Electronic Design Automation
«Ինստիգեյթ ուսսումնական կենտրոնը» «Ինստիգեյթ Կիսահաղորդիչներ» ընկերության հետ համատեղ մեկնարկում է արդեն երկրորդ դասընթացը «Էլեկտրոնային նախագծման ավտոմատացում/electronic Design Automation'' թեմայով՝ տեխնիկական բուհերի ավարտական կուրսի ուսանողների և շրջանավարտների համար։
Դասընթացի փուլերը
- Դասընթացի մեկնարկը՝ 2021թ․ հունիսի 1, տևողությունը՝ մինչև 5 ամիս։
- Դասընթացի գրաֆիկը՝ երկուշաբթիից ուրբաթ, օրական 6-8 ժամ ծանրաբեռնվածությամբ։ Ժամանակացույցը կվերանայվի ուսումնական տարին սկսելու ժամանակ։
- Աշխատանք «Ինստիգեյթ Կիսահողորդիչներ» ընկերությունում՝ լավագույն շրջանավարտների համար:
Ընդունելության պայմանները
- բարձրագույն մաթեմատիկայի գիտելիքներ,
- որևէ օբյեկտ կողմնորոշված ծրագրավորման լեզվի իմացություն,
- անգլերենի իմացություն, տեխնիկական գրականություն կարդալու ունակություն:
Դասընթացի թեմաները
- Լինուքս օպերացիոն համակարգ,
- ծրագրային ապահովման մշակման պրոցես և գործիքներ (environments development and management tools),
- ինտերպրետացվող/սկրիպտային լեզուներ (bash, python, tcl),
- օբյեկտ-կողմնորոշված ծրագրավորման հիմունքներ (C++),
- GUI ծրագրավորում (Qt),
- միկրոսխեմաների նախագծման հիմունքներ (VLSI design flow/usage):
Դասավանդելու են «Ինստիգեյթ Կիսահաղորդիչներ» ընկերության ավագ և առաջատար մասնագետները։
«Ինստիգեյթ Կիսահաղորդիչներ» ՓԲԸ-ն hիմնվել է 2020թ, համագործակցում է կիսահաղորդիչների և էլեկտրոնային համակարգերի լուծումների աշխարհի առաջատար մատակարարներից մեկի հետ՝ իրականացնելով նախագծում, մշակում, կոդավորում, թեստավորում։
Մասնակցության համար անհրաժեշտ է ուղարկել ինքնակենսագրություն info@instigate.training էլ հասցեին՝ մինչև ս/թ ապրիլի 30-ը՝ նամակի վերնագիր տողում նշելով դասընթացի անվանումը։ Մասնակիցների ընտրությունը կկատարվի օնլայն տեստավորման և բանավոր հարցազրույցի միջոցով:
