5 կարևոր հարց, որոնք պետք է տալ վաճառքի դասընթաց ընտրելիս

971

Վաճառքի մասնագետները ժամանակակից բիզնեսում անփոխարինելի ու կենսական նշանակություն ունեն։ Չէ՞ որ նույնիսկ աշխարհի ամենապահանջված պրոդուկտը կամ ծառայությունը շուկայում ներկայացնելն այլևս հնարավոր չէ առանց գրագետ և կրթված վաճառքի մասնագետների ներգրավվածության և վաճառքի գրագետ կառուցված պրոցեսով։
Ժամանակակից վաճառքի մասնագիտության մասին կան անթիվ թյուր կարծիքներ, որոնցից ամենատարածվածը, թերևս, վաճառքն ու «համոզելու» նուրբ արվեստն իրար հետ նույնականացնելն է։ Սակայն ժամանակակից աշխարհում, երբ վաճառքը վաղուց դուրս է եկել ավանդական ձևաչափերից, առաջացել են վաճառքի թվային բազմաթիվ ուղիներ, վաճառքի մասնագետի դերն է՛լ ավելի կենսական է դարձել, իսկ նրանից պահանջվող մասնագիտական ու փափուկ հմտություններն ավելի համալիր ու բաղադրյալ։ Մերօրյա մասնագետը, ով ցանկանում է հաջողության հասնել բիզնեսի զարգացման ու վաճառքների ոլորտում, պետք է լավ պատկերացում ունենա պոտենցիալ գնորդի ուսումնասիրության արդի մոտեցումներից, ժամանակակից թվային գործիքներից, վաճառքի հոգեբանությունից, գրագետ ներկայանալու և պրոդուկտը կամ ծառայությունը ներկայացնելու մոտեցումներից, վաճառքի տարբեր օգտակար մոդելներից և շատ ու շատ բնագավառներից։

Ըստ staff.am-ի ուսումնասիրությունների՝ վաճառքի ոլորտի մասնագետները երկրորդ ամենապահանջվածն են եղել ՀՀ աշխատաշուկայում 2023-ին։ Իսկ 2024-ի առաջին եռամսյակի տվյալներով, պահանջարկն ավելի է աճել։ Մի քանի հազար հաստիք ամեն տարի հայտարարվում և, շատ դժվարությամբ է համալրվում։ Ինչու դժվարությա՞մբ։ Քանի որ աշխատաշուկայում կա վաճառքի որակյալ մասնագետների մեծ բաց, և նույնիսկ բարձր վարձատրությունն ու կարիերայի աճի մեծ հնարավորությունները չեն օգնում այս հաստիքներն արագ փակելուն։
Ահա այս բացն ուսումնասիրելու ուղին էլ հանգեցրեց staff.am-ի Career Factory կրթական ուղղության, կամ ինչպես մենք ենք այն անվանում՝ «տաղանդների գործարան»-ի ստեղծմանը։ Career Factory-ի առաքելությունն է նպաստել ՀՀ աշխատաշուկայի զարգացմանը՝ խթանելով մասնագիտական աճի հնարավորությունները նպատակասլաց մասնագետների համար և տալով հնարավորություն դառնալու իրենց ոլորտի առաջամարտիկներն ու դրական փոփոխությունների սկիզբ տվողը։
Բայց եկեք վերադառնանք բուն թեմային։ Ինչպիսի՞ կարևոր հարցեր է պետք տալ վաճառքի թրեյնինգ ընտրելիս։

Հարց #1 | Մասնագիտական և կարիերայի աճի ի՞նչ հնարավորություններ են տրվում դասընթացի մասնակիցների համար։

Եթե այս պահին ակտիվորեն փնտրում եք աշխատանք, ապա դասընթացի այս առավելությանը պետք է առաջինն ուշադրություն դարձնել։ Արդյո՞ք թրեյնինգ մատուցող ընկերությունը ապահովում է ուսանողներին աշխատանքով կամ գոնե տրամադրում է վաճառքներում կարիերայի աճի հնարավորություն։ Արդյոք թրեյնինգ ընկերությունը տրամադրում է կարիերայի կողմնորոշման և աջակցության մասով տեղեկատվություն, և այլն։
Օրինակ, Career Factory-ի Mastering the Sales Game վաճառքի և բիզնեսի զարգացման դասընթացը, մեկնարկում ենք մայիսի 6-ից, հաջողությամբ ավարտած ուսանողներին երեք ամսվա ընթացքում ապահովում ենք աշխատանքով staff.am գործընկեր կազմակերպություններում։ Ավելին, դասընթացի ընթացքում մենք օգնում ենք թարմացնել ձեր CV-ն, ինչպես նաև զինում ենք աշխատաշուկայում ցանկալի աշխատանք գտնելու հմտություններով։ Ունենալով 5,000+ գործընկերներ ՀՀ-ում, մենք լավագույնս օգնում ենք մեր ուսանողներին գտնելու ցանկալի աշխատանք։

Հարց #2 | Արդյո՞ք վաճառքի դասընթացը ներառում է իրական բիզնեսից վաճառքի քեյսեր։

Սա անչափ կարևոր հարց է, որը հաճախ անտեսվում է։
Շուկայում առաջարկվող դասընթացների ճնշող մեծամասնությունը շեշտադրում է կատարում միայն տեսական գիտելիքների վրա։ Շատ հաճախ ուսանողներն ուղղակի խճճվում են տարբեր բարդ անուններ ունեցող մոդելների և մեթոդների մեջ՝ այդպես էլ չկարողանալով կիրառել դրանք գործնականում։ Իհարկե անչափ կարևոր է տեսական մասին գրագետ անդրադարձը, սակայն ժամանակակից բիզնես միջավայրում, նույնքան կարևոր է այդ տեսական գիտելիքները սովորել պրակտիկայում ճիշտ կիրառել։ Mastering the Sales Game վաճառքի և բիզնեսի զարգացման դասընթացը հիմնված է բացառապես ժամանակակից և գործնական մոտեցումների հիման վրա։ Մեր նպատակը ոչ թե տեսական կետերով ու մոդելներով ձեզ ծանրաբեռնելն է, այլ զինելը ֆունդամենտալ գիտելիքներով և պրակտիկայում ցույց տալ, թե ինչպես է ընթանում վաճառքի գործընթացը, ինչպես կիրառել տեսական գիտելիքները պրակտիկ քեյսերի վրա։

Հարց #3 | Ի՞նչ մասնագիտական փորձ ունի դասընթացի թրեյները։

Վաճառքի դասընթացի ընտրության հարցում անչափ կարևոր է ոչ միայն թրեյնինգ մատուցող ընկերությունը, այլև թրեյնինգն իրականացնող մասնագետի կամ մասնագետների փորձն ու գիտելիքը։ Թրեյնինգ ընտրելիս հավաստիացեք, որ թրեյներն ունի գործնական հարուստ և հաջողված փորձ տվյալ ոլորտում։ Բացի թրեյնինգ ընկերության կողմից տրամադրված տեղեկատվությունից, ինքներդ նույնպես ուսումնասիրեք դասընթացավարի փորձը տարբեր մասնագիտական թվային հարթակների միջոցով։ Սա կօգնի շատ ավելի լավ կողմնորոշվել թրեյնինգի ընտրության հարցում։
Mastering the Sales Game վաճառքի և բիզնեսի զարգացման դասընթացի թրեյներ է հանդիսանում ՀՀ-ում Գլովո միջազգային ընկերության կոմերցիոն տնօրեն Բյուզանդ Մկտրիչեանը, ով ունի 10+ տարվա փորձ վաճառքի և բիզնեսի զարգացման ոլորտներում՝ ՀՀ-ում և արտերկրում։ Բյուզանդն ունի վաճառքի թիմերի ստեղծման հարուստ փորձ և կկիսվի մեր մասնակիցների հետ իր պրակտիկայից իրական քեյսերով։ Բյուզանդը բազմիցս ՀՀ-ում և արտերկրում հանդես է եկել տարբեր սեմինարներով և մասթեր-դասերով։

Հարց #4 | Ինչպիսի՞ կառուցվածք ունի վաճառքի թրեյնինգը։

Վաճառքի դասընթացի կառուցվածքը հաջորդ կարևոր կետն է, որին պետք է ուշադրություն դարձնել ընտրություն կատարելիս։ Ինչքանո՞վ է այն համապատասխանում ձեր սպասելիքներին, ի՞նչ թեմաներից է բաղկացած, ի՞նչ տևողությամբ է դասընթացը և այլն։ Mastering the Sales Game վաճառքի ֆունդամենտալ դասընթացի բովանդակությունը մշակելիս մենք մեծ ուշադրություն ենք դարձրել թիրախային լսարանի կարիքներին՝ նախապես կազմակերպելով հարցում և ֆոկուս գրուպ հանդիպումներ։ 
Mastering the Sales Game վաճառքի և բիզնեսի զարգացման դասընթացը կազմված է երեք մասից՝ բուն դասընթացը, բոնուս դասերը և ավարտական միջոցառումը։ Դասընթացի բուն հատվածում, որը բաղկացած է 12 դասից, դուք կստանաք ֆունդամենտալ գիտելիքներ վաճառքի հիմնական հասկացությունների ու տեսակների, թիրախային լսարանի բացահայտման և լիդերի գեներցման, բանակցությունների, հաճախորդների հետ հարաբերությունների կառուցման և մի շարք այլ կարևոր թեմաների շուրջ։ Դասընթացի երկրորդ հատվածում մասնակիցները հնարավորություն ունեն ուսումնասիրելու հավելյալ թեմաներ, կամ ինչպես մենք են դրանց անվանում՝ բոնուս դասեր։

Բոնուս դասերի թեմաներ են՝ վաճառքի հոգեբանությունը, storytelling-ը, կարիերայի զարգացումը վաճառքներում և այլն։ Դասընթացի երրորդ և ավարտական հատվածը վաճառքի մրցախաղն է, որի ընթացքում մասնակիցները հնարավորություն ունեն գործատուների իրական քեյսերի հիման վրա մրցել միմյանց հետ լավագույնի կոչման համար։

Հարց #5 | Ի՞նչ է հաջորդում դասընթացի ավարտին։

Սա, թերևս, վերջին և որոշիչ կետն է, որից հետո ընտրությունը պետք է ավելի ակնհայտ դառնա։ Արդյո՞ք թրեյնինգի ավարտից հետո ընկերությունը տրամադրում է շարունակական մենթորինգ կամ օգնում է կարիերայի զարգացման հարցում։ Ունի՞ արդյոք ընկերությունը community, որն օգնում է անհատի հետագա մասնագիտական զարգացմանը, և այլն։

Career Factory տաղանդների գործարանը թրեյնինգի բոլոր մասնակիցներին հնարավորություն է տալիս միանալու CF Community-ին` մեր աճող համայնքին, որը հասանելիություն է տալիս մասնագիտական թրեյնինգների, սեմինարների, աշխատարանների, ինչպես նաև կարիերայի շարունակական խորհրդատվություն ստանալու հետաքրքրիր հնարավորությունների՝ Հայաստանի առաջատար մասնագիտական էկոհամակարգից՝ staff.am-ից։

Եկեք ամփոփենք

Դե ինչ, հուսանք, որ տրամադրված խորհուրդները կօգնեն ձեզ վաճառքի դասընթացում կատարել ճիշտ ընտրություն։ Իսկ եթե ընտրությունը կկանգնի՝ Career Factory-ի Mastering the Sales Game վաճառքի և բիզնեսի զարգացման դասընթացի վրա, ապա ուրախ կլինենք քննարկել բոլոր մանրամասները և տրամադրել հավելյալ տեղեկատվություն։

Ուրախ կլինենք տեսնել ձեզ Mastering the Sales Game դասընթացի մասնակիցների շարքում, ինչպես նաև սիրով հյուրընկալել ձեզ մեր միջոցառումներին։