4 ծախս, որոնք պետք չէ խնայել բիզնես սկսելիս

410
SME ACBA

staffmedia.am սյունակագիր, «4 ծախս, որոնք պետք չէ խնայել բիզնես սկսելիս», հոդվածի աղբյուրը՝ այստեղ:

sme.acba

sme.acba.am-ը հարթակ է, որը բիզնեսի կառավարմանն ու աջակցմանն ուղղված տեղեկատվության, գործիքների և ծառայությունների ամբողջություն է օնլայն տիրույթում։ Հարթակի հիմնական նպատակն է օժանդակել ՓՄՁ ղեկավարներին նոր գիտելիքների և կառավարման համար անհրաժեշտ գործիքների ձեռքբերման հարցում, ինչպես նաև ստեղծել նոր համագործակցությունների և գործընկերությունների հնարավորություններ: Կայքում առկա են ուսուցողական հոդվածներ, հոլովակներ, ձևանմուշներ և առցանց ուսուցման գործիքներ, որոնք կարող են օգտակար լինել ինչպես սկսնակ, այնպես էլ փորձառու գործարարների համար

Բիզնես սկսելիս առաջացող ծախսերը շատ են, այդ իսկ պատճառով սեփականատերերը հաճախ փորձում են փնտրել ճանապարհներ դրանք կրճատելու համար: Իրականում ոչ բոլոր ծախսերն են պարտադիր: 

Բիզնեսի պլանավորման գործընթացում կամ գործարկման սկզբնական փուլերում բիզնեսի սեփականատերերն, անկասկած, որոշ երկրորդական ծախսեր համարում են ոչ անհրաժեշտ: Բնականաբար, հարկավոր չէ գրասենյակային աթոռների ձեռքբերման համար 1,000,000 ՀՀ դրամ ներդրում կատարել, սակայն կան որոշ ծախսեր, որոնց կատարումը սկզբնական շրջանում կարող է մեծ հաջողությունների գրավական դառնալ:
Ներկայացնում ենք 4 հիմնական ծախս, որոնց դեպքում պետք չէ խնայել բիզնես սկսելիս՝

1. Շուկայի վերլուծություն

Բիզնես պլան կազմելիս ձեռնարկատերերից շատերը մեծ ծախսերից խուսափելու նպատակով չեն ցանկանում շուկայի վերլուծություն կատարել: Երբ խոսքը Ձեր հաճախորդների և ապրանքների մասին է, ապա առանց շուկայի վերլուծության Դուք չեք կարող ճիշտ և հստակ իրականացնել Ձեր գործունեությունը: Այդ իսկ պատճառով համոզվեք, որ կատարում եք այնքան ներդրում, որքան անհրաժեշտ է շուկայի ամբողջական վերլուծություն իրականացնելու համար, որպեսզի իրագործեք Ձեր բիզնես գաղափարները:

Ինչու՞ արժե գումար ծախսել շուկայի վերլուծություն իրականացնելու համար.

  • Oգնում է գտնել այն սեգմենտը, որը ցանկանում է գնել Ձեր կողմից առաջարկվող ապրանքներն ու ծառայությունները: Առանց շուկայի մանրամասն վերլուծության Դուք, հնարավոր է, շատ ժամանակ և գումար ծախսեք՝ փորձելով կապ հաստատել շուկայի որևէ սեգմենտի հետ, այնուհետև պարզ դառնա, որ Ձեր կողմից առաջարկվող ապրանքը կամ ծառայությունը ավելի լավ կարող էր ընկալվել շուկայի մեկ այլ սեգմենտի կողմից:
  • Օգնում է հաստատել Ձեր կոնցեպտը: Շուկայի վերլուծության միջոցով կհասկանաք՝ արդյո՞ք Ձեր կողմից առաջարկվող ապրանքը կամ ծառայությունը համապատասխանում է Ձեր ընտրած թիրախային լսարանին և կկարողանաք բացահայտել այդ խմբի կարիքներն ու ցանկությունները՝ նրանց առաջարկելով լավագույն և համապատասխան ապրանքը կամ ծառայությունը:

2. Բրենդինգ

Ժամանակակից մարքեթինգը կարևորում է բրենդինգը բիզնեսի բոլոր տեսակների համար: Ըստ մի շարք հետազոտությունների՝ գործարկման շրջանում կատարված բրենդինգը պետք է կիրառվի առնվազն մեկ տասնամյակ:
Անհրաժեշտ է ընտրել այնպիսի անուն, որը կուղեկցի Ձեզ հետագա տարիների ընթացքում և կհիշվի հաճախորդների կողմից: Ինչու՞ արժե գումար ծախսել բրենդի ստեղծման համար:

Ինչու՞ արժե գումար ծախսել բրենդի ստեղծման համար.

