Սկիզբ / Մեր Գործատուները / Բացահայտել ընկերությունները / staff.am-ի գործատուները․ Այց Webb Fontaine Holding միջազգային ՏՏ ընկերություն
Աշխատանքային ժամին մի քիչ լիցքաթափվելն ու  երբեք ավելորդ չի լինում
Աշխատանքային ժամին մի քիչ լիցքաթափվելն ու <<Այլ կերպ խաղալը>> երբեք ավելորդ չի լինում

staff.am-ի գործատուները․ Այց Webb Fontaine Holding միջազգային ՏՏ ընկերություն

Untitled-1

Հյուսիսային Ամերիկա

Հարավային Ամերիկա

Եվրոպա

Ասիա

 

ԹԱՓՈՒՐ ԱՇԽԱՏԱՆՔՆԵՐ

Վեբբ Ֆոնտեն ընկերության հետ արդեն մի քանի ամիս է շատ արդյունավետ համագործակցություն ենք ծավալել։

Վեբբ Ֆոնտենը միջազգային ՏՏ ընկերություն է, որի գլխավոր գրասենյակը գտնվում է Շվեյցարիայում, ընկերությունը գրասենյակներ ունի նաև Ասիայում, Միջին Արևելքում, Աֆրիկայում և Հյուսիսային Ամերիկայում։ Հայաստանյան մասնաճյուղն իր գործունեությունն սկսել է 2005թ․-ից, իսկ վերջին 2-3 տարվա ընթացքում թիմն ակտիվորեն ընդլայնվել է և շարունակում է հավաքագրել նոր մասնագետներ։ Վեբբ Ֆոնտենի հաճախորդները բացառապես տարբեր երկրների կառավարություններն են՝ Պանամա, Ֆիլիպիններ, Բահրեյն, Նիգերիա և այլն, այսինքն` ընկերությունն աշխատում է B2G (business to government) մոդելով։ Իսկ պրոդուկտը Enterprise Software լուծում է՝ մասնագիտացված մաքսային ոլորտում, որը բարելավում է տվյալ երկրում մաքսային գործառույթի և տարբեր նախարարությունների աշխատանքը միմյանց հետ և լուծում է զանազան խնդիրներ այդ ոլորտում։

Untitled-8

Untitled-26

light-bulbԸնկերությունն ունի երիտասարդ, բանիմաց և աշխատասեր tech team, հաճելի աշխատանքային միջավայր, տրամադրում է մրցակցային աշխատավարձ, կարիերայի աճ և զանազան արտոնություններ աշխատակիցների համար։ Մի խոսքով ամեն ինչ Dream Employer (ցանկալի գործատու) համարվելու համար։

Վեբբ Ֆոնտենի թիմը մեծ ուրախությամբ պատասխանեց մեր հարցերին, իսկ օրվա վերջում առիթ ունեցանք նաև մասնակցել ընկերության կողմից ամեն ուրբաթ կազմակերպվող Happy Hour-ին, որի մասին նույնպես անդրադարձել ենք մեր coverage-ում։

Դե ինչ սկսենք․

Untitled-2
Արա Շամիրազյան

Մեր առաջին զրուցակիցը Վեբբ Ֆոնտենի գործադիր տնօրեն Արա Շամիրազյանն է, ով ընկերությանն է միացել ստեղծման առաջին իսկ օրվանից։ Արայի հետ խոսեցինք Վեբբ Ֆոնտենի աշխատաոճի, ընկերության կողմից կիրառվող տեխնոլոգիաների և այլ թեմաների շուրջ։

 

Վեբբ Ֆոնտենը Հայաստանում ստեղծվել է 2005 թ-ից։ Ես միացել եմ ընկերությանը հենց իր ստեղծման պահից, բայց Հայաստանի մասնաճյուղի ղեկավար որպես, հրավիրվել եմ 2015թ․-ին։ Այդ ժամանակ կատարեցինք հիմնովին փոփոխություն խմբի կառուցվածքի և աշխատելաոճի մեջ, սկսեցինք կիրառել ժամանակակից մեթոդներ թե´ մենեջմենթի, թե´ software development-ի մեջ։ Հիմնական նպատակն էր ընկերությունը դարձնել գերժամանակակից, որտեղ կկիրառվեին ինչպես ամենավերջին տեխնոլոգիաներն, այնպես էլ ղեկավարման արդի սկզբունքներն ու մոտեցումները:

