուք այն կներկայացնեք։
Ռեզումեի կառուցվածքը հետևյալն է․
Անձնական ինֆորմացիա՝ Անուն-ազգանուն, հեռախոսահամար, էլ. հասցե, LinkedIn։
Աշխատանքային փորձ՝ պրոֆեսիոնալ աշխատանքային փորձ, կամավոր աշխատանք, պրակտիկա։
- Պաշտոնի անվանում, կազմակեպության անվանում, պաշտոնի զբաղեցման տարեթիվ,
- Կարևորագույն պարտականությունները (մասնավորապես նրանք, որոնք համապատասխանում են նոր թափուր պաշտոնի պահանջներին)։
Կրթություն և որակավորում։
- Կրթական հաստատության ամբողջական անվանում,
- Կրթական աստիճան/ հավաստագիր,
- Ուսման տարեթիվ։
Դպրոցի մասին խորհուրդ կտամ նշել, եթե որոշակի սպեցիֆիկա ունի դպրոցը, օրինակ՝ Ֆիզմաթը կամ անգլիական թեքումով էսինչ դպրոց։
Լրացուցիչ ինֆորմացիա՝ լեզուների իմացություն, մասնագիտական հմտություններ, հատուկ նախագծեր, անդամակցություն որևէ կազմակերպությանը, հոբբիներ և այլն։
Մի քանի խորհուրդ.
1․ Ռեզումեն պետք է լինի 1, առավելագույնը 1․5 էջ։
2․ Ուղարկեք անգլերեն ռեզումե, եթե տվյալ հաստիքը կամ ընկերությունը չունի այլ սպեցիֆիկա։
3․ Դիմեք դիզայներ ընկերոջը, թող ձեզ օգնի արտաքին տեսքի հարցում։
4․ Աշխատանքի երբեք մի դիմեք ոչ թարմ (հին տվյալներով) ռեզումեով։
5․ Ուղարկեք PDF տարբերակով:
«HR – ի աղբարկղում հայտնվելու 10 հիմնական պատճառները» թեմայով բավական լավ նյութ է գրել Ղուկասը՝ Incredo ընկերության ՄՌ մասնագետը։ Կարդացեք այստեղ՝ https://goo.gl/dHqmBB:
Անի Մարգարյան
Talent specialist (ՄՌԿ մասնագետ) Joomag, Inc.
