Ինչպես պետք է իմանալ, թե երբ է նոր աշխատանք փնտրելու ճիշտ ժամանակը։ Գուցե և Ձեր աշխատանքը վաղուց արդեն այն աշխատանքը չէ, որի մասին միշտ երազել եք։ Սակայն, քանի որ պետք է փնտրեք անվերջ հայտարարությունների մեջ Ձեր ցանկալի աշխատանքը, միշտ հետ եք կանգնում նման որոշումից՝ ինքներդ Ձեզ համոզելով․ <<Հիանալի աշխատանք է, իհարկե, իմ երազած աշխատանքը չէ, բայց միևնույն է, առայժմ կաշխատեմ>>։
Եվ չկա ավելի մեծ սխալ, քան ինքներդ Ձեզ համոզել հարմարավետ զգալ։ Այնքան շատ խելացի և տաղանդավոր մարդիկ կան, ովքեր պարզապես իրենց ОК են զգում իրենց աշխատանքում։ Երբ նրանք վերջնականապես որոշեն փոխել իրենց աշխատանքը, հավանաբար արդեն մոռացած կլինեն, թե ինչ է իրենից ներկայացնում հարցազրույցի ներկայանալը, CV-ի մեջ հմտություններ ավելացնելը։ Նրանք գուցե և այնքան էլ հարմարավետ չեն զգա իրենց հասակակիցների հետ՝ մտածելով, որ գնացքը վաղուց արդեն անցել է, և հետ են մնացել այդ ընթացքից։ Այս վախը հետզհետե կարող է աճել և ստիպել հետ կանգնել նոր աշխատանքի փնտրտուքներից։
Ուստի, եթե խորհուրդ հարցնեին, ապա անշուշտ կառաջարկեինք․
<<Թվացյալ հարմարավետություն մի ստեղծեք Ձեզ համար, այլ պայքարեք Ձեր երազած աշխատանքին օրական մեկ քայլ ավելի մոտենալու համար>>։
Ժամանակ գտեք ինքներդ Ձեզ համար հարցնելու, թե արդյոք երջանիկ եք զգում Ձեր կարիերայով, թե՞ ժամանակն է արդեն կատարել հաջորդ քայլը։
Իսկ որո՞նք են այն նշանները, որոնց առկայության դեպքում պետք է փոխել աշխատանքը։
1. Դուք անընդհատ մնում եք նույն կարգավիճակում (Status-Quo)
Եթե Դուք շարունակում եք մնալ նույն ընկերությունում և նույն պաշտոնին առանց որևէ առաջխաղացման անցած երեք տարիների ընթացքում, բայց ցանկությունը մեծ է կարիերայում առաջխաղացում ունենալու համար, ապա ժամանակն է նոր աշխատանքներով հետաքրքրվել։
2. Դուք նոր գիտելիքներ չեք ստանում
Եթե պարբերաբար չեք ստանում նոր գիտելիքներ կամ սովորում նոր հմտություններ, մեծացնում Ձեր ծանոթությունը, ինչու չէ նաև վստահությունը, ապա կարելի է ասել, որ Դուք ավելի շատ ներդրում եք կատարում Ձեր աշխատանքում, քան փոխադարձ ստանում եք։ Բնավ, չի խոսվում անընդհատ նոր հմտություն սովորելու մասին, այլ ավելի շատ հիմնական կարողությունները զարգացնելու մասին։
3. Անընդհատ փոխվում են Ձեր մենեջերները
Անընդհատ ընկերության ղեկավարությունում խնդիրներ են, փոխվում են մենեջերները։ Այս երևույթը մի կողմից կարող է դրական անդրադառնալ, Դուք կարող եք փոխել Ձեր աշխատանքի բնույթը, նոր պարտականություններ ստանձնել, սակայն հիմնականում այդքան նպաստավոր չէ Ձեր կարիերայի համար։ Երբ մենեջերը հեռանում է աշխատանքից, ապա նրա մոտ թողած տպավորություններն ապարդյուն են անցնում։ Այս դեպքում կարիերայում առաջխաղացումը կրկին հետաձգվում է։
4. Ուղեղների որս․ ստացել եք այլ ընկերությունում աշխատելու առաջարկ
Էլ․ նամակներ և կրկին նամակներ տարբեր Գործատուների կողմից։ Իհարկե, չպետք է ենթադրել, որ նոր աշխատանքի անցնելու ժամանակն է, բայց խորհուրդ ենք տալիս չանտեսել։ Այս նամակներով, զանգերով կարելի է աշխատաշուկայի փոքրիկ հետազոտություն անցկացնել և հասկանալ, թե որ ընկերություններն են առավել հաճախ աշխատակից փնտրում, մասնագիտական որ ուղղությունները մեծ պահանջարկ ունեն և ինչու չէ նաև հաշվարկել միջին աշխատավարձը։
5. Թվում է, թե նոր աշխատանք ունենալու ժամանակն է
Բացի վերը թվարկված նշաններից, չանտեսեք Ձեր ներքին զգացողությունը։ Ոչ ոք չգիտի Ձեր աշխատանքային միջավայրը և կարողություններն այնքան լավ, որքան Դուք։ Եվ եթե Ձեր ներքին ձայնն ասում է, որ այլ աշխատավայրում Ձեզ համար ավելի լավ կլինի, ապա սկսեք նոր աշխատանք փնտրել staff.am կարիերայի հարթակում, որտեղ ամեն օր տեղադրվում են աշխատանքի թարմ հայտարարություններ ՀՀ առաջատար ընկերությունների կողմից։
Սակայն, նախքան աշխատանքը թողնելը կամ նոր աշխատանք փնտրելը, պարզապես խորհրդակցեք Ձեր ղեկավարի հետ։ Գուցե նա, լսելով Ձեր մտահոգությունները, ինչ-որ նոր պարտականություններ փոխանցի Ձեզ, որը կնպաստի աշխատանքում առաջխաղացմանը, հարմարավետ զգալուն և ծանոթության շրջանակների ընդլայնմանը։
Այսպիսով, կատարելով օրական մեկ քայլ առաջ դեպի Ձեր երազած աշխատանքը, հաջողությունները կարիերայում երկար չեն սպասեցնի։
