Ուինսթոն Չերչիլն իր արիստոկրատ ծնողների ավագ որդին էր, նա ծույլ էր և պարզապես տանել չէր կարողանում սովորելու գործընթացը: Նա փոխում էր մի մասնավոր դպրոցը մյուսի հետևից՝ ստանալով «2»-ներ, լավագույն դեպքում՝ «3»-ներ: Ծնողները հույսները չէին կորցնում և փնտրում էին միջոցներ երեխային ինչ-որ բան սովորեցնելու համար: Ուինսթոնը սիրում էր կարդալ լուրջ գրականություն, երբ իրեն պատժում էին՝ թողնելով միայնության մեջ: Բացի այդ ծնողները նրա համար նաև անգլերենի լրացուցիչ պարապմունքներ էին կազմակերպում, ինչն էլ հավանաբար դարձավ լավ հիմք գրականության ոլորտում Նոբելյան մրցանակի արժանանալու համար:
«Բոլորը հանճար են, բայց եթե Դուք ձկանը դատեք իր՝ ծառ բարձրանալու կարողությամբ, նա իրեն ամբողջ կյանքում հիմար կկարծի»,- Էյնշտեյն:
Ինտելեկտ: Այն մարդկանց ընդհանուր մտավոր կարողությունն է, որը հնարավորություն է տալիս եզրահանգումներ անել, պլանավորել, խնդիրներ լուծել, վերացական մտածել, հասկանալ բարդ մտքերը, արագ յուրացնել նոր նյութը և սովորել կենսափորձի հիման վրա: Այն պարզապես գրքեր կարդալը չէ կամ ակադեմիական գիտելիքներ ունենալը: Ինտելեկտը շրջապատող աշխարհն ավելի լայնությամբ և խորությամբ ճանաչելու, իրերի էությունը հասկանալու և տարբեր իրադրություններում գործելու կարողություն է: Եվ ահա, մենք Ձեզ ենք ներկայացնում մեր 13 խորհուրդները Ձեր ինտելեկտի զարգացման և բարձրացման համար:
Շատ ընթերցեք: Ինտելեկտը ձևավորվում է ընթերցելով: Որքան շատ ընթերցեք, այնքան ավելին կկլանեք և կդառնաք ավելի բանիմաց:
Ձեր առջև նպատակներ դրեք: Նպատակներն օգնում են կերտել Ձեր կյանքի հիմնարար կառուցվածքը, և միայն ճիշտ կառուցվածքի միջոցով կարող եք բարձրացնել Ձեր ինտելեկտը:
Կատարեք նշումներ: Հիշում եք՝ նշումներ կատարելով: Ամեն ինչի մասին նշումներ անելով, Դուք զարգացնում եք Ձեր հիշողությունը, որն էլ իր հերթին բարձրացնում է Ձեր ինտելեկտը:
Զբաղվեք սպորտով: Վարժություններն օգնում են պահպանել Ձեր մարմինը միշտ առույգ և եռանդուն: Սա հրաշալի հնարավորություն է Ձեր ինտելեկտի զարգացման համար:
Ամեն ինչ հստակեցրեք: Ինտելեկտը գիտելիք կամ հմտություն ձեռք բերելու և այն կիրառելու ունակությունն է: Փորձեք հստակեցնել Ձեր մտքերը և միանգամից ընթացքի մեջ դնել:
Լավ նախաճաշեք: Դուք չեք կարող մեքենա վարել առանց վառելիքի: Երբ արթնանում եք, անպայման նախաճաշեք, որպեսզի կարողանաք կրկին գործել:
Բավականաչափ հանգստացեք: Պատկերացրեք, որ Ձեր ուղեղը նման է սմարթֆոնի: Անկախ նրանից, թե որքան արդյունավետ և հրաշալի է այն աշխատում, միևնույն է, այն ի վերջո պետք է վերալիցքավորել: Գիշերային բավարար քունը ապահովում է Ձեր լիակատար հանգիստը, իսկ վերջինս հիանալի հնարավորություն է սեղծում նոր մտքերի իրականացման համար:
Լուծեք մաթեմատիկական խնդիրներ: Միակ պատճառը, որ մարդիկ չեն սիրում մաթեմատիկան, այն է, որ այն պահանջում է օգտագործել իրենց ուղեղը: Մաթեմատիկայի միջոցով Դուք մարզում եք Ձեր ուղեղը ճիշտ այնպես, ինչպես մկանները ֆիզիկական վարժությունների միջոցով:
Ամեն ինչում փորձեք կապ գտնել: Մի սպասեք, թե երբ առաջացած բարդությունները պարզ կդառնան: Միշտ փորձեք ինքնուրույն գտնել կապն իրերի միջև:
Թարմացրեք Ձեր հայացքները: Մի մտածեք, բայց մտածեք, թե ինչպես եք մտածում: Եթե մտածում եք Ձեր մտածողության գործընթացի մասին, սկսում եք ավելի արդյունավետ մտածել:
Անդադար ստուգեք Ձեր գիտելիքները: Ավելի խելացի դառնալու համար փորձեք միշտ մարտահրավեր նետել ինքներդ Ձեզ:
Թույլ տվեք, որ Ձեր ուղեղն անդադար աշխատի: Ձեր ուղեղը երբեք չպետք է դադարեցնի իր աշխատանքը: Պահեք Ձեր ուղեղն ակտիվ վիճակում:
Կետրոնացեք: Կարևոր է, թե որքան կարող եք կենտրոնանալ մի քանի բանի վրա միաժամանակ: Փորձն օգնում է կենտրոնացնել ուշադրությունը բոլոր առաջադրանքների վրա և խուսափել թերացումներից: 
«Ինտելեկտը ձգտում է, սիրտը գտնում», – Ժորժ Սանդ
Իսկ այժմ առաջարկում ենք անցնել Ինտելեկտի գործակիցը (IQ) չափելու թեստ, որը կօգնի Ձեզ ինչ-որ չափով պատկերացում կազմել, թե Ձեր որ կարողությունն է անհրաժեշտ զարգացնել այս պահին՝
