cover
Սկիզբ / Մեր Գործատուները / Բացահայտել ընկերությունները / staff.am-ի այցը eworld՝ էլեկտրոնային առևտրի ոլորտում պրոֆեսիոնալ ընկերություն

staff.am-ի այցը eworld՝ էլեկտրոնային առևտրի ոլորտում պրոֆեսիոնալ ընկերություն

Նոր տարին սկսում ենք նոր ընկերություններ բացահայտելով։ staff.am թիմն այցելեց էլեկտրոնային առևտրի ոլորտում պրոֆեսիոնալ ծառայություններ մատուցող eworld ընկերություն։  Մեր այցի ընթացքում անչափ տպավորված էինք ընկերության անմիջականությամբ ու զգալի էր այն անկեղծ թիմային fun մշակույթը, որում մենք, միանշանակ, համոզվեցինք։ Եթե մեկ նախադասությամբ փորձենք նկարագրել еworld-ը, ապա այն մի առանձին մոլորակ է, որտեղ աշխատում են երիտասարդ, հարմարավետությունը գնահատող ու տաղանդաշատ մասնագետներ՝ չսահմանափակելով առօրյան միայն աշխատանքով։  

Դե ինչ, զրույցի ընթացքում կարծում եմ միասին ավելին կբացահայտենք eworld ընկերության մասին։ Իսկ մեր այցի կազմակերպման համար հատուկ շնորհակալություն ենք հայտնում Ալլա Սահակովային։ 

ԹԻՄԱԿԻՑՆԵՐ         ՏԵՍԱՆՅՈՒԹ          ԹԱՓՈՒՐ ԱՇԽԱՏԱՏԵՂԵՐ            ԲԵՆԵՖԻԹՆԵՐ             ԼՈՒՍԱՆԿԱՐՆԵՐ

EWORLD-Ի ՄԱՍԻՆ

logo_ten

eworld ընկերությունը էլեկտրոնային առևտրում մասնագիտացված մարքեթինգային ծառայություններ մատուցող ընկերություն է, որի գործունեությունն իրականացվում է ավելի քան 14 երկրներում։

43 ԱՇԽԱՏԱԿԻՑ

EWORLD ԹԻՄԱԿԻՑՆԵՐ

 

Roman_circle

ՌՈՄԱՆ ՍԱՀԱԿՈՎ

Գլխավոր տնօրեն

down

Liana

ԼԻԱՆԱ ԱԶԻԶԲԵԿՅԱՆ

Բիզնեսի զարգացման ղեկավար

down

Ani_circle

ԱՆԻ ԿԱՐԱՊԵՏՅԱՆ

Ֆինանսական թիմի ղեկավար

down

Alla

ԱԼԼԱ ՍԱՀԱԿՈՎԱ

ՄՌԿ ղեկավար

down

Sona-Matasyan

ՍՈՆԱ ՄԱՏԱՍՅԱՆ

Նախագծերի ղեկավար

down

David

ԴԱՎԻԹ ԱՐՇԱԿՅԱՆ

Մարքեթինգի թիմի ղեկավար

down

Melsida_circle

ՄԵԼՍԻԴԱ ԹԱԴԵՎՈՍՅԱՆ

Հաճախորդների աջակցման և վաճառքի թիմի ղեկավարdown

Zara_circle

ԶԱՌԱ ՆԱԶԱՐՅԱՆ

Հաճախորդների աջակցման և վաճառքի գործակալdown

Margarita_circle

ՄԱՐԳԱՐԻՏԱ ՉԻՉՅԱՆ

Կոնտենտ մենեջեր

down

Hasmik_circle

ՀԱՍՄԻԿ ԿԱՐԱՊԵՏՅԱՆ

Նախագծերի զարգացման մասնագետ

down

Lilit

ԼԻԼԻԹ ԳԵՎՈՐԳՅԱՆ

SEO Outreach մասնագետ

down

nell

ՆԵԼԼԻ ՆԱԶԱՐՅԱՆ

Պրոդուկտի մասնագետ

down

Silvi_circle

ՍԻԼՎԻ ԳՐԻԳՈՐՅԱՆ

Նախագծերի ղեկավար

down

EWORLD-Ը ՏԵՍԱՆՅՈՒԹՈՒՄ

 

int

Բառացիորեն eworld նշանակում է «էլեկտրոնային աշխարհ», մեզ հետաքրքիր էր տեղեկանալ՝ ինչպես և երբ ծնվեց ընկերության ստեղծման գաղափարն ու ինչով էր պայմանավորված անունի որոշումը։

Այս հարցով մենք հատուկ զրույց ունեցանք eworld ընկերության գլխավոր տնօրեն Ռոման Սահակովի հետ։ 

eworld ընկերությունը հիմնադրվել է 2011 թվականին։ Այդ ժամանակ ես բնակվում և աշխատում էի Լոնդոնում։ Ընկերության ստեղծման գաղափարը ծագել է որակյալ մարքեթինգային ծառայություններ  ստանալու շուկայի պահանջարկից։ Կազմակերպությունը հիմնելիս մենք նպատակ ունեինք ստեղծել օնլայն հարթակում նախագծերի պորտֆոլիո։ Եվ այդ հաշվի առնելով էլ որոշեցինք eworld անունը, քանի որ այդ անունը բավականին լավ բնորոշում է մեր ուղղվածությունը։ Ոլորտում փորձի ձեռքբերմանը համընթաց մենք որոշեցինք 2016 թ-ից զարգացման վեկտորը տանել օնլայն ապրանքների առքուվաճառքի ուղղությամբ։ Վերջին տարիներին ընկերության զարգացումն այդ ուղղությամբ է իրականացվում։ 

int

Քանի որ Ձեր նախագծերը տարաբնույթ են, կխնդրեմ փոքր-ինչ ներկայացնել նաև eworld-ի էկոհամակարգը։

