Սկիզբ / Խորհուրդներ / Սոց. ցանցեր – Դուք որպես թեկնածու

Սոց. ցանցեր – Դուք որպես թեկնածու

Սոցմեդիան կարող է կառուցել և քանդել ձեր կարիերան։ Մենք յուրաքանչյուրս լսած կլինենք գոնե մեկ պատմություն, երբ մարդուն աշխատանքից հանել են սոցցանցերում ոչ ճիշտ պահվածքի համար։ Ինձ ծանոթ են նաև հակառակ դեպքերը, երբ ինչ-որ մեկն առավելություն է ստացել աշխատանքի ընդունման ժամանակ, որովհետև օրինակ ՄՌ մասնագետը նրան ճանաչել է որևէ հոդվածի, կամ որևէ կարևոր իվենթի մասնակցության համար։

Ձեզ կարող է կարևոր չթվալ Twitter-ում, LinkedIn-ում և նույնիսկ Facebook-ում արված փոստերը դուք դրանք կարող է համարեք սովորական, առօրյային կից բաներ, սակայն իրականում դրանք կարևոր նշանակություն ունեն հավաքագրման մեջ։ Համաձայն 2015 թվականին  CareerBuilder -ի կողմից արված հետազոտության՝ ռեկրուտերների 35 տոկոսն ասել են, որ քիչ հավանական է, որ նրանք հարցազրույցի կանչեն մի մարդու, ում մասին ընդհանրապես ինֆորմացիա չգտնեն օնլայն:

Ուրեմն շատ կարևոր է հոգ տանել այն մասին, թե դուք ինչ եք այնտեղ ցույց տալիս։ Ու մի բան էլ, դա միայն ռեկրուտերների գործը չէ՝ նայել ձեր պրոֆիլները, լավ կլինի դուք ինքներդ ուսումնասիրեք այն ընկերության աշխատակիցների պրոֆիլները, որով որ հետաքրքրված եք։ Որքան շատ լինի ձեր ինֆորմացիան, այնքան ավելի ճիշտ կկարողանաք ձեզ ներկայացնել։  

Այստեղ կարևոր է նաև հաշվի առնել Ձեր գործունեության ոլորտը։ Տոփ-ոլորտները, որոնց ներկայացուցիչներն ավելի սպասելի են լինել սոցցանցերում, Կոմերցիան է, մասնագիտական և բիզնես ծառայությունները, IT-ն և սպասարկումը։ Կարևոր չէ, այս պահին Դուք փնտրում եք աշխատանք, թե ոչ, միշտ պետք է բաց լինել պոտենցիալ հնարավորությունների առաջ և հետևել բոլոր սոցցանցերում առկա պրոֆիլների տեսքին։

Facebook-ը և LinkedIn-ն ունեն մի քանի առանձնահատկություն, որոնց մասին գիտենալը կօգնի ձեզ ճիշտ կառուցել ձեր բրենդը։

1․ Facebook-ում կա share audience հասկացություն, երբ դուք ընտրում եք, թե ովքեր կարող են տեսնել ձեր որևէ փոստը։ Ձեր ոլորտին առնչվող, ձեր դրական առանձնահատկությունները շեշտադրող փոստերը լավ կլինի որ կիսվեն public- հասանելի բոլորին, իսկ ավելի անձնական բնույթի ինֆորմացիան թողեք միայն ձեր ընկերների համար։

2․ Ինչն է անհրաժեշտ չփոսթել ոչ հարիր նկարներ, ալկոհոլի օգտագործում, բացասական կարծիքներ ձեր նախկին գործատուի կամ կոլեգաների մասին, դիսկրիմինացիոն բնույթի փոստեր, որը վերաբերում է կրոնին, սեռին, ազգային պատկանելությանը և այլն։ Վստահորեն այս կետը կարդացող մարդկանց մեջ կլինեն նրանք, ովքեր «ես իմ կարծիքն արտահայտելու իրավունք ունեմ իմ անձնական էջում» տիպի հակադրությամբ։ Իհարկե։ Սրանք պարզապես փորձի արդյունքում ու մի քանի երկար-բարակ ստատիստիկաների արդյունքում ստացված խորհուրդներ են, մնացածը՝ ձեր որոշմամբ։ Նկարների հետ կապված՝ սովորաբար խորհուրդ է տրվում բոլոր սոցիալական կայքերում հանդես գալ նույն նկարով՝ գեղեցիկ, վերջին ժամանակների և լավ որակի։

3․ Ինչ են փնտրում հավաքագրման մասնագետները՝ կոմմունիկատիվ, սեփական ոլորտով հետաքրքրվող, ներգրավված ու դրական տեսանելիություն (visibility, եթե ճիշտ եմ թարգմանում) սոցհարթակում։ Ավելի լավ կլինի, եթե որոշեք, թե ինչի հետ եք ուզում, որ ձեզ ասոցացնեն, այլ կերպ ասած, ինչով եք դուք ցանկանում տեսանելի լինել։

Վերջերս Հայաստանում LinkedIn մասնագիտական ցանցն աստիճանաբար ձեռք է բերում հայտնիություն՝ և՛ ՄՌ մասնագետների համար՝ որպես հավաքագրման մեջ կարևոր գործիք, և՛ թեկնածուների համար՝ որպես սեփական բրենդն աշխատաշուկայում ամրացնելու գործիք: Ուստի մի քանի լավ միջոց ներկայացնեմ, որը կօգնի առավել ճիշտ կառուցված էջ ունենալ։

