– Ողջույն, հարգելի դիմորդ։ Դուք հրավիրված եք հարցազրույցի staff.am-ում մարքեթինգի մասնագետի հաստիքի համար։
Գիտե՞ք՝ ինչ է զգում մարդը, երբ իր երազանքի ընկերությունից զանգ է ստանում։ Սրտի զարկերն արագանում են, սթրեսի մակարդակը բարձրանում, ուղեղը սկսում է քաոսային ռեժիմով մշակել տեղեկատվություն։ Հենց այս վիճակում էի ես, երբ հրավեր ստացա staff.am-ից՝ մարքեթինգի մասնագետի հաստիքի համար։
Առանց հստակ գործողությունների պլանի՝ ես սկսեցի անիմաստ կերպով Google-ում փնտրել ընկերության մասին ամեն ինչ։ Զգում էի, որ այս կերպ ոչինչի չեմ հասնի։ Հենց այդ պահին որոշեցի դիմել ChatGPT-ին. «Դե ինչ, բարև, ես հարցազրույցի եմ հրավիրված staff.am-ում մարքեթինգի մասնագետի հաստիքի համար, բավականին լարված եմ և չգիտեմ ինչպես պատրաստվել։ Կօգնե՞ս ինձ»։ Ինչպես պարզվեց, դա իմ լավագույն որոշումն էր։ Ուզում եմ ձեզ հետ ևս կիսվել այս օգտագար հնարքներով։
1. Ինքնաներկայացում
“Գրիր ինձ համար ազդեցիկ ինքնաներկայացման խոսք staff.am-ում մարքեթինգի մասնագետի հաստիքի համար, որտեղ կընդգծես իմ հաղորդակցության, ստեղծարար մտածողության հմտությունները և 2 տարվա աշխատանքային փորձը:”
*Փոքրիկ հուշում․ Այս ամենը նկարագրելու փոխարեն կարող եք պարզապես տրամադրել staff.am-ում տեղադրված աշխատանքի հղումը։
Հարցազրույցի սկզբում հնչող «Պատմեք Ձեր մասին» հարցը հաճախ շփոթեցնում է թեկնածուներին։ Սա ոչ թե ձեր կենսագրությունը պատմելու, այլ ձեր հմտությունները և փորձը տվյալ հաստիքի հետ կապելու հնարավորությունն է։ Այս հրահանգը կօգնի ձեզ կազմել հակիրճ և ազդեցիկ ինքնաներկայացում, որը անմիջապես կգրավի հարցազրուցավարի ուշադրությունը և ցույց կտա ձեր պրոֆեսիոնալիզմը։
2. Հավանական հարցեր և մտածված պատասխաններ
“Ստեղծիր 10 հավանական հարց և պատասխան staff.am-ում մարքեթինգի մասնագետի հարցազրույցի համար: Ներառիր տեխնիկական, վարքագծային և իրավիճակային հարցեր: Ավելացրու STAR մեթոդով պատասխանի օրինակներ։”
Հարցազրույցին պատրաստվելու լավագույն միջոցներից մեկը հնարավոր հարցերի պատասխանները նախօրոք մտածելն է։ Այս հրահանգի միջոցով ChatGPT-ն կստեղծի մի ցուցակ, որը ներառում է ինչպես տեխնիկական (օրինակ՝ «Ինչպե՞ս կչափեք մարքեթինգային արշավի արդյունավետությունը»), այնպես էլ վարքագծային (օրինակ՝ «Պատմեք մի դեպքի մասին, երբ թիմում տարաձայնություն է եղել») հարցեր։ Այս հրահանգը ձեզ թույլ կտա ունենալ պատրաստի պատասխաններ, որոնք կազմված են STAR մեթոդով, ինչը հնարավորություն կտա հստակ և համոզիչ ձևով ներկայացնել ձեր փորձը։
3. Հարցազրույցի իմիտացիա՝ իրական ժամանակում
“Պատկերացրու որ դու staff.am-ի HR մասնագետն ես և անցկացրու ինձ հետ ՄՌԿ հարցազրույց մարքեթինգի մասնագետի հաստիքի համար: Տուր ինձ հարցեր, գնահատիր իմ պատասխանները և տուր բարելավման խորհուրդներ: Սկսենք հիմնական ներկայացումից:”
Հարցերին պատրաստվելուց բացի, կարևոր է նաև կիրառել ստացված գիտելիքները։ ChatGPT-ն կարող է դառնալ ձեր անձնական հարցազրուցավարը և իրական ժամանակում հարցազրույց անցկացնել ձեզ հետ։ Այս հրահանգը կտա ձեզ հնարավորություն մարզվելու, ստանալու հետադարձ կապ ձեր պատասխանների վերաբերյալ և բարելավելու ձեր մոտեցումները։ Սա հոգեբանական առումով շատ օգտակար է, քանի որ կնվազեցնի հարցազրույցի սթրեսը։
4. Հարցեր, որոնք ցույց են տալիս քո մոտիվացիան
“Կազմիր 5 խելամիտ հարց, որ կարող եմ տալ հարցազրույցի վերջում՝ ցույց տալու համար իմ հետաքրքրությունը մարքեթինգի մասնագետիի հաստիքի և staff.am ընկերության, դրա գործունեության, պրոդուկտների և նախագծերի նկատմամբ, օրինակ՝ թիմ, մարտահրավերներ, զարգացման հնարավորություններ։”
Հարցազրույցի վերջում հարցազրուցավարին հարցեր տալը ցույց է տալիս, որ դու լրջորեն հետաքրքրված ես ընկերությամբ և հաստիքով։ Սա ձեզ հնարավորություն է տալիս ստանալու լրացուցիչ տեղեկատվություն թիմի, ընկերության մշակույթի և ապագա մարտահրավերների մասին։ Այս հրահանգը կօգնի ձեզ կազմել այնպիսի հարցերի ցանկ, որոնք կտարբերեն ձեզ մյուս թեկնածուներից և կցույց տան, որ դուք խորը վերլուծություն եք կատարել։
Հարց 5․Ի՞նչու պետք է ընտրեն հենց քեզ
“Կազմիր 5 լավագույն պատասխանները «Ի՞նչու պետք է հենց քեզ ընտրենք» հարցի համար։ Ամեն պատասխան պետք է ունենա կոնկրետ օրինակ իմ փորձից և չափելի արդյունք։”
Սա հարցազրույցի ամենակարևոր և հաճախ ամենադժվար հարցերից մեկն է։ Այս պատասխանը պետք է լինի հստակ և հիմնավորված, որը կցուցադրի ձեր եզակի արժեքը։ Այս հրահանգը կօգնի ձեզ կազմել մի քանի տարբերակ, որոնք հիմնված են ձեր անձնական փորձի և ձեռքբերումների վրա՝ ցույց տալով, թե ինչպես կարող եք օգուտ բերել ընկերությանը։
Այս հրահանգների շնորհիվ ես պատրաստվեցի հարցազրույցին այնպես, ինչպես երբեք։ Եվ այո, ես ստացա այդ աշխատանքը։ Իսկ հիմա հերրթը քոնն է, պատճենիր այս հրահանգները և անցիր աշխատանքի։