Թիմային քննարկում Վեբբ Ֆոնտեն ընկերությունում
Թիմային քննարկում Վեբբ Ֆոնտեն ընկերությունում

Բավականին կարճ ժամանակահատվածում, ունենալով լավ մասնագետներ, կարողացանք հասնել մեր նպատակին։ Այս պահին մեր խումբը զուգահեռ մի քանի նախագիծ է իրականացնում տարբեր երկրներում: Բացի այդ ունենք ներքին հեռանկարային աշխատանքներ. կարողացել ենք գրեթե լիարժեք ավտոմատացում ստեղծել. DevOps բաժին ենք ստեղծել և այս պահին ունենք Continuous integration and continuous deployment համակարգերը։

Արան նշեց, որ տարվա սկզբից ստեղծել են ML AI unit ընկերությունում, որտեղ կրկին հավաքել են լավագույն մասնագետներին։

light-bulbԱրան նշեց նաև, որ ունեն հեռանկարային ընդարձակումներ՝ ֆինանսական տեխնոլոգիաների մեջ նոր պրոդուկտներ ստեղծելու մասով:

 Ընդհանուր առմամբ մեր պրոդուկտները երկրի մասշտաբով խնդիրներ են լուծում. մենք ունենք մասնագիտացված մաքսային համակարգի ավտոմատացման ծրագրեր, ունենք մեկ պատուհան՝ երկրի ներմուծման և արտահանման համար մշակված ծրագիր, որը բարելավում է տարբեր նախարարությունների աշխատանքը միմյանց հետ, նաև ունենք պրոդուկտներ՝ ապրանքների որակավորման և ապրանքների գների վերաստուգման հետ կապված, և այս ամենը արվում է հիմնականում առկա բարձր տեխնոլոգիաների շնորհիվ: Մենք օգտագործում ենք JAVA-ի հիմքով եղած տեխնոլոգիաներ։ Հեռանկարային ընկերությունը փորձում է պետական շուկայից բացի նաև ընդգրկվել մասնավոր շուկա՝ այս պահին աշխատում ենք B2G սեկտորում, նաև պետք է անցնենք B2B-ին։Արայի հետ զրույցի ժամանակ տեղեկացանք, որ ընկերության աշխատակիցներն առիթ են ունենում տարբեր երկրներ գործուղումներ գնալու և ծանոթանալու իրականացվող աշխատանքներին։

Վեբբ Ֆոնտենի open-space գրասենյակը
Վեբբ Ֆոնտենի open-space գրասենյակը

Հատուկ փորձառություն է Հայաստանի նման մոնոլիտիկ միջավայրից գնալ մի միջավայր, որտեղ նույն խմբում ամենատարբեր, ամենաբազմազան ազգություններից մարդիկ են աշխատում և դա շատ հմտացնում է իրենց միջև փոխհարաբերակցությունը, շատ տարբեր միջավայրն էլ նպաստում է տարբեր բաներ սովորելուն, ինչու չէ, նաև տեխնիկապես մեծ զարգացման հնարավորություն է ստեղծում։

Օգտագործվող տեխնոլոգիաների առումով, Արան ավելացրեց․

Մենք ընդհանուր առմամբ աշխատում ենք grails framework-ով, ունենք տարբեր տվյալների բազաներ՝ հիմնականում Oracle, Postgre SQL, Project Management-ի տեսակետից նախագծերը PMI-ի կոնցեպտով են իրականացվում, ներքին software development-ի առումով էլ Disciplined Agile Delivery համակարգն ենք ներդրել և օգտագործում ենք Jira և Confluence խնդիրների լուծման (task management)-ի համար: Հատկանշական է այն, որ վերջին 2 տարվա ընթացքում մեր աշխատակազմի խումբն ամեն տարի 100%-ով ավելացել է նախորդի նկատմամբ։ Այս տարի ևս մեծ աճ ենք ակնկալում:

Untitled-14
Մեր հաջորդ զրուցակիցը Արթինն է, որ զբաղեցնում է Technical Officer-ի պաշտոնը։ Արթինի հետ զրուցեցինք Վեբբ Ֆոնտենի Հայաստանում ծավալած գործունեության մասին և այն առավելությունների մասին, որոնք դարձնում են Վեբբ Ֆոնտենը ցանկալի գործատու։

