PHP Partners CJSC

Փի-Էյջ-Փի Փարթնըրզ ՓԲԸ-ն հիմնադրվել է 2005 թվականին երեք հիմնադիրների կողմից։ 

Չորս գոր­ծըն­կեր­ներով և ավելի քան 45 աշխատակիցներով,Փի-Էյջ-Փի-ն մատու­ցում է հաշ­վա­պահական, հարկային և աուդիտորական ծառա­յութ­յուն­ների ամբողջական սպեկտրում ընդգրկված բոլոր ծառայությունները` հար­մա­րեց­ված Հայաստանում և գործունեություն ծավալող ինչ­պես հա­յաս­տանյան, այնպես էլ միջազգային ընկերությունների համար:

Փի-Էյջ-Փի-ն ունի փորձառություն Հայաստանի խոշորագույն կազմակերպություններում հաշվապահական հաշվառման համակարգի ներդման, խորհրդատվական, ինչպես նաև ամբողջական վարման (աութսորսինգային ծառայություններ) աշխատանքներում, ինչպիսիք են «Վեոլիա Ջուր» ՓԲԸ, «Հայաստանի Էլեկտրական Ցանցեր» ՓԲԸ, «Երևան Ջուր» ՓԲԸ, «Նաիրիտ Գործարան» ՓԲԸ, «Վեգեքոմ» ՍՊԸ, «Միջազգային էներգետիկ կորպորացիա» ՓԲԸ և այլն։

Փի-Էյջ-Փի-ն նաև մեծ մասնակցություն ունի Հայաստանի Հանրապետության հանրային հատվածի ֆինանսական համակարգում իրականացվող բարեփոխումներում, որոնք ներառում են՝

• Հանրային հատվածի հաշվապահական հաշվառման ստանդարտների և ստանդարտների ձեռնարկի թարմացում և լայնամասշտաբ պիլոտավորում Հանրային հատվածի հաշվապահական հաշվառման  միջազգային ստանդարտների  (IPSASs) համաձայն, Գործողությունների ծրագրի և Հաշվապահական հաշվառման ավտոմատացված համակարգի մշակում՝ նպաստելու Հաշվապահական հաշվառման արդեն մշակված ձեռնարկի և Հաշվային պլանի կիրառմանը․
• Հանրային հատվածի հաշվապահական հաշվառման միջազգային ստանդարտների  հայերեն լեզվով թարգմանություն և խմբագրում․
• ՀՀ հաշվեքննիչ պալատի (Աուդիտի բարձրագույն մարմին) Աուդիտի բարձրագույն մարմինների միջազգային ստանդարտների (ԱԲՄՄՍ/INTOSAI) և եվրոպական լավագույն գործելակերպին համահունչ ֆինանսական և համապատասխանության աուդիտի ձեռնարկների մշակում և աուդիտի պիլոտային առաջադրանքների իրականացում.
• Ներքին աուդիտի մեթոդաբանության թարմացում և լայնամասշտաբ փորձարկում, ներքին աուդիտի միասնական կառավարման ծրագրի մշակում և ներդրում․
• ՀՀ խոշորացված համայքների համար Հանրային հատվածի հաշվապահական հաշվառման ստանդարտի հիման վրա հաշվապահական մեթոդական ձեռնարկի մշակում, ինչպես նաև 10 խոշորացված համայնքում Հանրային հատվածի հաշվապահական հաշվառման ստանդարտի հիման վրա հաշվապահական համակարգի ներդրում։