Без имени-2
Սկիզբ / Խորհուրդներ / Ինչպես ճամփորդությունները կարող են զարգացնել սոֆթ հմտությունները

Ինչպես ճամփորդությունները կարող են զարգացնել սոֆթ հմտությունները

Երբ ճամփորդում եք, անգամ կարևոր չէ գործուղման թե հանգստի նպատակով, Դուք միայն տեսարժան վայրեր չէ, որ տեսնում եք ու ունենում հրաշալի հիշողություններ։ Շրջագայությունների փորձը կարող է օգնել ձեզ զարգացնել սոֆթ (անձնային) հմտությունները և բարձրացնել աշխատանքի արտադրողականությունը մի քանի անգամ։

StaffBlog-ում այս անգամ ձեզ հետ ենք կիսվում մի քանի կարևոր հմտությունների մասին, որոնք շրջագայությունների արդյունքում նոր մակարդակ են տեղափոխվում։

1. Դուք թիմակիցների հետ համագործակցում եք արդյունավետ 

Անկախ նրանից ճամփորդում եք գործընկերների, թե ընկերների հետ, ճամփորդությունն օգնում է զարգացնել վստահության և համագործակցության կարողությունները։ Իսկ եթե ճամփորդում եք միայնակ, միևնույն է, դուք կրկին ստիպված եք դուրս գալ ձեր կոմֆորտ զոնայից, ուղղություն հարցնել անծանոթներից կամ, պարզապես, փոքրիկ զրույց ունենալ հյուրանոցի նախասրահում ադմինիստրատիվ անձնակազմի հետ։ Այս փորձը կարող է ձեզ դարձնել հիանալի գործընկեր աշխատավայրում։

Աշխատանքի հարցազրույցի ժամանակ, իհարկե, գործատուները կարևորում են մասնագիտական հմտությունները, բայց, չենք չափազանցնի, եթե ասենք, որ հավասարաչափ կարևոր է նաև ձեր հաղորդակցության հմտությունները, վերաբերմունքը աշխատանքի նկատմամբ։ Օրինակ, եթե դուք հաջողությամբ վերադասավորել եք ձեր ճամփորդությունը ընդամենը մի քանի րոպեների ընթացքում, քանի որ բաց էիք թողել արագընթացը, աշխատավայրում տարբեր թիմերի հետ աշխատելն ու բարդ խնդիրներ լուծելը կլինի շատ ավելի հեշտ ձեզ համար:

1

2. Դուք կարողանում եք լսել սովորելու համար

Երբ Դուք ճամփորդում եք, շատ կարևոր է ուշադրություն դարձնել տվյալ երկրի օրենքներին և կանոններին։ Օրինակ, ասիական մշակույթում, եթե ձեզ բիզնես քարտ են տալիս, քաղաքավարի կդիտվի, եթե դուք մի քանի վայրկյանում ծանոթանաք տվյալներին նախքան խնամքով քարտապանակում տեղադրելը։ Եթե վերցնում եք բիզնես քարտը ու միանգամից տեղադրում եք քարտապանակում, ապա դա վատ է դիտվում գործընկերոջ կողմից։
Ուստի միշտ անհրաժեշտ է ժամանակ տրամադրել և հասկանալ այն բոլոր նորմերը, որոնք ընդունված են տվյալ երկրում։ Ուղղություն հարցնելիս դուք նույնպես միշտ ուշադիր լսում եք, որպեսզի հետևեք ցուցումներին, ինչն էլ հենց զարգացնում է ձեր լսելու, ընդունելու, սովորելու հմտությունները։

2

3.Դուք կարողանում եք կարգավորել խնդիրները

Կան օրեր, երբ աշխատանքային եռուզեռ է լինում աշխատավայրում, ժամանակը շատ արագ է սլանում, բայց դուք կարողանում եք պատասխանել բոլոր նամակներին, ավարտին հասցնել նախագծերը մինչև վերջնաժամկետները, և գոհացնել հաճախորդներին։ Բայց կան նաև այլ օրեր՝ շատ զանգեր, նամակներ, ու բոլորը միասին։

Այսպիսի իրավիճակ լինում է նաև ճամփորդության ժամանակ․ ճամպրուկը կարող է ուշանալ, WiFi-ը չաշխատել, բանկային քարտի հետ խնդիրներ առաջանալ, և այս ժամանակ դուք սովորում եք այնպիսի քայլեր ձեռնարկել, որպեսզի ստանաք համապատասխան աջակցությունը և, վերջիվերջո, հասնել նրան, որ ամեն բան կարգավորվի։  Վերադառնալով աշխատավայր՝ նման իրավիճակները դուք ավելի հեշտությամբ եք կարողանում կառավարել։

3

4. Դուք դառնում եք ավելի անկախ

Ճամփորդելիս դուք սովորաբար չեք ունենում այն նույն աջակցող հենարանը, ինչ որ ունեք ձեր տանը կամ աշխատավայրում։ Այդ պատճառով դուք սկսում եք ավելի ինքնուրույն հոգ տանել ձեր մասին։ Այսպիսով, ինքնուրույն աշխատելու կարողությունը ձեզ մոտ ավելի է զարգանում և սկսում եք կատարել ձեր աշխատանքն առանց ձեր ղեկավարի անմիջական մասնակցության։

11

Դե ինչ, օգտվեք արձակուրդի ձեր հնարավորությունից, ճամփորդեք շա՜տ, ինչի շնորհիվ կդառնաք ավելի ճկուն, ավելի բաց նոր գաղափարների նկատմամբ, որից հետո աշխատավայր կվերադառնաք բոլորովին նոր մտքերով ու հմտություններով։ 

 

Այցելեք staff.am այսօր և ստեղծեք Ձեր օնլայն CV-ին

Հեղինակը՝ StaffBlog

Դիտեք նաև

cover_Globanet

Staff.am-ի այցը տվյալների արխիվացման ոլորտի միջազգային Գլոբանեթ ընկերություն

Եվս մեկ հետաքրքիր այց ու StaffCoverage staff.am գործընկեր միջազգային կազմակերպություններից Globanet, որի գլխամասային գրասենյակը գտնվում …

Leave a Reply

Your email address will not be published. Required fields are marked *