 Կարծում եմ ամենակարևորը այն է, որ ունենք հետաքրքիր տեխնոլոգիաներ, որոնք անընդհատ փոփոխում ենք, չենք մնում նույն տեխնոլոգիայից կախված։ Նաև հաջողության գրավական եմ համարում բարդ և հետաքրքիր պրոդուկտը՝ այսինքն` ավելի մասշտաբային բանի վրա ենք աշխատում։ Մյուսը՝ մթնոլորտը. շատ ենք կարևորում աշխատակցի մարդկային որակը։ Աշխատում ենք թափանցիկ՝ հաճախակի կազմակերպում ենք հարցումներ, հասկանալու աշխատակիցների գոհունակությունը աշխատանքից և աշխատավայրից։

Արթինը նշեց, որ 13 տարվա աշխատանքային փորձն օգնել է ձեռք բերել փորձառություն և օգնել է շատ պրոյեկտներ հաջողությամբ ավարտին հասցնել Հայաստանից դուրս այլ շուկաների հետ։

 Ունենք աշխատակիցներ, ովքեր մեզ մոտ են աշխատել, այնուհետև գնացել են արտերկիր, հետո նորից մեր թիմին են միացել՝ բերելով իրենց հետ նոր և թարմ աշխատանքային փորձ։

Untitled-25
Զրույցը շարունակեցինք Սարգիսի հետ, ով Architecture Officer է։ Սարգիսը շարունակեց խոսել Վեբբ Ֆոնտենի՝ որպես գործատու առավելությունների մասին։

 Ընդհանուր առմամբ Վեբբ Ֆոնտենը Հայաստանյան շուկայում այն եզակի ընկերություններից է, որն ունի միջազգային մասշտաբով պրոդուկտ, որն էլ իր հերթին ունի բավականին լայն աշխարհագրական տարածում։ Մեր պրոդուկտներն օգտագործվում են Ասիայում՝ Ֆիլիպիններում, Միջին Արևելքում՝ Բահրեյնում, Աֆրիկայում՝ Նիգերիայում, Եթովպիայում, Բենինում, Իվորի Քոստում, և արդեն մի քանի ամիս է ինչ սկսել ենք աշխատել Լատինական Ամերիկայում՝ Պանամայում ։

Մասշտաբի առումով մենք ծրագրավորում ենք երկրի մաքսային համակարգ, որը պետք է երբեք կանգ չառնի և հնարավորինս լավագույնը լինի, քանի որ սրանից նաև շատ կախված է մեր իմիջը։

light-bulbՍարգիսը նշեց, որ ընկերության հաջողության գրավականը միշտ best practice-ներին, ներկայիս տենդենցներին հետևելն է, ինչպես նաև մարդկանց հնարավորություն տալ բարելավել իրենց տեխնիկական հմտությունները։

Untitled-27
Մեր արդեն ավանդական դարձած հարցը տվեցինք սկսնակ ծրագրավորող Կարապետին, ով վերջերս է միացել ընկերությանը, թե ինչն է իրեն ամենաշատը զարմացրել Վեբբ Ֆոնտենում։

Հաճելիորեն զարմանալու մի քանի առիթ եմ ունեցել իրականում։ Առաջին ամենահետաքրքիր բանը, որ կուզեի առանձնացնել, դա աշխատակիցների և գործատուի միջև փոխհարաբերություններն են՝ գործատուն պատրաստ է լսել աշխատակիցների բողոքները, առաջարկները, կարծիքները և համապատասխան որոշակի քայլեր ձեռնարկել ինչ-որ բան բարելավելու համար։ Կոնկրետ ես ունեցել եմ թե՛ անհատական, թե՛ ընդհանուր ինչ-որ առաջարկներ, որոնք գրեթե միշտ էլ ընդունվել են, միշտ զգացել եմ, որ մարդիկ անտարբեր չեն։ Մյուս՝ երևի ամենակարևոր բանը ինձ համար, դա այն է, որ կազմակերպությունը ջանք չի խնայում մարդուն առաջխաղացման համար հնարավորություններ ստեղծելու և խրախուսելու համար»։

Կուզեի ավելացնել նաև, որ սկզբում շատ հաճելի էր ու զարմանալի, երբ առաջին շրջանում դեռ փորձաշրջանի մեջ էինք՝ կազմակերպությունը մի քանի ամսյա թրեյնինգ էր կազմակերպել մեզ համար, բայց դրա հետ մեկտեղ մենք աշխատավարձ էինք ստանում, երբ փաստացի դեռ ոչ մի օգուտ չէինք տալիս կազմակերպությանը ։)

