ՀՈՎՍԵՓՅԱՆՆԵՐԻ ՊԱՀԱԾՈՆԵՐԻ ԳՈՐԾԱՐԱՆ

«Հովսեփյանների պահածոների գործարան»-ը մսային, ձկնային,  բանջարե­ղե­նային և մրգային պահածոների առաջատար տնտեսվարող սուբյեկտը հիմնադրվել է 2006թ-ին: Գործարանը գտնվում է ՀՀ Կոտայքի մարզի Ջրվեժ 46-42 հասցեում:

Ընկերության արտադրանքը ներառում է ավելի քան 80 տեսակի բարձրորակ պահածոներ պատրաստված` մսից, բանջարեղենից, ձկնամթերքից, ինչպես նաև մրգերից պատրաստված մի շարք ջեմեր,մուրաբաներ, օշարակներ, դոնդողակներ:

Շուկայում իր բարձր դրիքը ընկերությունը գրավել է ի շնորհիվ որակյալ և մատչելի արտադրանքի: Արտադրանքի հիմնական մասը արտահանվում է, իսկ Հայաստանում ներկայացված է ավելի նեղ տեսականի, և հենց «Հովսեփյանների մսի պահածոների գործարան»-ին է վստահվել ՀՀ-ի զինված ուժերի համար պահածոյացված մթերքի մատակարարումը, որոնք առանձնանում են իրենց տարաների յուրահատուկ տեսքով: Մսի պահածոների 80%-ը շուկա են մտնում ОМК մակնշմամբ:

Կազմակերպությունը 7 տարի շարունակ (2011-2017թթ.) արժանա­ցել է «Հայերի սիրելի ապրանքանիշ» կոչմանը, ինչը խոսում է այն մասին, որ ընկերության պահածոները իսկապես ճանաչված են և սիրված մեր հայրենակիցների շրջանում: 2015թ-ից մասնակցում է աշխարհի խոշորագույն միջոցառումներից  մեկի` ”Продэкспо” ցուցահանդեսներին, որը տեղի է ունենում ամեն տարվա փետրվա ամսվա 2-րդ շաբաթվա ընթացքում` Մոսկվայում: Ցուցահանդեսին մասնակցում են աշխարհի  բոլոր երկրներից ներկայացուցիչներ, ինչը մեծ հնարավորություն է տալիս: 2016թ-ին Մոսկվայում ՛՛Продэкспо-2016՛՛-ի շրջանակներում արժանացել է «Լավագույն ապրանք-2016» և ստացել ոսկե մեդալ: 2017թ-ին պարգևատրվել է «Ոսկե Հասկ»-2017 մրցանակին` որպես Հայաստանի ազգային ագրարային համալսարանի լավագույն գործընկեր: 2019թ. «Հովսեփյանների մսի պահածոների գործարան»-ը արտադրող-սպառող հետադարձ կապի ամրապնդման աշխատանքների ակտիվ մասնակցելու համար արժանացել է «Սպառողի վստահություն»-2019 մրցանակին:  

Արտադրությունում կիրառվում են նորագույն տեխնոլոգիաներ, ժամանակակից սարքավորումներ և գործում է մանրէակենսաբանական լաբորատորիա: Գործարանը սերտիֆիկացված է միջազգային ստանդարտներով` ISO22000:2005 և HACCP:  «Հովսեփյանների պահածոների գործարան»-ը ընտանեկան արտադրություն է, որը պլանավորում է մոտ ապագայում շուկա հանել ապրանքների նոր տեսակներ և ակտիվորեն շարունակել ներդրումային ծրագրերը: