Volo #Wempower. Կանայք իրենց ուրույն ասելիքն ունեն ՏՏ ոլորտում

1956

Վերջին մի քանի տարիների ընթացքում մենք ականատես ենք եղել ՏՏ ոլորտում և հատկապես մեր թիմում մասնագետ կանանց ներգրավվածության աճի: Չնայած նրան, որ ողջ ՏՏ ոլորտում կանանց թիվը վերջին տարիներին համեմատաբար ցածր էր, միայն վերջին մեկ տարվա ընթացքում մեր աշխատուժի կանանց տոկոսն աճել է 34% -ից հասնելով մինչև 41%։ ԱՄՆ-ում այդ թիվը մոտ 30% է։ ՏՏ-ն միայն ծրագրավորումը չէ: Շատ կանայք կարծում են, որ ոլորտ կարող են մտնել միայն լինելով ծրագրավորող, բայց ոչ: Մարկետինգ, դիզայն, բիզնեսի զարգացում, ՄՌ կառավարում, ֆինանսներ – բոլորն էլ իրենց տեղն ունեն մեր տեխնոլոգիական ոլորտում: Կանայք կարիք ունեն տեսնելու ու լսելու ՏՏ ոլորտի կանանց մասին, ովքեր իրենց աշխատանքով կարողանում են հաջողության հասնել: Հակառակ դեպքում մենք կորցնում ենք մեծ երիտասարդ ներուժ, երբ հայ աղջիկները նույնիսկ այս ոլորտը չեն դիտարկում ապագա կարիերայի ուղի ընտրելիս:

Այսպիսով, Կանանց միջազգային օրվա և միամսյակի ընթացքում Volo ընկերությունը սկսել է մարքեթինգային արշավ #Wempower -ներկայացնելու ուժեղ, տաղանդավոր, անկախ կանանց, ովքեր աշխատում են Volo թիմում:

Volo ընկերության նախաձեռնությամբ այսօր StaffMedia-ում tech ոլորտի իրենց ինսայթով կկիսվեն Հայկուհի Թանգյանը, Volo-ում Բիզնեսի զարգացման և մարքեթինգի ղեկավար, և Հասմիկ Քոչարյանը, Volo-ի աշխատակիցների Անգլերենի դասընթացների սիրելի ինստրուկտորը, ով տարիների ընթացքում ընկերության զարգացումների ու փոխակերպումների ականատեսն է եղել։

Արդեն բավականին երկար ժամանակ tech ոլորտում եք աշխատում, կարո՞ղ եք կիսվել Ձեր ինսայթով։

next (1)

ՀԱՍՄԻԿ։ Իմ միակ անհանգստությունը և տղամարդկանց, և կանանց համար այն է, թե արդյո՞ք նրանց դուր է գալիս այն, ինչով զբաղվում են։ Ես սիրում եմ դասավանդել և չեմ կարող պատկերացնել այլ աշխատանք, որն ինձ նույնությամբ կգրավեր։ Բայց հաճախ հայացք ուղղելով tech ոլորտի աշխատողներին՝ փորձում եմ հասկանալ՝ արդյո՞ք նրանք սիրում են այն, ինչով զբաղվում են, թե պարզապես ՏՏ-ում են, որովհետև այն ապահովում է ֆինանսական և այլ հնարավորություններ։

next

ՀԱՅԿՈՒՀԻ։ Ես համամիտ եմ Հասմիկի հետ։ Ես միշտ խորհուրդ եմ տալիս մարդկանց գալ և աշխատել tech ոլորտում միայն այն դեպքում, երբ իսկապես ունեն հետաքրքրություն։

Ի՞նչն է օգնում կանանց հաջողության հասնել tech ոլորտում։

next

ՀԱՅԿՈՒՀԻ։ Ամբողջությամբ ըմբռնելով այն բոլոր դժվարությունները, որոնց կանայք հանդիպում են այս ոլորտում, խորհուրդ եմ տալիս երբեք չընդունել ձեզ որպես «ավելի թույլ» սեռի ներկայացուցիչ։ Դուք եք որոշում, թե ինչքան ուժեղ, ամբիցիոզ և աշխատասեր լինեք աշխատանքում և կյանքում։ Մի սպասեք, որ ինչ-որ մեկը օգնի ձեզ լինել ավելի ուժեղ կամ մոտիվացնի ավելի շատ աշխատելու համար։

Նաև, մի վախեցեք ձեր ձայնը լսելի դարձնելուց։ Տարբեր C մակարդակի ղեկավարության հետ աշխատելիս ես ոչ թե լռում եմ ինչ-որ մեկին հաճոյանալու համար, այլ միշտ արտահայտում եմ իմ կարծիքները, եթե ինչ-որ տեսակետի հետ համամիտ չեմ։ Եվ նկատում եմ, որ այս գործելաոճը նրանց կողմից ավելի գնահատելի և վստահելի է։

next (1)

ՀԱՍՄԻԿ։ Ես կարծում եմ, որ անկախ ոլորտից, կանայք ավելի հաջողակ են լինում, եթե իրենց զուգընկերը աջակցում է այդ հարցում։  Սա դրական արդյունք է տալիս ինչպես աշխատանքի, այնպես էլ անձնական կյանքի համար։ Եթե ձեր զուգընկերն իսկական 50/50 գործընկեր է, երբ խոսքը վերաբերվում է կենցաղային աշխատանքներին, երեխաների խնամքին, եկամուտին, դա ոչ միայն ապահովում է մեծ բավականություն անձնական կյանքից, այլ նաև` ավելի մեծ հաջողություններ աշխատանքում։

Haykuhi_quote

 Ինչպե՞ս կարող ենք խրախուսել կանանց շարունակել կարիերան tech ոլորտում:

next (1)

ՀԱՍՄԻԿ։ Նախևառաջ, անհրաժեշտ է խուսափել «արքայադստեր» կոչում տալուց: Ո՞վ է արքայադուստրը: Մեկը, ով մեծանում է՝ առանց պատճառի հավատալով, որ ինքը լավագույնն է: Մեկը, ով սովոր է, որ իր փոխարեն անեն ամեն բան, և մշտապես սպասում է, որ իրեն փրկեն յուրաքանչյուր իրավիճակում:

Բարեբախտաբար, այսօր ամեն բան փոխվում է: Ավելի ու ավելի շատ աղջիկներ են պայքարում անկախության համար՝ պատրաստ լինելով պայքարել իրենց նպատակների համար և պատասխանատվություն կրել իրենց կյանքի համար: Այս ամենը հուսադրող է:

next

ՀԱՅԿՈՒՀԻ։ Հիշում եմ, երբ փոքր էի, միշտ երազում էի «Career Days» ունենալու մասին, որի ժամանակ տարբեր մասնագիտությունների տեր մարդիկ տարբեր ոլորտներից կկարողանային խոսել իրենց աշխատանքի և պահանջված հմտությունների մասին: Սա արդյունավետ տարբերակ կլիներ օգնել երիտասարդներին ավելի լավ հասկանալ՝ ինչ են ուզում հետագայում մասնագիտական զարգացումը ճիշտ ուղով տանելու համար: Կցանկանայի շեշտել նաև մենթորների կարևորությունը: Ես շատ երջանիկ եմ, որ ունեմ մենթոր Volo-ի Senior Management-ից: Նա ինձ դարձրեց իր թիմի մասնիկը՝ շարունակաբար նպաստելով իմ կարիերայի աճին:

Այնքան ոգեշնչող է, երբ գնահատվում ես հմտություններիդ և աշխատանքային էթիկայի համար: Ես վաստակեցի այդ վստահությունն ու հարգանքը, որոնք ձեռք բերելու համար ես քրտնաջան աշխատել եմ: Բացի այդ երկակի ոգեշնչվեցի՝ տալով առավել շատ նվիրվածություն և քրտնաջան աշխատանք:

Ի՞նչ եք կարծում, արդյո՞ք կանայք որևէ հատուկ բան են բերում tech աշխարհ:

next

ՀԱՅԿՈՒՀԻ։  Կանայք բերում են հոգատարություն, ուշադիր պլանավորում, ավելի շատ գույներ և դրական լիցքեր: Շատ ընկերություններում կանայք ձևավորեցին ավանդույթներ, ինչպիսիք են Happy Friday-ները, team building միջոցառումներ, ընտանեկան մթնոլորտ և ժամը 4-ի սուրճի ընդմիջումները տնական քաղցրավենիքով և մրգերով: Գրասենյակային կյանքը ձանձրալի կլիներ առանց կանանց, չնայած երբեմն շատ աղմկոտ և խենթ է մթնոլորտը նրանց հետ:

next (1)

ՀԱՍՄԻԿ։ Երբ Volo-ն նոր էր հիմնադրվել ու ձևավորման տարիներն էին, թիմն ամբողջությամբ տղամարդկանցից էր կազմված։ Հիշում եմ, երբ Ինեսսան (մեր Ավագ .Net ծրագրավորողներից) միացավ մեր թիմին՝ որպես առաջին կին ծրագրավորող, ամբողջ թիմի դինամիկան փոխվեց դեպի դրականը։ Չգիտեմ, արդյոք դա նրա կանացի մոտեցման արդյունքն էր, էներգիայի ու լավատեսության, կամ նրա եզակի տեսակետների։ Եվ այդ դրական փոփոխությունները բազմապատկվեցին ու զգալի դարձան թիմին ավելի ու ավելի շատ կանանց միանալու շնորհիվ։

Որպես վերջաբան, դուք՝ որպես բիզնեսի զարգացման մասնագետ, ի՞նչ միտումներ եք նկատել վերջերս՝ կապված tech ոլորտ կանանց մուտք գործելու հետ:

next

ՀԱՅԿՈՒՀԻ։ Բավականին հետաքրքիր է. մի բան, որ ես նկատել եմ՝ հետևյալն է՝ շատ բաժիններում ( SMM, Digital Marketing, QA, PM…) կանայք սկսել են գերակշռել: Դա ևս չեմ հավանում: Կցանկանայի առավել հավասարակշռված բաշխվածություն տեսնել բոլոր մասնագիտությունների շրջանակներում:

#Wempower

Powered by staff.am.