staffmedia.am-ը շարունակում է իր փաստահավաք նախագիծը :): Այսօր մենք հատուկ անդրադարձ ենք կատարել ZERO ընկերությանը՝ բացահայտելով հիմնադրումից մինչ այսօր այս եռանդուն ու միջազգային թիմի աշխատանքային առօրյան հետաքրքիր ու առանձնահատուկ դարձնող, և ընկերության հզորացմանը նպաստող լավագույն փաստերը։
ՓԱՍՏ 1. ԿՈՐՊՈՐԱՏԻՎ ՄԻՋՄՇԱԿՈՒԹԱՅԻՆ ԿՅԱՆՔԸ ԱՄՆ-ԻՑ ՀԱՅԱՍՏԱՆ – ԿԱՆԱԴԱ – ՀՆԴԿԱՍՏԱՆ – ՈՒԿՐԱԻՆԱ ԵՎ ԼԵՀԱՍՏԱՆ
ZERO-ն հիմնադրվել է 2015 թվականին, Կալիֆոռնիայի Լոս Գատոս քաղաքում: Այսօր ZERO-ն՝ համաշխարհային ճանաչում ունեցող ընկերություն է: Այն առանձնանում է որպես բացառիկ գործատու, որը ոչ միայն խթանում է նորարարությունը պրոդուկտում, այլև առաջնահերթություն է տալիս աշխատակիցների բարեկեցությանը:
«Հետաքրքիր է աշխատել միջազգային ընկերությունում տարբեր գաղափարներով, հեռանկարներով և հայացքներով անհատների կողքին: Դրանով մենք կարողանում ենք օգտագործել միջազգային լավագույն փորձը և հաճախ մեզ դուրս մղել հարմարավետության գոտուց», – կիսվեցին մեզ հետ ZERO-ում:
ՓԱՍՏ 2. ԱՌՈՂՋ ՄԱՐՄՆՈՒՄ ԱՌՈՂՋ ՀՈԳԻ
ZERO-ում առաջնահերթություն են տալիս առողջ մթնոլորտին։ Ընկերությունն աշխատակիցների համար մշակել է առավելությունների մեծ փաթեթ, որպեսզի աջակցի աշխատանքի և կյանքի առողջ հավասարակշռությանը: Այստեղ աշխատանքը պլանավորվում է հիբրիդային տարբերակով, և յուրաքանչյուրը կարող է կառավարել իր ժամանակը: Ընկերությունում կազմակերպվող միջոցառումները միտված են ստեղծել այնպիսի միջավայր, որտեղ ձևավորվում են աշխատանքի և կյանքի բալանսավորումն ապահովող ավանդույթները:
Արդեն մի քանի տարի է ընկերությունում շաբաթը սկսվում և շարունակվում է առողջ նախուտեստներով։
Ընկերությունը խրախուսում է ֆիզիկական ակտիվությունը և տրամադրում միջոցներ այն իրականացնելու համար։ Այս ամենը համեմվում է միջոցառումներով և տարբեր քննարկումներով։
Այս տարի ZERՕ-ում գեղեցիկ նախաձեռնություն թողարկվեց` մեկ ամիս հայտարարելով «Առողջության և Բարեկեցության» ամիս, որը լի էր դասախոսություններով, թիմային խաղերով և էմոցիաներով։
ՓԱՍՏ 3. ՄԱՍՆԱԳԻՏԱԿԱՆ ԵՎ ԱՆՁՆԱԿԱՆ ԱՃԸ ZERO-ՈՒՄ
ZERO-ում աջակցող և հզորացնող միջավայր է, որտեղ աշխատակիցները ոգեշնչում են միմյանց: Օրինակով առաջնորդվելով՝ աշխատակիցները հնարավորություն են տալիս գործընկերներին հասնելու իրենց ողջ ներուժին:
ZERO-ն ընկերության ներսում նպաստում է աճը աշխատանքի և ուսուցման միջոցով, և առաջարկում է աշխատակիցներին շարունակաբար սովորել՝ հետագա ուսուցման փոխհատուցում տրամադրելով:
ՓԱՍՏ 4. ՈԼՈՐՏԻ ԱՌԱՋԱՏԱՐՆԵՐԻ ՀԱՄԱԳՈՐԾԱԿՑՈՒԹՅՈՒՆԸ ՄԵԿ ՏԱՆԻՔԻ ՏԱԿ
Ոլորտի առաջատար լինելը կամ նրանց կողքին աշխատելը միշտ էլ ոգևորիչ է։ ZERO-ում բոլորն աշխատում են որպես համախմբված թիմ՝ օգտագործելով տարբեր փորձառություններ՝ բարդ խնդիրներ լուծելու և բացառիկ արդյունքներ ապահովելու համար, ինչը օգնում է ընկերությունում պահպանել դրական աշխատանքային միջավայր։ Այս աջակցող միջավայրի շնորհիվ ZERO-ն հզորանում է։
ՓԱՍՏ 5. ԽԱՂԱՅԻՆ ԸՆԴՄԻՋՈՒՄՆԵՐԸ ՔՆՆԱՐԿՈՒՄՆԵՐԻ ՄԻՋԵՎ
Առողջ աշխատանքային միջավայր պահպանելու համար շատ կարևոր է ապահովել տեխնիկական հագեցվածություն և զվարճալի խաղեր ինչի պակասը չեն զգում ZERO-ում։ Աշխատակիցները կարող են ժամանակ գտնել սեղանի ֆուտբոլի փոքրիկ ընդմիջման կամ մեկ շրջան փլեյսթեյշն խաղալու համար, բայց իհարկե թիմի ֆավորիտը սենյակի կենտրոնում՝ շախմատն է։
ZERO-ի մասին ավելին իմանալու համար, քան ընդամենը նշված 5 փաստերը և թիմին միանալու հնարավորություններին ծանոթանալու համար այցելեք ընկերության կարիերայի էջ staff.am-ում և դիմեք ձեզ համապատասխան հաստիքին ու դարձեք ընկերության հաջորդ հետաքրքրիր փաստերի հերոսը հենց դուք։