Untitled-18
Ամալյան բիզնես վերլուծաբան է և նույնպես նոր է միացել թիմին, նա էլ այս մասին ավելացրեց

Առաջին բանը, որ նկատեցի, թիմի բոլոր անդամների պատրաստակամությունն էր ամեն ինչում իրար օգնելու, իմացած գիտելիքներն իրար փոխանցելու ՝ առանց որևէ սահմանափակումների և անկախ զբաղվածության աստիճանի։ Հաճելի անակնկալ էին այսքան շատ թիմային միջոցառումները, որոնք շատ օգնում են հետագայում աշխատանքային ջերմ միջավայրում աշխատելուն։

Untitled-16
Սիրանույշը Ծրագրի ղեկավար է։ Զրույցը շարունակեցինք գործատուի կողմից տրամադրվող Trainnig and Development-ի հնարավորությունների մասին խոսելով։

Իմ կարծիքով Վեբբ Ֆոնտենի կողմից իր աշխատակիցներին տրամադրվող բազմաթիվ արտոնություններից մեկն այն է, որ կազմակերպությունը ամեն կերպ նպաստում և քաջալերում է իր աշխատակիցների ներուժը բացահայտելուն և զարգացնելուն։ Իմ անձնական փորձից էլ հենց կարող եմ ասել, որ ընդունվել եմ Վեբբ Ֆոնտեն որպես Բիզնես վերլուծաբան։ Մի քանի ամիս աշխատելուց հետո ինձ առաջարկեցին զբաղեցնել պրոդուկտ մենեջերի հաստիքը, և ես, իհարկե, սիրով ընդունեցի առաջարկը։ Մեր կազմակերպությունում սա բացառիկ դեպք չէ․ միշտ էլ խրախուսվում է մասնագիտական առաջխաղացումը։

light-bulb

Սիրանույշը նշեց, որ աշխատակիցների ինքնազարգացման և առաջխաղացման համար ունեն տարբեր միջոցառումներ, որոնք գործատուի քաջալերմամբ կազմակերպում են հենց աշխատակիցները։

Օրինակ` հատուկ օրեր ունենք մեր գրաֆիկում առանձնացված “Tech Talk”, “Book Club”, “Certification Club”-երի համար։ Ունենում ենք նաև անհատական պրեզենտացիաներ մեր աշխատակիցների կողմից՝ knowledge sharing։ Բացի այդ, ունենք հատուկ պահարան, որտեղ պահում ենք մեր մասնագիտական գրքերը։ Կազմակերպությունը «վարում է ներքին գրադարան», որտեղ գրքերի ցանկը գնալով ավելանում է։

Untitled-8
Յուրաքանչյուր ընկերություն ունի իր ուրույն team spirit և culture ասվածը: Դավիթը, ծրագրավորող է, նրա հետ խոսեցինք Վեբբ Ֆոնտենի culture-ի մասին:

Աշխատել եմ տարբեր կազմակերպություններում և ինձ համար աշխատանքի մեջ ամենակարևոր բաներից մեկը հենց team spirit-ն է, այսինքն` ոչ թե բոլորն աշխատում են գլուխները կախ՝ առավոտյան գալիս են աշխատանքի, երեկոյան գնում տուն, այլ հենց այդ թիմային ոգին։

3 բառով Վեբբ Ֆոնտենը կարող եմ ներկայացնել այսպես՝

ընկերություն, ընտանիք, որովհետև ասոցացնում եմ այդ գաղափարի հետ, և ինդիվիդուալիզմ, այսինքն` ամեն մեկը պահպանում է իր անհատականությունը, ոչ մի կարիք չկա հարմարվելու, ավելի լավը երևալու:

 


Untitled-23

Աշոտը, ով հանդիսանում է Ավագ ծրագրավորող և թիմերից մեկի ղեկավար (team lead) մեզ ներկայացրեց թե ինչ հատկանիշների վրա են ուշադրություն դարձնում նոր թիմակիցներ հավաքագրելիս։

Ամենաշատը ուշադրություն ենք դարձնում մարդկանց գիտելիքների և պոտենցիալի, նպատակասլացության և պատկերացումների վրա, թե մարդը ուր է գնում։ Problem solving skill-երին ենք նայում շատ։ Ինչպես նաև մարդկային հատկանիշները, թե ինչքանով մարդը կինտեգրվի թիմի մեջ։