  • Օգնում է կապ հաստատել հաճախորդների հետ: Ձեր բրենդը կապահովի Ձեր ապրանքի կամ ծառայության՝ հաճախորդների մտքում նախընտրելի ապրանքների և ծառայությունների շարքին դասելուն: Բրենդինգը օգնում է մարդկանց հասկանալ, թե ինչու պետք է մի ապրանքը կամ ծառայությունը գերադասել մյուսից: Ունենալով հայտնի բրենդ՝ Ձեր հաճախորդների մոտ կզբաղեցնեք առաջնային դիրքեր:
  • Ուժեղ և հզոր բրենդինգը ազդում է բիզնեսի կատարողականի վրա: Բրենդը կառավարում է սպառողների վարքագիծը: Հաճախորդները փորձարկում են Ձեր ապրանքը՝ արդեն իսկ որոշակի սպասումներ ունենալով: Եթե այն համապատասխանում կամ գերազանցում է իրենց սպասումները, ապա այդ փաստը հետագայում նրանց դրդում է գնում կատարելու, իսկ Ձեր բիզնեսին՝ հաջողության հասնելու:

3. Սոցիալական մեդիայի կառավարում

Սոցիալական մեդիայի կիրառումը մի շարք նոր բիզնեսների սեփականատերերի կողմից անհրաժեշտություն չի համարվում, որովհետև մեծամասնությունը չգիտի՝ ինչպես կիրառել այն: Սակայն շուկայի վերլուծության և բրենդինգի օգնությամբ սոցիալական մեդիան ավելի պարզ է դառնում:

Ինչու՞ արժե գումար ծախսել սոցիալական մեդիայի կառավարման համար.

  • Օգնում է ներգրավել նոր հաճախորդներ:
    Սպառողները համարվում են Ձեր բիզնեսի հիմնական դերակատարը:
    Պարզեք, թե ինչ սոցիալական կայքեր է օգտագործում Ձեր թիրախային լսարանը:
    Հնարավոր է՝ Ձեր լավագույն ընտրությունը լինի LinkedIn-ը կամ էլեկտրոնային փոստը, կամ գուցե Ձեր բիզնեսի համար ավելի լավ կլինի հանդես գալ Facebook, Instagram կամ Pinterest հարթակներում:
  • Օգնում է ձեռք բերել հեղինակություն և ճանաչելիություն: Երբ հավանական հաճախորդը փնտրում է մի ապրանք կամ ծառայություն, որը ներկայացնում եք նաև Դուք, առաջին հերթին կարող է Ձեզ դիմել հենց Ձեր ճանաչվածության շնորհիվ:

Ճանաչվածություն ձեռք բերելը շահավետ է բիզնեսի սկզբնական շրջանում, քանի որ դրա շնորհիվ է, որ Ձեր փոխարեն հաճախորդները իրենք են գտնում Ձեզ:

4. Կազմակերպության մշակույթի և ոճի ստեղծում

Բիզնեսի մի շարք սեփականատերեր հնարավոր է գումար խնայեն այս փուլում:
Անհրաժեշտ է մշակույթը ընկալել որպես Ձեր կազմակերպության անհատականություն:
Աշխատակիցների պարգևատրումը, կազմակերպության աշխատանքային պայմաններն ու ոճը համարվում են դրա մշակույթի տարրեր:
Մշակույթի ստեղծումը կարևոր է ցանկացած տեսակի բիզնեսի գործարկման փուլում, քանի որ այն կառուցում է Ձեր կազմակերպության հիմքը:

Ինչու՞ պետք չէ խնայել այս փուլում.

  • Աշխատակիցների բավարարվածությունն ու գոհունակությունը համարվում են շատ կարևոր գործոններ: Միջազգային հետազոտությունների արդյունքները ցույց են տալիս, որ հավանականությունը, որ աշխատակիցը կդադարի աշխատել մի կազմակերպությունում, որտեղ կա հզոր մշակույթ, 14% Է կազմում: Հավատարիմ աշխատակիցները նույնչափ կարևոր են Ձեր կազմակերպության համար, որքան հավատարիմ հաճախորդները:
  • Արդյունավետ աշխատանքին հետևում է շահույթի ստացումը: Կազմակերպության հզոր մշակույթը հանգեցնում է ուժեղ թիմի ձևավորմանը: Հավանական է, որ երջանիկ և արդյունավետ աշխատող աշխատակիցները կունենան նորարար և ստեղծարար մտքեր և կօգնեն գտնել այնպիսի լուծումներ, որոնք հնարավոր է չգտնեք անառողջ մշակույթ ունեցող աշխատավայրերում: Բիզնեսի հիմնադրման առաջին իսկ օրվանից ընկերական և առողջ միջավայրի ստեղծումը կուղղորդի Ձեր բիզնեսը դեպի բազմաթիվ հաջողությունների: