#WorkFromHome. «Դասավանդի՛ր, Հայաստան»-ի լավագույն փորձը

2764

Երբ հեռահար աշխատանքը դարձավ նոր նորմ ընկերությունների համար, staff.am թիմով սկսեցինք վիրտուալ այցեր կազմակերպել տարբեր ոլորտների ընկերություններ ու շուրջ տասնյակից ավելի վառ ու հետաքրքիր ընկերությունների լավագույն փորձին «ականատես» եղանք:

Սակայն այսօրվա մեր այցը բոլորովին այլ է, ճիշտ է, կրկին վիրտուալ, կրկին տանից են աշխատում, սակայն համավարակի արդյունքում  առաջացած բոլոր հարցերին երկակի լուծում են տրամադրել, օրինակ, ոչ միայն հոգալով թիմի անվտանգության, հարմարավետ աշխատանքային միջավայրի մասին, այլ նաև Հայաստանի բոլոր երեխաների առողջության, հեռավար ուսուցման և թվային հավասարության մասին։

Այցը, միանշանակ, «Դասավանդի՛ր, Հայաստան» (Teach For Armenia) ընկերություն էր, որտեղ աշխատանքում ներդրված սերը նույնիսկ վիրտուալ աղբյուրները չեն կարող քողարկել։

«Դասավանդի՛ր, Հայաստան», շնորհակալ ենք լավագույն փորձով կիսվելու համար 🙂

laptop

Work from home` «Դասավանդի՛ր, Հայաստան»-ի արձագանքը Covid19-ին

Հայաստանում արտակարգ դրության հայտարարումից օրեր առաջ «Դասավանդի՛ր, Հայաստան» հիմնադրամի մեր անձնակազմն արդեն իսկ ամբողջովին անցել էր հեռահար աշխատանքի։ Բոլոր աշխատակիցներս ապահովված ենք հիմնադրամի կողմից տրամադրվող համակարգիչներով և բջջային հեռախոսներով անխափան աշխատանքի իրականացման համար։ Ավելացնենք, որ հիմնադրամի համար հեռահար աշխատելու փորձն ամենևին էլ նոր կամ անփորձ չէ, քանի որ ունենք գրասենյակներ

Վանաձորում և Արցախում, համայնքներում գործուղված Ուսուցիչ-առաջնորդներ, Սփյուռքից դիմորդներ, որոնց հետ աշխատանքային կապը հիմնականում տարվում է առցանց հարթակներով։ Բացի այդ հանդիսանում ենք «Կրթություն բոլորի համար» ցանցի անդամ կազմակերպություն և մեր գործընկեր կազմակերպությունների հետ աշխատանքը ևս տարվում է առցանց։ Վերոնշյալ պայմաններից ելնելով՝ հիմնադրամի համար ամբողջությամբ հեռահար աշխատանքի անցումը կատարվեց սահուն և շատ արագ։

Նշենք նաև, որ այժմ «Դասավանդի՛ր, Հայաստան»-ի Առաջնորդության զարգացման երկամյա ծրագրի հավաքագրման ակտիվ փուլում ենք, և գործընթացի բնականոն շարունակման համար մասնակիցների հավաքագրման գործընթացը, դիմորդների առարկայական թեստավորումները և անհատական հարցազրույցները ևս ամբողջությամբ տեղափոխվել են հեռավար հարթակներ։

Դիտել բոլոր աշխատանքները

Բնականաբար, հաշվի առնելով ներկա իրավիճակը, առավելագույնս սկսեցինք օգտագործել հիմնադրամի սոցիալական էջերը՝  հանրության հետ ուղիղ կապը պահելու և նրանց իրազեկելու համար։

teach

Այս օրերին, կարծում ենք՝ կհամաձայնեք, «Կրթություն բոլորի համար» հավասարազոր է «Անվտանգություն բոլորի համար» կարգախոսին։ Բացի հեռահար մոդելի կիրառումից, ի՞նչ այլ քայլեր են իրականացվում Ձեր կողմից։ 

Հայաստանում համավարակի առաջին դեպքերի գրանցումից հետո հիմնադրամը աշխատակիցներին և գրասենյակներին ապահովեց ախտահանիչ միջոցներով։ Համավարակի տարածման և երկրում արտակարգ դրության հայտարարումից հետո հիմնադրամի տնօրենների խորհուրդը աշխատակիցների համար անցկացրեց առցանց հանդիպում COVID-19-ի, անվտանգության կանոնների և հիմնադրամի ձեռնարկող քայլերի վերաբերյալ։ Ի հավելումն, հիմնադրամի բոլոր աշխատակիցներս ունենք առողջապահական ապահովագրություն ևս։ Առաջնորդության զարգացման թիմը ևս առցանց տեղեկատվական հանդիպում իրականացրեց Առաջնորդության զարգացման ծրագրով համայնքներ գործուղված Ուսուցիչ-առաջնորդների համար՝ աշակերտների հետ ճիշտ աշխատանքի կազմակերպման և անվտանգության կանոնների վերաբերյալ։ Նախատեսված բոլոր կարևոր հանդիպումները, թիմային քննարկումներն  ու վերապատրաստման դասընթացներն իրականացվում են բացառապես առցանց՝ խրախուսելով բոլորին մնալ տանը և հետևել սահմանված կանոններին։

teach

Իսկ այս արդյունավետ աշխատանքի ֆորմուլան ձևավորված մշակույթի արդյունք էր, թե՞ նոր մշակվող մեթոդաբանության։ 

Հիմնադրամը կարևորում է իր աշխատակիցների աշխատանքի արդյունավետության և աշխատանքի փուլերի կազմակերպման սեփական նախաձեռնողականության խթանումը, և արդեն տևական ժամանակ է ինչ գործարկել է շաբաթական մեկ օր տանից աշխատելու հնարավորությունը, ըստ որի յուրաքանչյուր աշխատակից, հարկ եղած դեպքերում, շաբաթական մեկ օր կարող է մնալ տանը կամ իր աշխատանքը կազմակերպել իր նախընտրելի վայրից։ Այժմ կարող ենք ասել, որ սա ճիշտ որոշում էր, քանի որ աշխատակիցներն ունեին փորձ և որևիցե բարդություն չեղավ ամբողջությամբ հեռահար աշխատանքի անցնելու գործընթացում։

teach

Ոչ միայն հեռահար աշխատանքի, այլ նաև հեռավար ուսուցման կազմակերպում․ այս առումով էլ մարտահրավերները յուրովի են։ Հետաքրքիր է թե որպես կազմակերպություն, և թե որպես հիմնադրամ, որի առաքելությունն է բարելավել կրթության հասանելիությունը Հայաստանի բոլոր երեխաների համար, ի՞նչ խնդիրներ են առաջացել այս ընթացքում և ի՞նչ քայլեր են ձեռնարկվել այդ ուղղությամբ։ 

Երբ աշխատանքն ամբողջությամբ կատարվում է տանից, երբեմն կորչում է ժամանակի զգացողությունը, կարող ես մինչև ուշ երեկո աշխատել և դա, բնականաբար, լինում է հոգնեցուցիչ և մի փոքր ճնշող։ Խնդրին լուծում տալու համար, սահմանափակել ենք երեկոյան ուշ ժամերին առցանց հանդիպումների կազմակերպումը, որպեսզի աշխատակիցները կարողանան ավելի շատ կենտրոնանալ առաջնահերթ առաջադրանքների վրա։

Որպես կրթական հիմնադրամ մեր աշխատանքն ուղղակիորեն փոխկապակցված է դպրոցների և աշակերտների հեռավար դասընթացների կազմակերպման հետ։ Հեռավար կրթությանն անսպասելի անցնելը Հայաստանի և Արցախի շատ երեխաների համար ստեղծեց դասերին ամբողջությամբ մասնակցելու խնդիրներ, քանի որ համայնքներում բնակվող երեխաների մեծամասնությունը չունի անհրաժեշտ տեխնիկական միջոցներ՝ համակարգիչ, smartphone, ինտերնետ կապ, ինչն էլ ավելի է խորացնում կրթության անհավասարությունն ու անհասանելիությունը։ Խնդրին լուծում տալու և երեխաներին տեխնիկական միջոցներով ապահովելու համար հիմնադրամը մեկնարկում է #EndTheDigitalDivide  #ՎերջՏանքԹվայինՄեկուսացմանը դրամահավաքի արշավը։ Յուրաքանչյուրը կարող է ունենալ իր փոքր ներդրումը ամենակարիքավոր համայնքներում բնակվող աշակերտների կրթությանն աջակցելու համար։

END THE DIVIDE

teach

Փոքր հաղթանակներից ծնվում են ավելի մեծ հաղթանակներ․ հավատանք, որ մի օր միասին վերջ կտանք այդ թվային մեկուսացմանը։

Իսկ ի՞նչ tech գործիքներ են կիրառվում ձեր թիմի կողմից այս օրերի ընթացքում արդյունավետ հաղորդակցվելու և աշխատանքը հեռահար կազմակերպելու համար։

Ներքին հաղորդակցության հիմնական գործիքը Slack հավելվածն է, գրասենյակում կամ գրասենյակից դուրս աշխատելիս բոլորը պետք է հասանելի լինեն անհրաժեշտ հաղորդակցման համար։ Հրատապ և անհետաձգելի աշխատանքների դեպքում կարող է օգտագործվել նաև WhatsApp հավելվածը։

Որպես աշխատանքի կազմակերպման  և ծրագրերի կառավարման գործիքներ օգտագործվում են G-Suite-ամբողջական փաթեթը, Asana հավելվածը, տվյալների հավաքագրման ողջ գործընթացը կատարվում է Salesforce հավելվածում, դե իսկ հեռավար հանդիպումները կազմակերպվում են Zoom-ի օգնությամբ։

teach

Եկեք ծանոթանանք նաև, թե ինչպես են «Դասավանդի՛ր, Հայաստան»-ում պահպանում թիմային ոգին ու կիսում օրվա պոզիտիվը։

Սկզբնական շրջանում մի փոքր խնդրահարույց էր թիմային ընդհանուր շփումը, teambuilding-ի կազմակերպումը, այժմ յուրաքանչյուր ուրբաթ ունենում ենք թիմային Zoom հանդիպում, որտեղ ունենում ենք թիմային warm-up-եր, կիսվում նորություններով, հաջողություններով և առկա մարտահրավերներով։ Այս շաբաթ ունեցանք թիմային հեռավար յոգայի դասընթաց, հաջորդ շաբաթ ունենալու ենք ֆիլմի թիմային դիտում։ Աշխատակիցների տարեդաձերին կամ աշխատանքային տարելիցներին կազմակերպում ենք փոքր անակնկալների տնային առաքում, ունենում ենք սուրճի առցանց ընդմիջումներ, քանի որ բոլորս սուրճ շատ ենք սիրում։ Հասկանալով ներկա իրավիճակի ճնշող լինելու հավանականությունը՝ առողջապահական ապահովագրությունում ավելացրել ենք հոգեբանական խորհրդատվության ծառայության փաթեթ։

Օրվա ընթացքում միմյանց դրական էներգիա փոխանցելու և զվարճալի պատմություններով կիսվելու համար Slack հավելվածում ունենք #gratitude հարթակը։ Եկող շաբաթվանից սկսելու ենք «Happy Hours»-ի կազմակերպումը, որոնց ժամանակ ունենալու ենք մի քանի վիրտուալ խմբեր տարբեր workshop-եր ունենալու նպատակով, այդ թվում՝ նկարչության սիրողական խմբակ, թեմատիկ քննարկումների խմբակներ և այլն։

teach

Զվարճալի թիմային հանդիպումները շատ հետաքրքիր են :), կկիսվե՞ք մեզ հետ վիրտուալ հումորներով։