Աշոտից տեղեկացանք, որ առաջին փուլը հիմնականում տեխնիկական է՝ տեխնիկապես ստուգում են թեկնածուի գիտելիքները։

Կարևորում ենք շատ տրամաբանությունը՝ օրինակ, երբ մարդը չգիտի հարցի պատասխանը, բայց, թե ինչպես է պատասխանում դրան։ Կարևորում ենք սովորելու ունակությունը և, իհարկե, ցանկությունը։ Կախված հաստիքից և մակարդակից կան նաև այլ հատկանիշներ, որոնք նույնպես կարևորում ենք։

Ընկերության ՄՌԿ մասնագետ Նելլին լրացրեց Աշոտի խոսքը․

Մեր թիմը բավականին բծախնդիր է աշխատակից ներգրավելու հարցում։ Այո, ունենք կարիք նոր աշխատակիցների, որովհետև ներկայումս մեր աշխատանքն ուղղակի եռում է՝ ունենք շատ պրոյեկտներ և նույնքան էլ շատ պլաններ ապագայի համար, և դրա համար իրոք որ մեզ պետք են մեծ թվով թիմակիցներ։ Բայց չնայած դրան, երբեք չենք փորձել քանակ լրացնել որակի հաշվին։ Նույնիսկ դեպքեր են եղել, երբ շատ լավ մասնագետ ենք ունեցել մեր թեկնածուների մեջ, բայց համարելով, որ տվյալ անձը չի համապատասխանում մեր կորպորատիվ մշակույթին, ստիպված ենք եղել մերժել

Untitled-12
Ընկերության կողմից կազմակերպվող միջոցառումների վերաբերյալ պատմեց ընկերության ՄՌ մասնագետ Նելլին։

Թիմային միջոցառումներ Վեբբ Ֆոնտենում կազմակերպում ենք բավականին հաճախ։ Ունենք տարեկան երկու մեծ միջոցառում․ ամռանը՝ հիմնականում քաղաքից դուրս ինչ-որ մի տեղ ենք հավաքվում,վայելում ենք մեր տղաների ձեռքով պատրաստված, արդեն իսկ ավանդույթ դարձած խորոված, տարբեր խաղեր կազմակերպում, և մյուսն էլ ձմռանը՝ ամանորյա շատ հետաքրքիր և մեծ միջոցառում ենք կազմակերպում՝ ներգրավելով նաև մեր աշխատակիցների ընտանիքների անդամներին։ 2017թ․-ի դեկտեմբերին, օրինակ, միջոցառումը անցկացրեցինք քաղաքի ռեստորաններից մեկում, ամփոփեցինք տարին, աշխատակիցներից ոմանց նախաձեռնությամբ դիտեցինք հատուկ Վեբբ Ֆոնտենին նվիրված անակնկալ տեսահոլովակ, որտեղ զետեղված էին 2017թ․-ի ամենալավ պահերը։ Հատուկ ավանդույթ ենք դարձրել ամանորյա միջոցառմանը նոմինացված մրցանակներ հանձնելը մեր աշխատակիցներին տարվա կատարված աշխատանքի համար։ Փակ քվեարկությամբ նաև ամբողջ անձնակազմն ընտրում է տարվա լավագույն աշխատակցին։

light-bulbՆելլին նշեց, որ բացի այս երկու միջոցառումներից, ունենում են նաև ամենամսյա միջոցառումներ օֆիսից դուրս (night out-ներ), ինչպես նաև շաբաթական միջոցառումներ, վերջինս կոչում ենք “Friday Happy Hour”.

Ամեն ուրբաթ օր հավաքվում ենք ժամը 17:00-ին մեր կոնֆերենց սենյակներից մեկում տարբեր հետաքրքիր ուտելիքներ պատվիրում, խաղեր խաղում։

staff.am-ն, ի դեպ, ներկա էր “Friday Happy Hour”-ին, և մեր մասնակցությունն ունեցանք այս անգամ։

Նելլիից տեղեկացանք՝ արդյո՞ք այս միջոցառումներն ինչ-որ ուղղվածություն ունեն:

Այո, իհարկե։ Հիմնականում բոլոր միջոցառումները ուղղված են team building-ին, դրա ամրապնդմանը և մոտիվացիայի բարձրացմանը։ Օրինակ, նույն “Friday happy hour”-ները, կազմակերպվում են աշխատակիցների կողմից․ ամեն անգամ ստեղծվում է նոր խումբ, ով պատասխանատու է մեր՝ բոլորիս, ուրբաթ երեկոն ուրախ կազմակերպելու համար։ Իսկ հետո էստաֆետայի միջոցով այդ շաբաթվա խումբը ընտրում է մյուս շաբաթվա պատասխանատուներին։ Միշտ փորձում ենք շատ տարբեր թիմերից մարդկանց ներգրավել մի թիմում, ովքեր առօրյայում իրար հետ քիչ են շփվում աշխատանքի բերումով։

light-bulb

Նույն նպատակին է ծառայում նաև “Blind lunch”-ը, երբ ամսական մեկ անգամ ընկերության աշխատակիցներից պատահականության սկզբունքով կազմվում են խմբեր, ովքեր միասին պետք է ընդմիջեն։

Բացի վերոնշյալից, նաև ունենք “Sport Day” ասվածը՝ շաբաթվա մեջ մի օր հատկացնում ենք սրան․ ունենք մեր ֆուտբոլիստների խումբը, հավանաբար մյուս տարի կմասնակցենք IT Cup-ին, մի քիչ էլ պարապենք ու հաստատ մասնակցենք։ 🙂

Նելլին նշեց, որ վերջերս նաև ստեղծել են “Charity Club”։ Կամավորության հիմունքով ստեղծվել է 5-6 հոգանոց խումբ, ովքեր պատրաստվում են կազմակերպել բարեգործական միջոցառումներ և ներգրավել ամբողջ կազմակերպությանը դրանում։

Աշխատակիցների մոտիվացիայի ինչպիսի մշակույթ կա ընկերությունում, այս մասին նույնպես խոսեցինք Նելլիի հետ։

Ինչպես նշեցի, տարվա կտրվածքով ունենում ենք անվանական նոմինացիաներ աշխատակիցների համար։ Բացի այս ունենում ենք նաև “Employee of the Month” տիտղոսը՝ նախապես մշակված չափանիշների հիման վրա ամեն ամսվա վերջին ամենալավ աշխատակցին հայտարարում ենք, շնորհավորում և հանձնում ենք տրոֆեյը և փոքրիկ նվեր։ Կարծում եմ՝ սա բավականին շատ ոգևորում է աշխատակիցներին, բոլորն անհամբեր սպասում են ամսվա ավարտին։

Քանի որ աշխատում ենք հիմնականում արտասահմանի հետ անգլերենը մեր երկրորդ լեզուն է դարձել, շատ կարևորում ենք անգլերենի լավ իմացությունը։ Այդ իսկ պատճառով ունենք անվճար անգլերենի դասընթացներ մեր աշխատակիցների համար հենց աշխատանքային ժամերին։

light-bulbՄոտիվացիան բարձրացնելու մեկ այլ միջոց է ինքնազարգացումը, ինչպես նաև միջավայրը, որտեղ միշտ խրախուսվում է գիտելիք ստանալն ու դրանով կիսվելը։ Ունենք “Tech Talk”, “Book Club”, “Certification Club”:

Փորձում ենք աշխատակիցների մոտիվացիան չկապել նյութականի՝ աշխատավարձի հետ, բայց, իհարկե, ամեն դեպքում սա շատ մեծ մաս է կազմում մոտիվացիայի մեջ։ Այս պատճառով միշտ հետևում ենք ընդհանուր շուկայի “թրենդին”` աշխատավարձերը մրցունակ պահելու համար։ Տարեկան 1-2 անգամ կատարում ենք աշխատավարձի վերանայում, որն իրականացվում է “Performance Evaluation”-ի հիման վրա, որն անում ենք տարեկան 2 անգամ։ Ունենք նաև կատարողականի պարգևատրումներ (Performance bonus):


Untitled-5

Employer Branding-ի կարևորությունը շատ է քննարկվում այսօր: Նույնիսկ այնպիսի ընկերություններ, որտեղ շատերն են ցանկանում աշխատել, ունի Employer Branding-ի կարիք: Այս թեմայի շուրջ էլ զրուցեցինք Սերոփի հետ, ով հանդիսանում է ընկերության Operations officer։

