Telcell CJSC

110503 Page views

180 followers

1 active jobs

64 job history

Ազատ, հարմարավետ, արագ պրոցեսներով հագեցած. այսպիսին է Telcell-ում աշխատանքային միջավայրը, ճիշտ ինչպես Telcell համակարգն իր օգտատերերի համար։ Այս ամենին եթե ավելացնենք վառ, էներգիայով լի, հասանելի ու բազմազան բառերը, կարող ենք անվերջ պատմել թելսելցիների մասին: Չէ՞ որ այժմ օգոստոսն է ու 2020 թվականը. 13 տարի առաջ այս նույն ժամանակ Telcell-ը Հայաստանում հիմնեց ինքնասպասարկման տերմինալների միջոցով վճարումների ընդունման առաջին ցանցը և առ այսօր մնում է ամենախոշոր համակարգը Հայաստանի վճարահաշվարկային շուկայում։ Հիմա կասեք՝ «մի՞թե այսքան տարի անցել է, ասես երեկ լիներ»։ Ճիշտ այդպես, քանի որ Telcell-ն արագ քայլերով սլանում է նոր գաղափարների իրագործման ուղղությամբ, ինչի անբաժան մասն է Telcell թիմն իր ամուր կորպորատիվ մշակույթով։

TELCELL-ՈՒՄ ՄԱՍՆԱԳԵՏՆԵՐ ԵՆ, ՈՎՔԵՐ ՀԱՎԱՔՎԵԼ ԵՆ ԱՇԽԱՏԵԼՈՒ ԵՎ ՍՏԵՂԾԵԼՈՒ

Այո, մեր թիմում կարևոր արժեքներից մեկը աշխատանքի նկատմամբ մոտեցումն է։ Մենք կարևորում ենք այն, ինչ անում ենք, միասնաբար գնում ենք նույն նպատակի ետևից և սիրով ներդնում ենք մեր մասնագիտական գիտելիքն ու անձնային որակները՝ ի նպաստ մեր ընդհանուր գործի:

TELCELL-ՈՒՄ ԴՌՆԵՐԸ ԲԱՑ ԵՆ,  ՄԱՐԴԻԿ՝ ՀԱՍԱՆԵԼԻ

Մեզ մոտ պաշտոնի կամ հաստիքի անվանումը պատնեշ չէ. եթե աշխատակիցը հարց ունի, խնդրանք կամ առաջարկ, կարող է անվարան դիմել ցանկացած թիմակցի, ով իրեն կօգնի ու կաջակցի։ Մեր թիմում հաստիքացուցակի սանդղակը աշխատանքային հարաբերությունների ելակետ չէ, այլ պրոֆեսիոնալիզմի ու փորձառության ցուցիչ:

TELCELL-Ի ՆԱԽԿԻՆ ԱՇԽԱՏԱԿԻՑՆԵՐԸ ՎԵՐԱԴԱՌՆՈՒՄ ԵՆ

Թերևս բացառիկ երևույթ է, բայց մեր դեպքում՝ շա՜տ թելսելական։ Նախկին աշխատակիցները վերադառնում են, քանի որ թիմը մեծ սիրով է դիմավորում նրանց. չէ՞ որ միասին դեռևս շատ անելիք ունենք։

TELCELL-Ի ՆԱՐՆՋԱԳՈՒՅՆՆ ԻՐԱԿԱՆՈՒՄ ԲԱԶՄԱԳՈՒՅՆ Է

Telcell-ում յուրահատուկ միջավայր է, որտեղ գնահատում են մտքի ազատությունն ու նախաձեռնողականությունը: Մեզ շատ բնորոշ է բազմազանությունը, այստեղ հավաքված են տարբեր մարդիկ ու մասնագետներ` ավագներից մինչև կրտսերներ, ովքեր փոխլրացնում են միմյանց:

TELCELL-ՈՒՄ «ԹՎԵՐԻ ՄԱՐԴԻԿ» ԵՆ

Ստեղծում են բարձր տեխնոլոգիական թվային պրոդուկտներ, որոնք պարզ են, արագ, բոլորին հասանելի ու հասկանալի, անվտանգ են և հուսալի:

TELCELL-Ը ՄԻՇՏ ՄԵԿ ՔԱՅԼ ԱՌԱՋ Է

Երբ 13 տարի առաջ Telcell-ը հիմնեց ինքնասպասարկման տերմինալների միջոցով էլեկտրոնային վճարումների համակարգը, դա նոր մշակույթ էր ոչ միայն սպառողների, այլև գործարար հանրության համար: Այսօր Հայաստանի ողջ տարածքում և Արցախում Telcell-ի «երկաթե օգնականները» պատրաստ են սպասարկել օրվա ցանկացած ժամի։

Այսօր Telcell-ը նաև վճարումները տեղափոխել է յուրաքանչյուրիս հեռախոսի մեջ. Telcell Wallet էլեկտրոնային դրամապանակով 400-ից ավելի ծառայությունների դիմաց վճարումներից զատ, հնարավոր է առցանց գումար փոխանցել հավելվածի այլ օգտատերերի, ինչպես նաև ստանալ դրամական փոխանցումներ, քարտից քարտ ու բանկային ցանկացած հաշվեհամարի փոխանցումներ կատարել, վարկ ստանալ անմիջապես դրամապանակում: 

Իսկ Telcell Wallet-ի Scan and Pay եղանակով կարելի է սրճարաններում և խանութ-սրահներում վճարել ակնթարթորեն՝ սմարթֆոնով: Եվ Telcell Business հավելվածի միջոցով ցանկացած ձեռներեց այս անհպում ու անվտանգ տեխնոլոգիան իր բիզնեսում արագ ներդնելու հնարավորություն ունի:

TELCELL-Ը ՊԱՀՊԱՆՈՒՄ Է ՀԵՏԱԴԱՐՁ ԿԱՊԸ

Մենք սիրով ենք լսում մեր օգտատերերի կարծիքներն ու առաջարկները Telcell-ի ցանկացած պրոդուկտի վերաբերյալ: Դրանք արտահայտում են նրանց իրական կարիքները, որոնք մշտապես հաշվի ենք առնում մեր ծրագրերում: Այդ է վկայում մեր օգտատերերի անսասան վստահությունը, որը Telcell-ի հաջողությունների գրավականն է ու 13 տարի շուկայի առաջատարությունը պահպանելու հենարանը:

TELCELL-ՈՒՄ ԿԱ #ԴՐԱՅՎ

Խոստովանենք, որ թելսելցի լինելը ուրիշ զգացում է, երբ ուժերդ լարում ես հաճույքով, սովորում ես բավականությամբ, ստեղծում ես խանդավառությամբ: Սա է Telcell-յան իրականությունը։

 

Industry: Finance/Banking/Insurance
Type: LLC/OJSC/CJSC
Date of Foundation: 2007

Number of Employees: 200-500

Location: тупик Вардананца 8, Yerevan, Armenia

Website

Active jobs (1)

Telcell ընկերությունը 13 տարեկան է

13 տարի առաջ՝ 2007 թվականի օգոստոսի 4-ին, Telcell-ը Հայաստանում հիմնեց ինքնասպասարկման տերմինալների միջոցով վճարումների ընդունման առաջին ցանցը՝ մնալով շուկայի առաջատարը մինչև օրս: Մենք ստեղծում ենք ու հզորանում ձեզ համար:

Այսօր Telcell-ը Հայաստանի ակնթարթային վճարումների շուկայում ամենախոշոր համակարգն է՝ մայրաքաղաքի և հանրապետության բոլոր մարզերի ընդգրկմամբ: Telcell-ի պրոցեսինգային կենտրոնը սպասարկում է նաև Արցախի Հանրապետության տարածքը:

2017թ.-ին գործարկվեց MyTelcell հավելվածը (ներկայում՝ Telcell Wallet), որը հնարավորություն է տալիս Telcell համակարգով բոլոր գործառնությունները կատարել էլեկտրոնային դրամապանակով:

21.12.2018-ին Telcell Wallet-ի օգտատերերի թիվը հատեց 45 000-ի սահմանագիծը:

10.01.2019-ին Telcell տերմինալների ցանցը համալրվեց 2500-րդ տերմինալով:

 

View more

View Less

Telcell-ը #SSS19-ում

Telcell-ը, տարվա ամենասպասված սմարթ միջոցառման՝ Sevan Startup Summit 2019-ի հովանավորն ու գործընկերն էր:

View more

View Less

Contacts

тупик Вардананца 8, Yerevan, Armenia
+37460272223