Ինչպես հիշում եք 2017 թվականին սկիզբ դրվեց շատ հետաքրքիր նախագծի՝ StaffTalks-ի, որն իրականացնում ենք Loft HR club հիմնադիր, Joomag Talent Specialist Անի Մերուժանի Մարգարյանի հետ միասին։
StaffTalks-ը նոր ձևաչափով վիդեոբլոգ է Հայաստանում, որում ներգրավել ենք մասնակիցներ, ում հետ քննարկումներ կծավալվեն կարիերայի զարգացման, ՄՌ ոլորտի կառավարման, նոր աշխատակիցների ներգրավման, թիմի գնահատման, թիմի մոտիվացիայի, ինքնազարգացման և այլ նման թեմաների շուրջ:
Շարունակում ենք նույն ոգևորվածությամբ ներկայացնել StaffTalks վիդեո բլոգերի շարքը, որոնք թողարկվում են հատուկ հաճախականությամբ՝ յուրաքանչյուր ամիս։
Մինչ մարտ ամսվա թողարկումը հրապարակելը` ամփոփ Ձեզ ենք ներկայացնում փետրվարին StaffTalks-ի հատուկ հյուր, Հավաքագրման (Ռեքրութմենթի) մասնագետ Ղուկաս Ստեփանյանի վիդեբլոգի կարևոր դիտարկումները ՏՏ ոլորտի ռեքրութմենթով հետաքրքրված մասնագետների համար։
ՏՏ ՌԵՔՐՈՒԹՄԵՆԹԻ ՀԻՄՆԱԿԱՆ ԿԱՆՈՆՆԵՐԸ
Քայլել ժամանակին համընթաց և կիրառել ռեքրութմենթ իրականացնելու այն հիմնական գործիքները՝ LinkedIn, Github Community, Behance և այլն, որոնք տվյալ ժամանակաշրջանում առավել արդյունավետ են։
Անհրաժեշտ է դրսևորել անհատական մոտեցում ՏՏ ոլորտի յուրաքանչյուր մասնագետի նկատմամբ։
Ռեքրութմենթում լայն շրջապատ ունենալը շատ է կարևորվում․ փորձեք ձևավորել մանրակրկիտ կերպով փոխկապակցված շրջապատ։
Անհրաժեշտ է տիրապետել տեխնիկական տերմինաբանությանը և պատկերացում կազմել այն թափուր հաստիքի հիմնական պահանջների և տեխնոլոգիաների մասին, ինչի համար դիմում եք տվյալ թեկնածուին։
Շատ կարևոր է պատկերացնել, թե որն է տրամաբանական հաջորդ քայլը տվյալ թեկնածուի կարիերայում և չառաջարկել այնպիսի աշխատանք, որը նա այդ պահին չի փնտրում։
Անդրադառնալով referral-ների կարևորության մասին հարցին՝ Ղուկասը նշեց, որ հաջողակ ռեքրութմենթը կախված է նաև թեկնածուների referral-ներից։ Եթե ժամանակի ընթացքում ռեքրութերի կողմից կադրերի 50%-ը ընդունվում են աշխատանքի՝ ռեքրութմենթի այլ գործիքներ կիրառելով, այլ ոչ թե referral-ների, ապա
ա) ռեքրութերը հավանաբար ճիշտ չի կառուցել կապն իր շրջապատի հետ,
բ) ռեքրութերի շրջապատը չունի անհրաժեշտ վստահություն իր նկատմամբ,
գ) ռեքրութերը թերացել է մարդկային փոխհարաբերություններում։
ԽՈՐՀՈՒՐԴՆԵՐ ՆՐԱՆՑ ՀԱՄԱՐ, ՈՎՔԵՐ ԱՌԱՋԻՆ ՔԱՅԼԵՐՆ ԵՆ ԿԱՏԱՐՈՒՄ ՄՌԿ ՈԼՈՐՏՈՒՄ
Ապահովել հաղորդակցություն Ձեր շրջապատի հետ, կլինի համալսարանական կամ աշխատանքային։
Չվախենալ ձախողվելուց:
Շատ կարդալ և ժամանակին համընթաց նյութերից օգտվել։ Օրինակ, խորհուրդ է տրվում կարդալ Jim Colins-ի <<Good to great>> գիրքը, հետաքրքիր մոտեցումներով է հարուստ Nassim Nicholas Taleb-ի գիրքը, կարելի է նաև հետևել Harvard Business Review-ի թողարկումներին:
Սոց. ցանցերով սկսել ակտիվ հաղորդակցություն և ընդլայնել շրջապատը։
Կարևորել սեփական բրենդի կառուցումը։
Հուսով ենք Ղուկասի խորհուրդները օգտակար կլինեն մեր օգտատեր ռեքրութերների համար։ Հետևեք մեզ սոց․ մեդիայում, ինչպես նաև բաժանորդագրվեք մեր YouTube ալիքին նոր հաղորդումները բաց չթողնելու համար։