 Հաշվի առնելով այն, որ մեր թիրախային շուկան արտերկրի երկրներն են, մենք նախկինում չէինք զբաղվում մարքեթինգով, և հենց դա է հանդիսանում պատճառ, որ 13 տարվա կազմակերպության մասին, որն ունի վեց հարյուրից ավելի աշխատակիցներ ամբողջ աշխարհում, շատ մարդիկ չեն լսել։ Հայաստանի թիմի ղեկավարող մարմինների փոխվելուց հետո աշխատակիցների բրենդինգը դարձավ կարևոր ռազմավարական քայլ։ Այդ իսկ պատճառով մենք սկսեցինք ավելի ակտիվ լինել սոցիալական ցանցերում և աշխատանքային շուկայի տարբեր հարթակներում։

Վեբբ Ֆոնտենի կարևորագույն օղակն են համարվում աշխատակիցները, և մենք հնարավոր ամեն ինչ նախաձեռնում ենք գրասենյակում հաճելի և ստեղծագործական աշխատանքային պայմաններ ու միջավայր ստեղծելու համար։ Օրվա ընթացքում մարդիկ ավելի շատ ժամանակ են անցկացնում աշխատավայրում, քան իրենց ընտանիքների հետ։ Հետևաբար` շատ կարևոր է ստեղծել այնպիսի պայմաններ, որոնք կդարձնեն աշխատավայրը մի տեղ, որտեղ մարդիկ հաճույքով և մեծ ոգևորությամբ են գալիս աշխատանքի ու առավոտյան արթնանալով չեն մտածում, որ սա հերթական աշխատանքային օրն է։

 

Ընկերության կողմից աշխատակիցներին տրամադրվող առավելություններ։

Վեբբ Ֆոնտեն կազմակերպությունն ունի ընդարձակ բենեֆիթ փաթեթ։

double-tick-indicatorԲժշկական ապահովագրություն,

double-tick-indicatorԱնգլերեն լեզվի դասընթացներ աշխատանքային ժամերին,

double-tick-indicatorՀիմնական արձակուրդից զատ, հավելյալ ազատ օրեր՝ dayoff-ներ,

double-tick-indicator13-րդ աշխատավարձ,

double-tick-indicatorՊարգևատրություններ կատարված աշխատանքի համար,

double-tick-indicatorԳործուղումներ,

double-tick-indicator“Baby born” փաթեթ,

double-tick-indicatorՄասնագիտական թրեյնինգներին մասնակցելու հնարավորություն,

double-tick-indicatorՍպորտային օրեր,

double-tick-indicatorՈւրբաթ օրերին կազմակերպվող “Happy Hour”,

double-tick-indicatorԹիմբիլդինգի և կորպորատիվ միջոցառումների կազմակերպում,

double-tick-indicatorՄասնագիտական զարգացման և աճի միջավայր,

double-tick-indicatorՔաղցրավենիք, մրգեր, սուրճ, թեյ:

Վեբբ Ֆոնտենը՝ լուսանկարներում

Դե ինչ ամփոփենք

Հաճելիորեն զարմացած էինք՝ Վեբբ Ֆոնտեն ընկերությունը մեզ համար բացահայտելով։ 13 տարուց ավելի պատմություն ունեցող այս ընկերության մասին հավատացած եմ դեռ շատ կլսենք։ Այն աշխատանքը, որն իրականացվում է այս ընկերության կողմից աշխարհի տարբեր  մայրցամաքներում, առաջատար տեխնոլոգիաները, որոնք կիրառվում են այստեղ, կորպորատիվ մշակույթն ու ծավալուն արտոնությունների փաթեթը, բանիմաց և խելացի թիմը, արտերկրում փորձի փոխանակման լայն հնարավորություններն ու դինամիկ զարգացող աշխատանքային միջավայրն իսկապես դարձնում են Webb Fontaineընկերությունը լավագույն ՏՏ ընկերություն ինչպես փորձառու, այնպես էլ սկսնակ մասնագետների համար։

Ցանկանո՞ւմ եք միանալ Վեբբ Ֆոնտեն թիմին, ապա ծանոթացեք այս պահին առկա թափուր աշխատատեղերին հիմա։

Այցելեք staff.am այսօր և ստեղծեք Ձեր օնլայն CV-ին

Հեղինակը՝ StaffBlog

Դիտեք նաև

QA_Cover

10 ընկերություններ, որոնց QA թիմերին կարող եք միանալ այս շաբաթ

Իննովացիոն տեխնոլոգիաների ի հայտ գալն իր հետ բերեց մի շարք նոր ու հետաքրքիր մասնագիտություններ և, …

Leave a Reply

Your email address will not be published. Required fields are marked *