Տեխնո-կրթական ակադեմիա հիմնադրամ

Տեխնո-կրթական Ակադեմիան Գյումրիում տեխնոլոգիական կրթություն առաջարկող կազմակերպություն է։ Հիմնադրվել է 2017 թվականին։ 2021 թվականի սեպտեմբերից գործում է որպես «Տեխնո-կրթական Ակադեմիա» հիմնադրամ։ Կազմակերպությունը կազմակերպերպում և իրականացնում է դասընթացներ տեխնոլոգիական ոլորտում։

Առաքելությունն է՝ տարածաշրջանում ստեղծել տեխնոլոգիական կրթության նոր որակ և մշակույթ։ Ակադեմիայի ժամանակակից և ինովացիոն ենթակառուցվածքներով հագեցած տեխնոլոգիական կենտրոնում բացառապես առաջատար ու փորձառու մասնագետների շնորհիվ շատ կարճ ժամանակահատվածում իրականացվում են  որակյալ և մրցունակ կադրերի պատրաստում և վերապատրաստում։ Ակադեմիայի առաջ խնդիր դնելով տեղական ու միջազգային ներդրողների և սկսնակ ծրագրավորողների միջև կապող օղակ հանդիսանալը, մենք մշտապես ցուցաբերում ենք մասնագիտական աջակցություն սկսնակ-ծրագրավորողներին՝ ընձեռելով նաև աշխատանքի հնարավորություն։ Ակադեմիան մշտապես հետևում է ՏՏ աշխարհում տեղի ունեցող փոփոխություններին և առաջարկում պահանջարկին համապատասխան ծրագրավորման դասընթացներ: Գործունեության շուրջ 5 տարվա ընթացքում Տեխնո-կրթական Ակադեմիան հասցրել են ավարտել ավելի քան 300 շրջանավարտ, որոնց գերակշիռ մասը կարողացել է հեշտությամբ անցնել աշխատանքի որպես սկսնակ ծրագրավորող։