Ուրախ ենք Ձեզ ներկայացնել «Դարձի՛ր StaffBlog հեղինակ» մեր նոր նախագծի երկրորդ թողարկումը:  Նախագծի նպատակն է քննարկումներ ծավալել HR ոլորտում առկա կարևոր թեմաների շուրջ։

Դուք հաջողակ եք

Աշխարհահռչակ երաժիշտ Պաբլո Կասալսի աշխատասիրության մասին առասպելներ են շրջում: Ասում են, նա շատ վաղ էր արթնանում և օրվա մեծ մասն անց էր կացնում իր վարպետությունը բարձրացնելու վրա: Երբ նրան հարցնում են, թե ինչու է շարունակում օրական 5 ժամ պարապել, նա պատասխանում է. <Ամեն օրվա հետ ինձ մոտ ավելի ու լավ է դա ստացվում: Եվ սա ասում է աշխարհահռչակ երաժիշտը, ում երաժշտական վարպետությունը համարյա թե անթերի էր:

Դուք ցանկանու՞մ եք դառնալ հաջողակ անձնավորություն: Վայելել կյանքն իր բոլոր գեղեցիկ դրսևորումներով՝ ընտանիք, աշխատանք, հասարակական գործունեություն և այլն: Վայելել անձնական երջանկության հմայքները, սիրել կյանքը, բավականություն ստանալ ձեր ողջ գործունեությունից և պարզապես լինել վստահելի ու հարգանք վայելող անձնավորություն:

Նշենք, որ այդպիսին լինելու համար բնավ կարիք չկա անպայման լինել նշանավոր անձնավորություն, ունենալ մեծ գումարներ կամ անձնական մեծ կապեր: Ո՛չ հարստությունը, ո՛չ հռչակը և ոչ էլ դիրքն ու պաշտոնը չեն կարող երջանկացնել ձեզ: Հաջողության պարգևած բավականությունը կամ նույնիսկ երջանկությունը պետք է լինի ձեր կյանքի մշտական ուղեկիցը, որպեսզի հաճույքով վայելեք այն, ինչը ձեր ներուժն է, իրականում պատկանում է ձեզ և ինչին նաև դուք արժանի եք:

Իսկ ինչպիսի անձնավորություն եք դուք: Կասկածու՞մ եք ձեր հաջողակ լինելուն: Ունե՞ք մտատանջություններ, որոնցից համառորեն չեք կարողանում ազատագրվել: Եթե այո, ուրեմն ձեր՝ հաջողակ լինելը յոթ սարերից էլ այն կողմ է և դուք բավարարվելու եք միջակությամբ կամ լավագույն դեպքում թաքնվելու եք մեկ հաջողակի ստվերում ձեր ողջ կյանքում: Լինելով աննկատ ու աննշան:

Դուք հաջողակ եք

Անսովոր անձնավորություն:                                                                                                            

Տարբեր կարծիքներ կան այն մասին, թե ով է անսովոր անձնավորությունը: Մեկի համար դա շատ գումար ունեցող անձնավորությունն է, ում առաջ բաց են մեր աշխարհի բոլոր դռները: Թեկուզ հետո պարզվի, որ այդ մարդ տառապում է միայնությունից ու արդեն խրոնիկական դարձած դեպրեսիայից: Իսկ իրական անսովոր կամ հաջողակ մարդը համարյա ոչինչ չի անում այդպիսին դառնալու համար: Նա թվացյալ խաղաղությամբ, սակայն ներքին փոթորիկներով ապրում է իր կյանքով:

Մինչ ուրիշները գանգատվում են, նա ժպտում է և շնորհակալություն հայտնվում ստեղծված պայմանների ու հնարավորությունների համար: Դանդաղ սողացող մեր աշխարհում այդ մարդը վազում է: Սգացող աշխարհում նա ծիծաղում են, ոչինչ, որ դրա համար երբեմն մեծ ջանքեր են պահանջվում: Դրա փոխարեն նա գոհ է իր աշխատանքից և բավարարված: Որովհետև հասկանում է, որ ինքը կատարյալ չէ և դա զարմանալիորեն ուժ ու թևեր է տալիս նրան, որպեսզի նորանոր բնագծեր նվաճի:

Եվ որպեսզի ամեն օր ձգտի կատարելության: Կատարելություն ընտանիքում, աշխատանքում և հասարակական կյանքում:

Եվ կարևոր չէ նաև, թե աշխատանքային գործունեության որ ոլորտում է այդ անսովոր մարդը: Դա կարող է լինել հսկայական կազմակերպության ղեկավարություն, համեստ աշխատանք փոքրաթիվ հիմնարկությունում, սեփական գործ կամ էլ նույնիսկ ցածր վարձատրվող աշխատանք սպասարկման ոլորտում:

Դուք հաջողակ եք

Արթնացե՛ք:                                                                                                                                                                                                           

Իսկ դուք չե՞ք կարծում, որ ձեր արթնանալու ժամանակն է: Բավ է ինչքան մտմտուքներից այն կողմ այդպես էլ չանցաք: Ժամանակն է ինչ-որ նշանավոր բան անելու և արթնանալու երազանքներից: Երազելը հրաշալի է, սակայն նույնքան էլ հրաշալի է երազանքները կյանքի կոչելը:

Երազանքներ չունեք մարդիկ գորշ, միջակ ու ձանձրալի անձնավորություններ են: Նրանց համար առաջնայինը գումարներն են, դիրքը կամ եսասիրությունը: Նրանց գործնականությունը միայն հոգնեցնում է, որովհետև կյանքն առանց երազանքների մահանում է կամ վերածվում ռոբոտների հավաքատեղի: Դուք ցանկանու՞մ եք լինել հզոր բանականությամբ, սակայն թույլ երազանքներով այն մարդը, ում երևակայության սահմանագիծը <Ֆերրարին> է կամ էլ սեփական առանձնատունը որևէ ծովափնյա քաղաքում: Իսկ ահա նրա հետ զրույցը միայն հորանջ է առաջացնում:

Դուք հաջողակ եք

Որոշե՛ք, թե ինչ եք ուզում:                                                                                                                        

Երբ արդեն դուք արթնացել եք, ժամանակն է, որ հասկանաք ձեզ ու սկսեք գործել: Շատ մարդիկ ողջ կյանքում այդպես էլ չեն հասկանում, թե ինչ են ուզում: Հանուն ինչի և հանուն ում են ապրում: Դեռ մանկուց նրանց փոխարեն մտածում են և նրանց համար ծրագրեր են գծում: Իսկ երբ այդ մարդիկ մեծանում են, չեն սիրում իրենց աշխատանքը և դժվարությամբ են համակերպվում ամենօրյա այն ծանր պարտականության հետ, որը անվանում են աշխատանք: Նրանք ապրում են բնականոն կյանքով, ունեն բնականոն նպատակներ ու ցանկություններ, բնականոն հույսեր ու երազանքներ: Նրանք չեն բացում թևերը և առաջ սլանում, հաղթահարելով բնականոնության ու միջակության սահմանագիծը: Նրանք միջին վիճակագրական միավորներն են: Եվ բնականաբար ոչ այն անձնավորությունները, ովքեր առաջ են մղում կյանքը և սովորականից ստեղծում անսովորն ու դեռևս անհայտը:

Դե ինչ. որոշեք, թե որն եք ընտրում դուք…

Շարունակելի

35300597_953434431484852_4995040926523981824_n«Դարձի՛ր StaffBlog հեղինակ» նախագիծը կրում է շարունակական բնույթ և ենթադրում է, որ Դուք նույնպես կարող եք ունենալ Ձեր հեղինակային հրապարակումը StaffBlog-ում՝ խոսելով HR ոլորտին առնչվող կարևոր թեմաների մասին։ Նախագծին մասնակցելու համար սեղմեք «Մասնակցել» կոճակին և լրացրեք անհրաժեշտ ձևանմուշը, որից հետո մենք կապ կհաստատենք Ձեզ հետ։

ԻՄԱՆԱԼ ԱՎԵԼԻՆՄԱՍՆԱԿՑԵԼ

Հովիկ Մխիթարյան
Խմբագիր

Powered by staff.am.