 

 eworld-ի էկոհամակարգը բաղկացած է հետևյալ բաղադրիչներից։ Առաջինը կնշեմ eCommerce Digital Marketing Agency-ն, որը թվային մարքեթինգ ծառայություններ է մատուցում եվրոպական օնլայն առևտրով զբաղվող կազմակերպություններին։ Երկրորդ և հիմնական ուղղվածությունը մեր էկոհամակարգում նիշային շուկաներում օնլայն խանութների ցանցն է։ Բավականին բազմաբնույթ է՝ սկսած մեքենայի ծածկույթներից վերջացրած 3D տպագրության սարքերով և բջջային կապի ուժեղացնող սարքերով։

Մեր էկոհամակարգը շարունակ մեծանում է` ընդգրկելով eCommerce կրթական հարթակը, որի միջոցով  մենք տրամադրում ենք օնլայն բիզնեսի իրականացման գործնական գիտելիքներ։ 

 Այս ամենի հիմքում մենք տեսնում ենք էլ ավելի մեծ գաղափար՝ eworld kids foundation-ը: Վերջինս բարեգործական հիմնադրամ է և նպատակ ունի ապահովել մեր հայ մանուկների թե կենսական, թե կրթական զարգացումը։ Մեր բոլոր նախագծերի եկամուտների զգալի մասը տրամադրում ենք հիմնադրամին։ Հիմնադրամի շրջանակներում մեր աշխատակիցներն ակտիվ մասնակցություն են ունենում սոցիալական ծրագրերին, կորպորատիվ պատասխանատվություն զգում մեր հայ մանուկների զարգացման նկատմամբ։ Վերջերս տեղի ունեցավ ամանորյա բարեգործական միջոցառում, որին մենք նույնպես մասնակցեցինք։

int

Խոսենք Ձեր հաճախորդների աշխարհագրության մասին․ ո՞ր երկրներում եք հիմնականում իրականացնում Ձեր գործունեությունը և ի՞նչ դիրք եք զբաղեցնում այդ շուկաներում՝

 Մենք գործունեություն ենք ծավալում ավելի քան 15 երկրներում՝ սկսած եվրոպական երկրներից, ինչպիսիք են՝ Մեծ Բրիտանիան, Ֆրանսիան, Գերմանիան, վերջացրած՝ աֆրիկյան և ավստրալական երկրներով։  Նախատեսում ենք ընդլայնել մեր հաճախորդների աշխարհագրությունը՝ ներառելով ևս 20 երկիր։ 

 Բավականին մեծ ձեռքբերումներ ունենք B2C սեգմենտում՝ առաջատար դիրքեր զբաղեցնելով եվրոպական մի քանի երկրներում։

logo

Հետագա զարգացումը հիմնականում տեսնում ենք մեր բրենդների ստեղծման և B2B սեգմենտի զարգացման ուղղությամբ։ 

int

Մեր զրույցը շարունակեցինք Պրոդուկտի մասնագետ Նելլի Նազարյանի հետ, ով պատմեց՝ ինչով էր պայմանավորված eworld-ին միանալու իր որոշումը։

 Ընտրելով գործատուին՝ դու ընտրում ես այն աշխատանքը, որում մասնագիտանալու ես, գործընկերներին և մթնոլորտը, որտեղ անցկացնելու ես օրվա մեծ մասը: Այս հարցում, իհարկե, պետք է դիտարկել բոլոր առավելություններն ու բացերը: Բայց eworld-ը երկար մտածելու տեղիք չի տվեց: 

 Նշեմ eworld ընկերությունն ընտրելու չորս պատճառ 🙂

1 Ընկերությունը զբաղվում է eCommerce-ով, որն աշխարհի ամենազարգացող ճյուղերից է: Շոփինգն անցել է մեկ այլ փուլի՝ օնլայնի, ինչը մեծ հնարավորություններ է տալիս ինչպես սպառողների, այնպես էլ բիզնեսի համար։ Եվ շատ գրավիչ է լինել զարգացող, մեծ ամբիցիաներով ընկերության մի մասնիկը: Ընկերությունը տալիս է բիզնեսի, eCommerce-ի և ՏՏ-ի ոլորտում մեծ հմտություններ:

2 еworld-ը կարևորում է իր յուրաքանչյուր աշխատակցի զարգացումը, խթանում է մասնագիտական աճը և խրախուսում է բազմաթիվ թրեյնինգների հաճախելը՝ ապահովելով ֆինանսավորումը:

3 Մենք միասին շատ լավ ժամանակ ենք անցկացնում: Կարող ենք լանչ անել այգում, գնալ քվեսթերի, ունենք բազմաթիվ խաղեր: Այսպիսի դրական մթնոլորտում մեզ մոտ յուրաքանչյուր աշխատակից իրեն շատ հարմարավետ է զգում։ Հաճույքով գալիս ես աշխատանքի, սիրում գործը և միաժամանակ մասնագիտորեն աճում:

4 Եվ, վերջապես, ամենակարևոր փաստերից մեկը … ուղղակի չի կարելի անտարբեր մնալ մեր համեղ սուրճի և Play station-ի նկատմամբ։


int

Իսկ թե մասնագիտական զարգացման ինչ հնարավորություն է տրամադրում eworld ընկերությունն իր աշխատակիցներին, պատմեց Մարքեթինգի թիմի ղեկավար Դավիթ Արշակյանը։

david-2

Քանի որ մենք բացառապես աշխատում ենք միջազգային շուկայի հետ, մեր թիմին միացող ցանկացած աշխատակցի համար բացվում են մասնագիտական աճի լայն հնարավորություններ։

 

Մենք միշտ հետևում ենք նորագույն տենդենցներին և կիսվում ենք գիտելիքներով։ Ընկերությունը երբեք չի սահմանափակում աշխատակիցների զարգացումը, այլ ընդհակառակը, աջակցում է։ Յուրաքանչյուրն այստեղ ստանում է անսահմանափակ հասանելիություն օնլայն և ընկերության ներսում կազմակերպվող դասընթացներին։ Ես, որպես մարքեթինգի բաժնի ղեկավար, մշտապես աշխատում եմ մեր թիմի անդամների հմտությունների զարգացման ուղղությամբ։ Չէ՞ որ ընկերության հաջողությունը խիստ կապված է գործընկերների աշխատանքի որակի հետ։ Վերջին մի քանի տարիների ընթացքում կարող եմ հստակ ասել, որ չկա որևիցե աշխատակից, ով չի բարձրացրել իր որակավորումը։ Դե իհարկե, մենք նաև մասնակցում ենք տարբեր դասընթացների ու միջոցառումների (ընկերությունը հատուկ զեղչային պայմաններ է մշակում մասնակցության համար)։

 

Շատ հաճախ ենք teambuilding-ներ կազմակերպում ինչպես ամբողջ ընկերությամբ, այնպես էլ առանձին բաժիններով։ Հիմնական նպատակը՝ թիմում աշխատելու հմտություններ ձեռք բերելն է, և, իհարկե, հրաշալի ժամանակ անցկացնելը աշխատանքային առօրյայից հանգստանալու համար։

 

Լինում են նաև դեպքեր (շատ հազվադեպ), երբ աշխատակիցը, չի կարողանում իր որակավորման մակարդակը բարձրացնել, և այստեղ մենք նույնպես կիրառում ենք հատուկ ծրագիր մեր թիմակցին օգնելու համար։ Ավելի հակիրճ, թիմի ղեկավարներից մեկը սկսում է աշխատել այդ աշխատակցի հետ 1-3 ամիս հարցերի և խնդիրների կարգավորման համար։ Եթե 3 ամիս անց կրկին չի ստացվում, ապա տվյալ աշխատակցին խորհուրդ է տրվում փոխել իր մասնագիտական ուղղվածությունը և փորձել այլ աշխատանքում։ Եվ միայն եթե ուղղվածությունը փոխելուց հետո կրկին ոչինչ չի ստացվում, այդ ժամանակ արդեն նախատեսվում է աշխատանքից հեռացում։ Այսինքն, մենք անընդհատ փորձում ենք օգնել մեր թիմակցին և առավելագույն ջանքեր ենք գործադրում այդ ուղղությամբ։

 

Alla_2

 

logo

eworld-ում աշխատակիցների մասնագիտական աճի ապահովումն իրականացվում է հիմնականում eworld Academy-ի օգնությամբ, որի առաքելությունն է գիտելիքի փոխանցումը։

 

Մեր ակադեմիան հնարավորություն է տալիս ինչպես ստանալ գիտելիքներ, այնպես էլ փոխանցել։ Մշտապես համալրում ենք ակադեմիան նոր դասընթացներով։ Այսինքն, յուրաքանչյուր աշխատակից հնարավորություն ունի ոչ միայն օգտվել դասընթացներից, այլ նաև ստեղծել սեփական դասընթացը իր գիտելիքներով կիսվելու համար։ Հարթակը հասանելիություն է տրամադրում նաև այս ոլորտի համաշխարհային լիդերներին՝ մոտ 10-ից ավելի տարբեր պլատֆորմների, ինչպիսիք են՝ Udemy, Masterclass, Mindvalley և այլն։ Այս սկզբունքով ցանկացած աշխատակից այստեղ կարող է զարգանալ ոչ միայն որպես մասնագետ, այլ նաև որպես անհատականություն։ Ինչպես ասում է մեր տնօրենը․

 

int

Աշխատակիցների շարունակական ուսուցման և մասնագիտական աճի մասին շարունակեցինք զրույցը Սիլվի Գրիգորյանի հետ, ով eworld-ում զբաղվում է նախագծերի ղեկավարմամբ։

 

Silvi_1

Բիզնես միջավայրը, պրոցեսները, տեխնոլոգիաները կայուն կերպով զարգանում ու կատարելագործվում են, ինչն իրենից ենթադրում է, որ աշխատակիցների մասնագիտական կարողությունները, հմտություններն ու փորձը շատ դեպքերում այս դինամիկ ռիթմի հետ չեն համատեղվում ու ժամանակի ընթացքում այսպես ասած «հնանում են»:

Քանի որ բոլորիս համար էլ ակնհայտ է, որ միանգամյա դասընթացով կամ թրեյնինգով երկար ճանապարհ չենք գնա, eworld-ում բավականին մեծ շեշտադրում ենք անում աշխատակիցների շարունակական ուսուցման, ինքնազարգացման ու մասնագիտական կարողությունների խորացման վրա: Հնարավոր բոլոր առումներով ընկերությունը փորձում է մոտիվացնել աշխատողներին: Օրինակները թերևս շատ են՝ սկսած մասնագիտական գրադարանի ստեղծումից, օնլայն կուրսերից մինչև միջազգային սեմինարների ու իվենթների մասնակցություն:

 

Գրադարանը մշտապես թարմացվում է մասնագիտական ու ինքնազարգացմանը նպաստող գրքերով: Ունենք իզոլացված Reading room անկյուն, որը դարձել է թիմի ամենասիրելի անկյուններից մեկը: eworld-ը նաև մեծ կարևորություն  է տալիս միջազգային սեմինարների ու այլ միջոցառումների մասնակցությանը:

 

 

Այս տարի օրինակ ընկերության տարբեր աշխատակիցներ՝ կախված իրենց մասնագիտության սպեցիֆիկայից, ունեցել են մի քանի գործուղումներ դեպի Չինաստան, Իսպանիա, Սանկտ Պետերբուրգ, մոտ ժամանակներս նաև Իտալիա:

 

 

globe

 

 

Այս ամենը մեծ խթան է հանդիսանում ինքնազարգացման ու փորձի փոխանակման և առհասարակ աշխատանքում հաջողության հասնելու համար:  


intՄեր հաջորդ զրուցակիցն է Մարգարիտան, ով զբաղեցնում է Կոնտենտ մենեջերի պաշտոնը։ Մարգարիտան մեզ հետ կիսվեց eworld-ում առաջին աշխատանքային օրն ստացած տպավորություններով։ Կարծում ենք ձեզ նույնպես հետաքրքիր է՝ ինչն էր առավել զարմանալի 🙂 

 

Չգիտեմ ինչքանով զարմանք 🙂 բայց շատ ուրախացրեց այն փաստը, որ eworld-ը աշխատանքի մեջ ամենից շատ գնահատում է արդյունավետությունը: Արտաժամյա աշխատանքը նկատվում և գնահատվում է, սակայն չի ակնկալվում: Սա խոսում է այն մասին, որ այս ընկերությունը հարգում է իր աշխատակիցների ժամանակը: Անձամբ ինձ համար այս փաստը շատ կարևոր է, քանի որ, երբ eworld-ից կապ հաստատեցին ինձ հետ, ես գտնվում էի երեխայի խնամքի արձակուրդում: Կազմակերպությունը սպասեց ինձ 3 ամիս` մտնելով իմ դրության մեջ, և գալուն պես շատ ջերմ ընդունեց:

 

 Ասեմ, որ eworld-ը շատ է կարևորում ընտանիքը և ընտանեկան արժեքները: Գրասենյակում գտնվում է երեխաների անկյուն խաղալիքներով, ինչպես նաև X-box և  Play station: Աշխատակիցների մեծամասնությունը երիտասարդ ծնողներ են և շատ հաճախ ունենում ենք փոքրիկ հյուրեր 🙂

 

Ինձ հաճելիորեն զարմացրեցին ամենամսյա հավելյալ 1 օր վճարովի ազատ օրվա հնարավորությունը, ինչպես նաև ծննդյան օրն ազատ լինելու հնարավորությունը: Այս գաղափարները եկել են գրասենյակում տեղադրված wish box-ից, որտեղ աշխատակիցները թողնում են իրենց առաջարկությունները: Եթե նրանք չեն հակասում կազմակերպության կանոններին և արժեքներին, ապա կիրառվում են: 

Ինչ վերաբերվում է աշխատանքային մթնոլորտին, ապա այն շատ հանգիստ է և ընկերական: Թիմակիցներս պատրաստակամ են օգնել ցանկացած պահի, ինչը շատ հաճելի է և օգնում է ինձ զգալ ավելի հանգիստ և ինտեգրված:

Ես անչափ ուրախ եմ, որ տեղափոխվեցի այս ընկերություն և ակնկալում եմ երկարաժամկետ և հաջողակ  համագործակցություն:

intԻր աշխատանքի առանձնահատկությունների մասին պատմեց Զառան, ով զբաղեցնում է Հաճախորդների աջակցման և վաճառքի գործակալի պաշտոնը։

 

 

 

Ամեն օր աշխատանքի գալիս նույնիսկ չեմ զգում, որ աշխատանքի եմ գնում։ Այստեղ յուրաքանչյուրս ռեալիզացվելու և մասնագիտական աճ ունենալու հնարավորություն ունենք։ Իմ աշխատանքի բնույթն այնպիսին է, որ աշխատում եմ գրեթե բոլոր երկրների հետ։ Ցանկացած երկրի հետ աշխատելիս դառնում ես այդ երկրի քաղաքացի, փորձում ես հասկանալ հաճախորդին, գտնել այն, ինչ փնտրում է կամ այն, որ դեռևս չգիտի, որ իրեն պետք է։  

int

Նախագծերի ղեկավար Սոնա Մաթասյանը նշեց այն մարտահրավերները և դժվարությունները, որոնց հանդիպում է իր աշխատանքում։ 

 

 

 

 

Իմ մասնագիտացումը նախագծերի կառավարումն է, ինչը սերտ կապված է մարդկանց հետ շփման, ուղղորդման և ճիշտ կառավարման հետ։

 

 Ամբողջ գաղտնիքը յուրաքանչյուր նախագիծ իր նպատակին հասցնելու համար եղել և մնում է մարդը: Այդ իսկ պատճառով շատ կարեւոր է միջանձնային փոխհարաբերությունների ճիշտ կառուցումը, որի արդյունքում ձեւավորվում է դրական մթնոլորտ եւ թիմային ոգի: Այսպիսի միջավայրը պարտադիր նախապայման է հաջողության հասնելու համար:

 

 

Միասնական նպատակների հստակ ձևակերպում, դրանց հասնելու ճանապարհային քարտեզ եւ անսպառ եռանդ՝ ահա մեծագույն մարտահրավերը ղեկավար օղակի բոլոր մասնագետների համար։

 

Եվ, ի վերջո, սկսած այն պահից, երբ բախվում են մարդկանց ստեղծագործ մտքերն ու գաղափարները, սկսվում է ամենահետաքրքիրը՝ նորը ստեղծելու և առաջ շարժվելու անսպառ ցանկությունը։ 

int

Բազմամշակույթ թիմ և թիմային fun մշակույթ։ Փոքր-ինչ խոսենք նաև թիմի և թիմայինի մասին։

 

 

 

eworld-ը ստեղծվել է երիտասարդ, աշխատելու անհագուրդ ցանկություն ունեցող և եռանդով լի երիտասարդների կողմից: Անկախ նրանից, որ փորձում ենք ինքնակատարելագործվել, մասնագիտորեն աճել, ոչինչ մեզ չի խանգարում աշխատանքային օրվա լարվածությունը թոթափել զանազան խաղեր խաղալով ու խենթություններ անելով: Չէ՞ որ երիտասարդ հոգին ու միտքը պահանջում են ձեր հիշատակած FUN-ը  🙂 :

 

 Միջոցառումներ կազմակերպելն այնպիսի արմատացած պրոցես է դարձել կազմակերպությունում, որ շատ դեպքերում դրանք կազմակերպելու կարիք չի էլ լինում: Կարճ ասած ինքնակազմակերպվում է: Իսկ միջոցառումները բազմաբնույթ են։ Մենք սիրում ենք գնալ պիկնիկների, կինոթատրոն, բիզնես զարգացման ոլորտի թրեյնինգների և որ ամենակարևորն է ըստ իս՝ մենք վարակում ենք իրար մեր լավ սովորություններով, ամենավառ օրինակը սպորտով զբաղվելն է եւ առողջ սնվելը:

 

int

Իր տեսանկյունից թիմային fun մշակույթը ներկայացրեց Բիզնեսի զարգացման ղեկավար Լիանա Ազիզբեկյանը

 

 

 

 

eworld-ը դա մի ուրիշ աշխարհ է: Դա մի մեծ ջերմ ընտանիք է, որտեղ, բացի գործնական հարաբերություններից, մարդկանց իրար հետ կապում են շատ ընդհանուր արժեքներ: Այս մեծ ընտանիքի կարևորագույն արժեքներից մեկն է հանդիսանում հոգատարությունը և ուշադրությունը: Այս հոգատարության արդյունքում էլ ծնվում է հարգանքը:

Ընկերությունը բազմամշակույթ է, բոլորս տարբեր ենք, սակայն, այդուհանդերձ հարգում ենք միմյանց աշխատանքը, նախասիրությունները, սահմաններն ու ազատությունները: eworld-ը մի տեղ է, որտեղ քեզ կմոտիվացնեն լինել ոչ միայն ինքնաբավ և կայացած աշխատակից, այլև կվարակեն ինչ-որ բան արարելու, ստեղծելու, անելու, երազելու,հավատալու, հասնելու ձգտումով:


int

Ցանկությունների արկղից մինչև իրականություն eworld-ում հոգատարությունը ստեղծում է նաև հարմարավետություն, որի մասին մեզ հետ կկիսվի Նախագծերի զարգացման մասնագետ Հասմիկ Կարապետյանը։ 

Անտարբերությունը մեր թիմում գրեթե բացակայում է։ Իսկ եթե խոսենք կազմակերպության մասով, ապա սկսած ամենատարրական առաջնահերթություններից` սուրճի, թեյի տարբեր տեսակներ, թարմ մրգեր կամ քաղցրավենիք, առաջին անհրաժեշտության դեղեր և պարագաներ, որոնք մշտապես թարմացվում են աշխատակիցների նախասիրություններին համապատասխան, մինչև աղջիկների համար նախատեսված հայելիներ և այլն, ապա ամեն ինչ արված է, և որ ամենակարևորն է,  շարունակաբար արվում է մեզ համար ավելի հարմար և հաճելի աշխատանքային միջավայր ստեղծելու համար։

 

