Սկիզբ / Խորհուրդներ / Soft հմտություններ, որ կօգնեն շրջանավարտներին հաջողության հասնել

Soft հմտություններ, որ կօգնեն շրջանավարտներին հաջողության հասնել

Շատ հաճախ, համալսարանի շրջանավարտները ունեն բավականին շատ մասնագիտական հմտություններ, սակայն չունեն շատ կարևոր Soft հմտություններ: Անկախ նրանից, թե ինչ մասնագիտություն եք ընտրել, կան մի քանի կարևոր հմտություններ, որ անհրաժեշտ են ցանկացած մասնագետի հաջողության հասնելու համար: Տիրապետելով դրանց` Դուք կկարողանաք միանգամից գրավել գործատուի ուշադրությունն ու տարբերվել հարյուրավոր դիմորդներից:

Հետևյալ հմտությունները կօգնեն Ձեզ ոչ միայն կարիերայի սկզբում, այլ նաև դրա ամբողջ ընթացքում:

1 Ժամանակը ճիշտ կառավարելու հմտություններ

3

Ինչպես ասում են՝ ժամանակը ոսկի է: Ճիշտ կառավարելով Ձեր ժամանակը` Դուք կկարողանաք բարձրացնել Ձեր աշխատանքի արդյունավետությունը: Գործատուները պահանջում են, որ աշխատանքը ոչ միայն լավ կատարվի, այլև կատարվի ժամանակին: Այս հմտությունը կօգնի նաև անիմաստ չվատնել Ձեր էներգիան ու ժամանակը:

Ինչպես զարգացնել այս հմտությունը՝  

Ժամանակը ճիշտ կառավարելու համար անհրաժեշտ է նախապես պլանավորել Ձեր օրը կամ շաբաթը: Կարելի է նաև ամեն աշխատանքի համար վերջնաժամկետ սահմանել: Դա կօգնի ավելի ճիշտ ծախսել Ձեր ժամանակը ու գործը ավելի արագ ավարտին հասցնել:

2Բանակցելու հմտություններ

2

Կարևոր է կարողանալ մարդկանց համոզել և ստանալ այն ինչ Դուք ցանկանում եք: Բանակցելու կարողությունը կօգնի ոչ միայն աշխատանքային հարցազրույցի ընթացքում, այլ նաև գործընկերների հետ շփվելիս, գործատուի հետ աշխատավարձի մասին խոսելիս և այլն:

Ինչպես զարգացնել այս հմտությունը՝  

Բանակցելու համար շատ կարևոր է լավ տեղեկացված լինել: Անհրաժեշտ է ի սկզբանե պատրաստվել, փոքրիկ հետազոտություն իրականցնել և նախապես որոշել, թե ինչ եք ասելու:
Բանակցության ընթացքում կարևոր է նաև պահպանել հանգստություն: Նյարդայնանալը ավելի կբարդացնի գործընթացը:

3Միջանձնային հմտություններ

4

Մասնագիտությունների մեծ մասը պահանջում են մարդկանց հետ հաղորդակցվելու հմտություններ ինչպես աշխատակիցների ու գործընկերների հետ, այնպես էլ հաճախորդների: Կարևոր է պատրաստ լինել տարբեր տեսակի մարդկանց հետ շփվելուն և դրական հարաբերություններ հաստատելուն: Հարցազրույցի ընթացքում գործատուին ցույց տվեք, որ պատրաստ եք ծանոթանալու նոր մարդկանց հետ ու մարդկանց հետ ազատ հաղորդակցվելու խնդիր չունեք:

Ինչպես զարգացնել այս հմտությունը՝  

Մարդկանց հետ շփումը անխուսափելի է և՛ աշխատանքային միջավայրում, և՛ առհասարակ կյանքում: Այդ կարևոր հմտությունը զարգացնելու համար անհրաժեշտ է անընդհատ շփվել մարդկանց հետ, ծանոթանալ նոր մարդկանց հետ: Կարող եք գրանցվել, հաճախել կոնֆերանսների և միջոցառումների՝ ծանոթանալու, հաղորդակցվելու և կապեր հաստատելու համար:

4Խնդիրներն արդյունավետ լուծելու հմտություններ

5

Աշխատանքում խնդիրներ կարող են առաջանալ գրեթե ամեն պահի: Դրանք կարող են պահանջել ինչպես արագ ու պարզ լուծումներ, այնպես էլ բարդ, ժամանակատար ու կարևոր որոշումներ: Հետազոտությունը ցույց է տվել, որ շրջանավարտների 53%-ը չի կարողանում արագ կողմնորոշվել, թե ինչ է պետք անել առաջացած խնդիրները լուծելու համար:
Հարցազրույցի ընթացքում կարևոր է գործատուին ցույց տալ, որ չեք վախենում դժվարություններից և պատրաստ եք ցանկացած խնդրի յուրօրինակ լուծում տալ:

Ինչպես զարգացնել այս հմտությունը՝  

Երբ առաջանում են խնդիրներ, կարևոր է պահպանել հանգստություն և չշփոթվել: Այս հմտությունը կարելի է զարգացնել անգամ առօրյա խնդիրները լուծելիս: Ուղղակի ամեն անգամ խոչընդոտի հանդիպելիս անհրաժեշտ է կենտրոնանալ, հասկանալ, թե ինչ հնարավոր լուծումներ կան և ընտրել դրանցից լավագույնը:

Որքան շուտ տիրապետեք վերը նշված հմտություններին, այնքան ավելի պահանջված մասնագետ կդառնաք, ով ոչ թե տխրում է աշխատանք չգտնելու պատճառով, այլ տխրում է, որ չի կողմնորոշվում, թե բազմաթիվ լավ աշխատանքների առաջարկներից որ մեկն ընտրի:

Այցելեք staff.am այսօր և ստեղծեք Ձեր օնլայն CV-ին

Հեղինակը՝ StaffBlog

Դիտեք նաև

21930870_10213482611320360_1649945874_o

Հերթական նվերները staff.am-ից

Staff.am թիմը չի դադարում անակնկալներ մատուցել իր հավատարիմ օգտատերերին։ Դեռ հունիս ամսին սկսած մեր նախաձեռնությունը դարձել …

Leave a Reply

Your email address will not be published. Required fields are marked *

Copy Protected by Chetan's WP-Copyprotect.