Կայացավ ServiceTitan հայաստանյան նոր գրասենյակի բացման միջոցառումը

1565

staff.am տարբեր նախագծերի շրջանակներում հաճախ ենք անդրադարձել ServiceTitan ամերիկյան հաջողված ստարթափին և հայաստանյան թիմի նորություններին։ Դեռևս մի քանի ամիս առաջ #StaffCoverages նախագծով հարցազրույց ունեցանք թիմակիցների հետ, բացահայտեցինք ServiceTitan-ի կորպորատիվ մշակույթն ու ընկերության զարգացման հեռանկարները Հայաստանում։

Իսկ հոկտեմբերի 3-ին արդեն հրավիրված էինք ServiceTitan ընկերության հայաստանյան նոր գրասենյակի բացման միջոցառմանը, որին ներկա էին գտնվում տարբեր ոլորտների ներկայացուցիչներ՝ ՏՏ բարձր տեխնոլոգիաների նախարարությունից, ՏՏ ոլորտի ընկերություններից, առաջատար ստարթափներից, «HIVE Ventures» վենչուրային հիմնադրամից, բանկային և ապահովագրական ոլորտի ընկերություններից։

Նոր գրասենյակին ծանոթանալու և միգուցե հետագայում տիտանների թիմին միանալու համար միջոցառմանը հրավիրված էին մասնակցելու վերջերս ընկերության կողմից կազմակերպված .Net թրեյնինգի մասնակիցները, ինչպես նաև այն թեկնածուները, ովքեր նախկինում հարցազրույցի փուլից հետո ինչ-որ պատճառներով չեն կարողացել միանալ ServiceTitan-ին։

Միջոցառումը կազմակերպված էր ինտերակտիվ ոճով՝ networking, ելույթներ, շրջայց գրասենյակում, որն ուղեկցվում էր երաժշտությամբ և հյուրասիրությամբ։

Հատկանշական էին Գլենդելի նախկին քաղաքապետ, Սփյուռքի գործերով գլխավոր հանձնակատար Զարեհ Սինանյանի ելույթը, ServiceTitan-ի Հայաստան գալու պատմության մասին Վահե Կուզոյանի ելույթը։

Ընկերության հաջողությունների և զարգացումների մասին հատուկ ելույթ ունեցան նաև ServiceTitan հայաստանյան  ներկայացուցչության Operations Director Աշոտ Տոնոյանը և ServiceTitan Head of International Operations Վաչ Հովսեփյանը։

Նշենք, որ ServiceTitan ընկերության հայաստանյան ներկայացուցչությունը շարունակում է իր թիմը ընդլայնել՝ համալրելով թե ծրագրավորման, և թե հաճախորդների աջակցման թիմերը։ Արդեն շուրջ 22 աշխատակից իր առանձնահատուկ ներդրումն ունի ServiceTitan պրոդուկտի զարգացման մեջ։

ServiceTitan ամերիկյան ստարթափ ընկերությունը հիմնադրվել է 2012թ ամերիկահայ գործարար Արա Մահդեսյանի և Վահե Կուզոյանի կողմից։ Նրանք միասնական ջանքերով մշակել են այնպիսի ծրագրային ապահովում, որն օգնում է շինարարության ու կենցաղային սպասարկման ոլորտներում աշխատող ընկերություններին։ Ծրագիրը թույլ է տալիս հետևել իրականացվող աշխատանքներին, վերահսկել վաճառքները, կապ պահպանել հաճախորդների հետ։

Ի դեպ, Արա Մահդեսյանը և Վահե Կուզոյանը այժմ մասնակցում են Համաշխարհային ՏՏ համաժողովին (WCIT2019) և «HIVE Ventures» վենչուրային հիմնադրամի գագաթնաժողովին՝ որպես խոսնակներ։

ServiceTitan հայաստանյան ներկայացուցչությանը մաղթում ենք հաջողություն իր բոլոր նախագծերում։ Եվ եթե հետաքրքրված եք միանալ տիտանների տաղանդավոր թիմին, ուրեմն ծանոթացեք թափուր աշխատատեղերին և դիմեք այսօր։

Դիտել բոլոր աշխատանքները

Powered by staff.am.