Ինձ համար հատկապես կարևոր է այն միտքը, որ քո հարմարավետությունն այստեղ կարևորվում է։ Օրինակ, ես երբեմն ընդմիջումներին սիրում եմ քնել (մեզ մոտ կան շատ հարմար պուֆիկներ, որտեղ կարելի է հարմար տեղավորվել և մի քիչ հանգստանալ) և, իհարկե, կարիք է լինում  ծածկվելու։ Մենք ունենք դեղին պուֆիկ և դեղին բարձեր, առհասարակ դեղինը մեր ինտերիերում դուք էլ կնկատեք :): Մեր ցանկությունների արկղում գրել էի դեղին ծածկոցի մասին և այն միանգամից իրականություն դարձավ, որը հիմա աշխատավայրում իմ անբաժանելի մասն է։

 

Իրականում միայն այն զգացողությունը, որ քո առանձնահատկությունները, հետաքրքրությունները և ընդհանրապես ԴՈՒ կարևոր ես այստեղ, արդեն մոտիվացնում է քեզ ավելի լավ և արդյունավետ դառնալ թիմում, մի մասը այն բազմազան և հրաշալի ամբողջի, որը կոչվում է eworld ։)

 

int

ՄՌԿ ղեկավար Ալլա Սահակովայի հետ շարունակեցինք մեր զրույցը՝ խոսելով ինչպես նոր աշխատակիցների հավաքագրման, այնպես էլ eworld-ում ամենապահանջված մասնագետների մասին։ 

 

 

Ցանկացած կազմակերպություն, անկախ իր գործունեության ոլորտից, ունենում է կորպորատիվ մշակույթ, և մենք ևս բացառություն չենք։ Մենք կարևորում ենք այն փաստը, որ մեր թիմի անդամները կիսեն eworld-ի արժեքներն ու սովորույթները։

 

Թիմի նոր անդամ ընտրելիս մշտապես առաջնային նախապատվություն ենք տալիս “cultural fit” հասկացողությանը, քանի որ կազմակերպությունում աշխատելու համար մարդկային հատկանիշները (soft skill ասվածը) պակաս կարևոր չեն մասնագիտական հմտություններից ու որակներից։

Մեր՝ բավականին արագ զարգացող ընկերությունը, որը գործունեություն է ծավալում տեղեկատվական տեխնոլոգիաների ոլորտում և զբաղվում է էլեկտրոնային առևտրով, կադրերի պահանջարկ է ունենում հետևյալ բաժիններում՝ մարքեթինգ, վաճառք և սպասարկում, ծրագրավորում, լոգիստիկա։

 

Մասնագետների առավել մեծ կարիք ենք զգում թվային մարքեթինգի բաժնում, քանզի եվրոպական և մրցակցային այլ շուկաները բավականին բարձր որակավորմամբ պրոֆեսիոնալների պահանջարկ են ստեղծում։ Հենց այս պատճառով էլ բոլոր հաստիքների համար կարևորում ենք անգլերենի իմացությունը։  Կցանկանայի ընդգծել, որ վերջին տարիներին ՏՏ ոլորտում նկատելի է մասնագիտական զգալի աճ։ Ինչը նպաստում է, որ աշխատակիցների հավաքագրման գործընթացը լինի ավելի արագ և ճկուն։

 

Ինչպես նշվեց, վերջին մեր նախագծերից մեկը eworld kids foundation-ն է, որի շրջանակներում փնտրում ենք այն թեկնածուներին, որոնք պատրաստ են բարեգործությամբ զբաղվել՝ դրական զգացումներ փոխանցելով մեր հայ մանուկներին։ Մեր թիմը նույնպես շատ ոգևորված է այս նախագծով և ամեն ինչ անում ենք, որպեսզի բոլորս ունենանք մեծ ներդրում մեր մանուկների կրթական և սոցիալական զարգացման գործում։

 

int

Ալլան նաև պատմեց՝ ինչ փուլերով է անցնում թեկնածուն մինչև թիմին միանալը։

 

 

 

Անձնակազմի համալրման գործընթացն eworld-ում բաղկացած է հետևյալ փուլերից․

 

logo

Ինքնակենսագրականի դիտարկում (screening),

 

logo

Հեռախոսազանգի միջոցով թեկնածուի դիտարկում (screening),

 

logo

Հարցազրույցի առաջին փուլ, որը թույլ է տալիս պատկերացում կազմել, թե թեկնածուն ինչքանով է համապատասխանում մեր ընկերության կորպորատիվ մշակույթին։

 

logo

Հարցազրույցի երկրորդ փուլ, որը նպատակ է հետապնդում բացահայտել մասնագիտական հմտությունները։

 

logo

Հարցազրույց մեր կազմակերպության ղեկավարի հետ։

 

 

Նշված փուլերը բարեհաջող անցնելու դեպքում, թեկնածուին հրավիրում ենք գրասենյակ փորձնական աշխատելու (փորձաշրջանի փուլ) հենց այն թիմում, որին նա պետք է միանա։ Սա գործատուի և աշխատողի համար հնարավորություն է վերջնականապես համոզվել, որ իրենց համագործակցությունը կարող է փոխշահավետ լինել։

 

Մեր տնօրենը, ՄՌԿ բաժինը մեծ կարևորություն են տալիս աշխատակցի հարմարվելու ժամանակահատվածին, ինչպես նաև՝ “on-boarding”-ին։  Վստահ եմ, մեզանից յուրաքանչյուրի հիշողության մեջ վառ տպավորված է իր աշխատանքային առաջին օրը 🙂 Այդ է պատճառը, որ մեր նոր գործընկերոջը փորձում ենք դիմավորել հնարավորինս ջերմ՝ ցուցաբերելով անհատական մոտեցում և հոգատարություն։