4. Եթե Facebook-ի պարագայում դա պարտադիր չէ, ապա LinkedIn-ի պարագայում անխուսափելի է ունենալ պրոֆեսիոնալ նկար։ Եթե չունեք, սա տարեք անելիքների ցանկ (օրինակ՝ https://www.wunderlist.com/)։ Այստեղ ես ձեզ կպատմեի առաջին տպավորության կարևորության, և թե որքանով է հատկապես վիզուալ ընկալումը կարևոր այս ամենի մեջ, բայց սա թողնում եմ ձեզ։

5․ Ունեցեք Summary (ամփոփագիր, եթե ճիշտ եմ բառն ասում)։ Սա այն մի քանի հիմնական նախադասություններն են, որ պատմում են ձեր մասին, ստեղծում ընդհանուր ամբողջական պատկերացում Ձեր մասին։ Լավ կլինի օգատագործեք «առաջ-այսօր-հետո» տարանջատումը՝ ով եք, ինչ պատմություն ունեք, ներկայումս որտեղ եք կանգնած և որ ուղղությամբ եք ցանկանում շարունակել ձեր զարգացումը։ Օրինակ՝

joomaՎստահորեն դուք կարող եք ավելի ազդեցիկն ու տպավորիչը գրել։

6․ Մեկ կամ մի քանի նախադասությամբ ներկայացրեք այն Ընկերությունները, որտեղ աշխատում/ել եք։ Ընկերություններ կան, որոնք քիչ կամ բնավ էլ ծանոթ չեն նույնիսկ հայաստանյան հանրությանը, էլ չենք խոսում դրսի մասին: Կարող եք օգտվել Ընկերության կայքի “About us” բաժնից:

7․ Ներկայացրեք, թե ինչ եք արել՝ հիմնական պարտականությունները։ Այ այստեղ մի շտապեք գուգլել, քոփի-փասթել կամ կցկտուր, մեկ-երկու նախադասություն տալ։ Գրեք, թե կոնկրետ ինչ եք արել (LinkedIn-ը նույնիսկ ունի պրոյեկտներ ավելացնելու հնարավորություն)։ Կարող եք նաև առանձին ներկայացնել ձեր հաջողությունները կոնկրետ հաստիքում։ Ի դեպ կարևոր է, որ այս ամենը ներկայացնեք  bullets-ներով (կետավորմամբ)։ Այս կերպով ինֆորմացիան ավելի հեշտ ընթեռնելի և տեսանելի է։

8․ Ներառեք հղումներ։ Եթե ունեք հացազրույցներ, հոդվածներ, սեփական բլոգ կամ ցանկացած այլ տեսակի ինֆորմացիա, որը վերաբերում է ձեզ, անպայման ներառեք ձեր էջում: Օրինակ՝ թրեյնինգ եք վարում որևէ կենտրոնում, տվեք հղում, որով կարելի է տեսնել ձեր թրեյնինգային ծրագրի մանրամասները:

9․ Դարձեք տեսանելի ոլորտում։ Վստահորեն կարդում եք ձեր ոլորտի նորությունները և հետաքրքիր հոդվածները, լավ կլինի, որ նաև կիսվեք։ Այսպես ցույց կտաք, որ իրապես կենտրոնացած և հետաքրքրված եք ձեր գործունեության ոլորտով: Ինչպես նաև ակտիվություն ցուցաբերեք մասնագիտական խմբերում, մասնակցեք քննարկումներին, ձեր կարծիքը գրեք, հարցեր ուղղեք: Բացի ինքնազարգանալուց, սա կօժանդակի նաև պրոֆեսիոնալ ցանցի ստեղծանն ու ամրապնդմանը: 

10․ Ֆիլտրեք Ձեր հմտությունները։ ֆիլտրեք և ջնջեք այն հմտությունները, որոնք ձեր մասնագիտության գործունեության հետ կապ չունեն: Ինչպես նաև թույլ մի տվեք, որպեսզի ձեր էջում երևան այն նոր endorsement-ները, որոնք, էլի, շաղկապված չեն ձեր հիմնական գործունեության հետ։ LinkedIn search-ի ալգորիթմի մեջ հմտությունների գործոնը ևս կա։

Եվ վերջում ամենակարևորը՝

Եթե ամփոփենք, ձեր սոցմեդիայում տեսանելիությունը կազմում է ձեր բրենդի մի մասը։

Անի Մարգարյան

Talent specialist (ՄՌԿ մասնագետ) Joomag, Inc.
Այցելեք staff.am այսօր և ստեղծեք Ձեր օնլայն CV-ին

Դիտեք նաև

5 (1)

«ՀԶՈՐ ԲՐԵՆԴ, ՀԶՈՐ ԹԻՄ»․ Գործատուի բրենդավորման staff.am գործիքները

Լավագույն և համապատասխան մասնագետ գտնելն այսօր Գործատու ընկերությունների համար դարձել է կարևորագույն խնդիրներից մեկը։ Իսկ …

Մեկ կոմենտ

  1. Thank you for sharing open-handedly your observations and ideas.

Leave a Reply

Your email address will not be published. Required fields are marked *

Copy Protected by Chetan's WP-Copyprotect.