Ուրբաթօրյա Zoom հանդիպումներից մեկի ժամանակ թիմակիցներից մեկը, ով զանգի ժամանակ տեսախցիկը չէր միացրել, մարդկային ռեսուրսների  ղեկավարի եզրափակիչ խոսքից հետո հանկարծ միացրեց, և բոլորս զարմացած տեսանք նրան՝ սափրված, որ երբեք նախկինում չէինք տեսել, նա էլ, օգտվելով իրավիճակից, մարտահրավեր նետեց մեկ այլ աշխատակցի, ում նույնպես երբեք սափրված չէինք տեսել և այսպես, յուրաքանչյուր շաբաթ թիմակիցներից մեկը միանում է սափրված 🙂

teach

Չնայած կարոտին, թիմային լանչերին, խաղերին, իվենթներին, օֆիսային աշխատանքային օրերին՝ ի՞նչ տվեց ձեզ Covid19-ը։

Բոլորս էլ ավելի ենք համախմբվել և ավելի ենք կարևորում մեր կատարված աշխատանքը, դրա նպատակն ու աշակերտների կրթության վրա ունեցող ազդեցությունը։ Հասկանում ենք, որ յուրաքանչյուրիս աշխատանքի ճշգրիտ կատարումն ուղղակիորեն կապված է աշակերտների որակյալ և հավասար կրթության հնարավորությունների ընդլայնման հետ։

Վստահաբար, «Դասավանդի՛ր, Հայաստան» հիմնադրամի աշխատանքի հետագա կազմակերպման  համար ևս այս իրավիճակը կունենա ազդեցություն և կբերի նոր հետաքրքիր և նորարարական գաղափարներ։

teach

Իսկ, ըստ Ձեզ, ի՞նչ տվեց աշխարհին ու բոլորիս։

COVID-19-ն անխոս ցնցեց աշխարհը և ուղղակիորեն ազդել է աշխատանքի և կրթության կազմակերպման և դրանց հետագա զարգացման վրա: Աշխատանքի հեռահար կազմակերպումը շատերի համար եղել կամ շարունակում է մնալ խնդրահարույց, սակայն լիահույս ենք, որ առցանց աշխատանքն ու հեռավար կրթությունը շուտով ավելի ընկալելի և հասանելի կլինեն հանրության լայն զանգվածի համար։ Թեև համավարակը ժամանակավոր է, բայց այսօրվա իրականությունը թողելու է մշտական հետևանքներ՝ աշխատաշուկայի և աշխատանքային ժամերի հետագա զարգացման գործընթացում։

Հետևել «Դասավանդի՛ր, Հայաստան»-ին staff.am-ում

teach

Եվ մեր սիրելի բլից հարցը 🙂 ինչպիսի՞ն եք պատկերացնում համավարակից հետո ձեր առաջին աշխատանքային օրն օֆիսում։

Այդ օրվան բոլորս անհամբերությամբ ենք սպասվում, իսկապես կարոտել ենք միմյանց հետ առերես աշխատելու գործընթացն ու միասին սուրճի ընդմիջումները։ Վստահ ենք,  գրասենյակում առաջին աշխատանքային օրը դժվար կլինի կենտրոնանալ միայն աշխատանքի վրա, քանի որ բոլորս զբաղված ենք լինելու միմյանց հետ զրուցելով։

Ամենայն հավանականությամբ, օրվա ավարտին թիմով կգնանք ընթրիքի մեր սիրած վայրերից մեկում։

#WorkFromHome VS #OfficeWork

[divider style=”double” top=”20″ bottom=”20″]

6, 5, 4, 3, 2,… Այո՛, կռահեցիք, հետհաշվարկը սկսված է, բոլորս անհամբե՜ր սպասում ենք վերադառնալ մեր սիրելի օֆիս, անվերջ զրուցել, կատակել ու աշխատել․․․ իսկ պատկերացրեք, թե ինչքան կարոտով լի են «Դասավանդի՛ր, Հայաստան»-ի Ուսուցիչ-առաջնորդները, նրանք երեխաներին էլ են կարոտե՜լ․․․ուրեմն մնանք տանը՝ ոչ միայն վերջ տալով համավարակին, այլ նաև Հայաստանի բոլոր երեխաների թվային մեկուսացմանը։


END THE DIVIDE

Powered by staff.am.