 

Ամփոփելով՝ կցանկանայի նշել, որ մեր ընկերությունը employee-centric է, այսինքն` ամեն կերպ հոգ է տանում իր աշխատակիցների մասին, ինչն էլ նպաստում է լավագույնը մատուցել հաճախորդներին։

 

 

int

Վերջերս ընկերությունում ներդրված ամենամեծ նորույթի մասին խոսելիս, Ալլան հավելեց

 

 

 

Վերջերս մեր կազմակերպությունում ներդրված նորույթը OKR ն է՝ նպատակադրման համակարգ, որի միջոցով բոլոր աշխատակիցները հստակ պատկերացնում են, թե կազմակերպությունն ինչ ուղղությամբ է շարժվում, և թե իրենց աշխատանքն ինչ ներդրում ունի դրա հետագա առաջխաղացման հարցում։

 

OKR ասելով` հասկանում ենք Objective – մեծ նպատակ, ուղղություն, որով տվյալ կազմակերպությունը, թիմը կամ անհատը շարժվում են և Key result, այսինքն` այն ցուցանիշները, որոնց միջոցով հասկանում ենք, որ հասել ենք տվյալ նպատակին։ Օրինակ՝ կոնկրետ HR objective կարող է լինել «աշխատակիցների արդյունավետությունը բարձրացնելը» իսկ Key Result «Աշխատակիցների կողմից իրենց KPI ների 80%-ին հասնելը»։

 

Գնալով ավելի խորը՝ մենք մեր համակարգ ենք ներառել նաև Innitiatives հասկացությունը, այսինքն՝ այն քայլերը, որոնք կտանեն մեզ մեր Key Result-ին, HR-ական օրինակով Innitiative կարող է լինել «Աշխատակիցների հետ անհատական զրույց ունենալը, որպեսզի պարզենք նրանց պրոդուկտիվությանը նպաստող գործոնները», եթե օրինակ պարզվի, որ դա հեռակա աշխատանքն է ապա՝ ուսումնասիրել նմանատիպ փորձ ունեցող կազմակերպությունները և ներդնել հեռակա աշխատանքի հնարավորություն նաև մեզ մոտ։

 

Melsida2

int

Ընկերության դինամիկ աճն անհնար է պատկերացնել առանց աշխատակիցների բարձր կատարողականության։ Հաճախորդների աջակցման և վաճառքի թիմի ղեկավար Մելսիդա Թադևոսյանը մանրամասն ներկայացրեց eworld-ում աշխատակիցների կատարողականության գնահատման համակարգը։ 

 

 

 eworld-ում կատարողականի կառավարման համար հետևյալ գործիքներն ենք կիրառում, որոնք հիմք են ծառայում պարգևատրումների կառավարման գործընթացների կազմակերպման համար և նպաստում են աշխատակիցների շարունակական աճին և աշխատանքի արդյունավետության բարձրացմանը։

 

Ինքնագնահատում/Self-assessment։

 

Կատարողականի գնահատում՝ հիմնված արդյունավետության հիմնական ցուցանիշների գնահատման վրա, որը նաև ներառում է սոֆթ հմտություններ։

 

Հետադարձ կապ, որն իրականացվում է կառուցողական դիալոգի միջոցով, անմիջական ղեկավարի հետ։

 

Անհատական զարգացման պլանի մշակում (Personal Development Plan), թրեյնինգներ, նոր հնարավորություններ, նախագծեր և այլն։ Ինչպես արդեն նշվեց, այս մասով բենեֆիթներ ունենք՝ կապված բազմաթիվ թրեյնինգների ֆինանսական փոխհատուցման հետ։

 

Մեզ մոտ առկա են նաև խրախուսման այլ ծրագրեր, որոնք, կարծում եմ, շատ ավելի վառ են արտահայտված հենց մեր բաժնում, որովհետև գործ ունենք անմիջապես վաճառքների հետ։ 

int

Ֆինանսական թիմի ղեկավար Անին մեզ ներկայացրեց այն արտոնությունները, որոնք eworld-ը տրամադրում է իր աշխատակիցներին։ 

 

 

Որպես մարդկային ռեսուրսը արժևորող կազմակերպություն՝ մենք ևս հոգացել ենք այն մասին, թե ինչ արտոնություններ պիտի տրամադրենք մեր աշխատակիցներին։ Ասեմ ավելին, այդ արտոնությունները ձևավորելիս մենք առաջնորդվել ենք  ոչ միայն հայաստանյան, այլև միջազգային շուկայի պահանջներով, քանի որ մենք ունենք ինչպես հայաստանաբնակ, այնպես Էլ աշխարհի տարբեր երկրներում բնակվող աշխատակիցներ, որոնք հավասարապես օգտվում են այդ արտոնություններից։ 

 

Ինչ ենք մենք այսօր առաջարկում մեր աշխատակիցներին։ Եկեք մեր փաթեթը պայմանականորեն բաժանենք երեք մասի՝ պարտադիր հատված, ընտրովի հատված և ներդրումային հատված։

 


Պարտադիր հատվածի մեջ մտնում են այն ծառայությունները, որոնք պարտադիր են բոլոր աշխատակիցների համար։ Օրինակ՝ բժշկական ապահովագրությունը, որն, ի դեպ, կազմված է մեծ բծախնդրությամբ՝ առավելագույնս բավարարելու մեր աշխատակիցների կարիքները։

 

Ընտրովի հատվածում առաջարկվում են հետևյալ ծառայությունները՝ ֆիտնես, յոգա, պար, մերսում, ինչպես նաև աշխատակիցների երեխաների մանկապարտեզի/դպրոցի վարձի փոխհատուցում։ Այս հատվածը մենք գիտակցաբար թողել ենք աշխատակիցների հայեցողությանը, որպեսզի նրանք այս ցանկից ընտրեն իրենց ամենից անհրաժեշտ ծառայությունները՝ բնականաբար պահպանելով բոլոր աշխատակիցների միջև հավասարությունը։

 

Իսկ ինչ է իրենից ներկայացնում ներդրումային հատվածը։  Բոլոր թրեյնինգները և դասընթացները, որոնք անհրաժեշտ են աշխատակցին բարելավելու իր գիտելիքները, փոխհատուցվում են կազմակերպության կողմից։ Եվ սա մենք համարում ենք ոչ թե աշխատակցի վրա կատարված ծախս, այլ ներդրում։

 

logo

eworld-ում աշխատակիցները պարբերաբար մասնակցում են կարծիքի հարցումների՝ արտոնությունների փաթեթները իրենց կարիքներին մշտապես համապատասխանեցնելով։

int

Մեր զրույցն ամփոփեցինք՝ SEO, Outreach մասնագետ Լիլիթի հետ խոսելով այն միջոցառումների մասին, որոնք eworld-ը կազմակերպում է իր աշխատակիցների համար:

 

EWORLD ԲԵՆԵՖԻԹՆԵՐ

 

 

 

 

 

logo

Բժշկական ապահովագրություն,

 

logo

Թիմային լանչեր և պիկնիկներ,

 

logo

Ջիմի բաժանորդագրություն, 

 

logo

Մերսում, 

 

logo

Թարմ մրգեր յուրաքանչյուր երկուշաբթի առավոտյան, 

 

logo

Ամսվա մեջ մեկ վճարովի հավելյալ ոչ աշխատանքային օր, 

 

logo

Ամսվա մեջ մեկ օր այդ ամսվա հոբելյարների ծննդյան առիթի տոնում, 

 

logo

Ինտելեկտուալ և զվարճալի խաղեր,

 

logo

Ամանորյա կորպորատիվ երեկույթներ,

 

logo

Քաղաքից դուրս տարբեր միջոցառումներ, ի դեպ, վերջերս նշեցինք կապուչինոյի միջազգային օրը 🙂

 

logo

 

Սստարտափ միջոցառումներին մասնակցություն, օրինակ՝ Սևան ստարտափ սամիթին,

 

logo eworld գիտելիքի կենտրոնից օգտվելու հնարավորություն, Udemy, LinkedIn e-learning հարթակների դասընթացներին հասանելիություն, 

 

logoԸնկերության կողմից օֆլայն թրեյնինգների մասնակցության 50%-ի փոխհատուցում, 

 

 

logo

 

Միթափներ թվային մարքեթինգի ոլորտում,

 

logo

Թիմային թրեյնինգներ,

 

logo

Բարեգործական ակցիաներ,

 

logo

Բիզնես ճամփորդություններ,

 

logo

Այլ տոնական միջոցառումներ։

 

EWORLD-Ը ԼՈՒՍԱՆԿԱՐՆԵՐՈՒՄ

Ամփոփենք 🙂

 

eworld ընկերությունն իր գործունեության 9 տարիների ընթացքում թվային մարքեթինգի պրոֆեսիոնալ ծառայությունների մատուցման ոլորտում առաջատար դիրքեր է զբաղեցրել Հայաստանում՝ մեծ ձեռքբերումներ ունենալով նաև եվրոպական մի շարք երկրներում։ Շնորհիվ մշտապես արդիականացվող և զարգացող էկոհամակարգի, ընկերությունն անչափ կարևորում է ոչ միայն իր աշխատակիցների մասնագիտական աճը տարբեր նախագծերի միջոցով, այլ նաև կորպորատիվ պատասխանատվություն է կրում հայ մանուկների կրթական և սոցիալական զարգացման համար։ 

 

Քանի որ eworld-ի զարգացումն ընթանում է շատ արագ ու տարբեր ուղղություններով, կարծում եմ առաջիկայում մենք այլ հետաքրքիր այցերի առիթներ կունենանք ու կկիսվենք ձեզ հետ նորություններով։ 

Այցելեք staff.am այսօր և ստեղծեք Ձեր օնլայն CV-ին

Հեղինակը՝ StaffBlog

Դիտեք նաև

COVER2

DISQO-ն մեկ տարի է, ինչ Հայաստանում է․ staff.am-ի այցը միջազգային ճանաչված ընկերություն

Վերջերս լրացավ հայ հիմնադիրներ ունեցող ամերիկյան ճանաչված ստարթափ ընկերության հայաստանյան ներկայացուցչության՝ Disqo Հայաստանի գործունեության մեկ …

Leave a Reply

Your email address will not be published. Required fields are marked *