staff.am-ի լավագույն գործատուներին այցերի շարքը շարունակվում է։ Այս անգամ գնացել էինք այնպիսի ընկերություն, որի ստեղծման գաղափարն ու թիմի ձևավորումը տեղի է ունեցել կովիդյան ժամանակաշրջանում։ Այսինքն ընդամենը երկու տարի, բայց արդեն Երևանում երկու գրասենյակ, մեծ թիմ, մեծ համբավ, ապագայի հստակ տեսլական ու արժեքներ ունեցող ընկերություն։
Առաջարկում ենք հարմար տեղավորվել, քանի որ պատմելու շատ բան ունենք ։)
Այսպիսով, մեր այցը խաղային B2B ոլորտում գերժամանակակից լուծումներ առաջարկող Technamin տեխնոլոգիական ընկերություն էր, որը շատ կարճ ժամանակում իր հստակ տեղն է զբաղեցրել միջազգային շուկայում, կազմել մեծ ծրագրեր, որոնց էլ հետևում է՝ օրեցօր գերազանցելով իր իսկ նվաճումները։
Այսօր կպատմենք, թե ինչում է Technamin-ի գաղտնիքը, ինչ տեսլական ունի ընկերությունը և թե ինչ խանդավառությամբ ու ոգևորությամբ է աշխատում թիմը։
Տարիների փորձով Technamin-ը
Մեր այցի ընթացքում շատ տպավորիչ զրույց ունեցանք Technamin-ի հիմնադիր և CEO Սուրեն Խաչատրյանի հետ։ Ճիշտ է, Technamin-ն ունի 2 տարվա պատմություն, բայց թիմը, որը հավաքվել է մեկ գաղափարի շուրջ ու հստակ շարժվում է նպատակների իրագործման ճանապարհով, ունի տարիների փորձ ոլորտում, ինչպես նաև ներդրում Հայաստանում ոլորտի ձևավորման գործում։
«Սա մեծ համբավ ու վստահություն է բերում մեր ընկերությանը միջազգային շուկայում։ Այս թիմով է, որ 2020-ի վերջին սկսեց գործել մեր ընկերությունը, որի անվանումը՝ Technamin, միասին ենք որոշել։ Մեր բոլոր ծրագրային լուծումները, արժեքները, ռազմավարությունը արդյունք են Technamin-ի յուրաքանչյուր աշխատակցի ներդրման», – ուրախությամբ կիսվում է ընկերության հիմնադիրը։
Նշենք, որ Հայաստանում խաղային B2B ոլորտն ունի 12 տարվա պատմություն, կան 20-ից ավելի կազմակերպություններ, որտեղ Technamin-ն իր առանձնահատուկ տեղն է զբաղեցնում՝ գործունեություն ծավալելով Հայաստանի տարածքից դուրս և ունենալով գրասենյակներ ու աշխատակիցներ Հայաստանում։
Technamin-ի հաջողության գաղտնիքն ու բազմազան թիմը
Ուշագրավ է նաև այն, որ Technamin-ի թիմը բազմազան է, բոլորը կիսում են նույն արժեքները, բայց, միաժամանակ, յուրաքանչյուրն անհատականություն է։ Անհատականության վառ դրսևորում է նաև Մաթյոն`Technamin-ի Chief Sales Officer-ը, ում հետ շատ հաճելի զրույց ունեցանք:
«Որպես հավաքական ուժ մենք ձգտում ենք ընդլայնել մեր հասանելիությունն ամբողջ աշխարհում համապատասխան շուկայում գործող գործընկերների համար։ Միևնույն ժամանակ մենք ձգտում ենք նոր հնարավորություններ ստեղծել երիտասարդ հայ մասնագետների համար՝ անկախ այն հանգամանքից՝ նրանք Երևանում են, մարզերում, թե սփյուռքում։ Միասին մենք կարող ենք հասնել ավելի մեծ նպատակների պարզապես այն պատճառով, որ Technamin-ում մենք հավատում ենք բոլորի ներուժին», – ասում է Մաթյոն։
Ահա և բացահայտեցինք Technamin-ի հաջողության գաղտնիքը՝ փոխվստահություն, ինքնակազմակերպվածություն ու հարուստ փորձ, որի մասին նաև պատմեց Head of People Operations Անի Ակիմյանը։
«Մենք առաջնահերթություն ենք տալիս թափանցիկությանը, մեր աշխատանքի հիմքում փոխվստահությունն է, մենք խրախուսում ենք ինքնակազմակերպումը։ Մեր թիմի յուրաքանչյուր անդամ լիարժեք հասկանում է իր կարողությունների սահմանները և ինքնուրույն լուծում է իր առջև դրված խնդիրները։ Մեր աշխատանքը միտված է արդյունքին, ու մենք թիմով հստակ հասկանում ենք մեր հաջողության ճանապարհը և ուր ենք մենք գնում։ Եվ, իհարկե, այս զարգացող ոլորտում մենք պետք է լինենք ստեղծարար ու ձգտենք ձեռքբերել նոր գիտելիքներ», – ընդգծում է Անին։
Դրական էներգիայով լեցուն, իր աշխատանքի մեջ գերազանց ու հումորով թիմը
Այցելել Technamin ու չնկատել թիմում միմյանց արժևորելու ու յուրաքանչյուրին կարևորելու առանձնահատկությունը անհնար կլիներ։ Ընկերությունում հստակ գիտակցում են, որ բոլոր հաջողությունների ետևում թիմն է, ինչին նպաստել է ճիշտ մարդկանց ընտրությունը։
«Մենք փորձել ենք և հաջողել ենք գտնել այնպիսի մարդկանց, ովքեր ունեն նույն մտածելակերպը և մոտեցումները աշխատանքի նկատմամբ, ինչ մենք։ Նման մոտեցումներից է այն, որ մենք գերազանցենք մեր ծրագրային լուծումներում, այսինքն՝ ստեղծենք այնպիսի լուծումներ և ծրագրեր, որոնք կօգնեն մեր հաճախորդներին հաջողել իրենց ամենօրյա և երկարաժամկետ բիզնես գործունեության մեջ», – ասում է ընկերության Head of Operations Կարէն Մուրատեանը։
Մասնագիտական հմտություններից զատ, Technamin-ում շատ են կարևորում նաև մարդկային արժեքները։ Տաղանդների ներգրավման մասնագետներ Անուշ Խաչատրյանը և Ալլա Համբարձումյանը պատմում են, թե ինչ հատկանիշներով է պետք օժտված լինել՝ Technamin-ի թիմը համալրելու համար։
«Technamin-ի թիմին միանալու համար մասնագիտական փորձից զատ, կարևորում ենք մի շարք այլ հմտություններ, հատկապես՝ զարգացած հուզական ինտելեկտը, աշխատանքային էթիկան, բազմազանությունը (diversity)», – ասում է Անուշը։
Իսկ Ալլան հավելում է․ «Կարևոր է նաև համագործակցությունը և աջակցությունը թիմում, և, իհարկե, դրական էներգիան ու հումորը, առանց որի չի լինի»։
Ինչո՞ւ Technamin
Գործատուի և թիմի միջև ջերմ հարաբերությունները փոխադարձ են, քանի որ ինչպես յուրաքանչյուր աշխատակից նպաստում է ընկերության աճին, այնպես էլ ընկերությունն իր հերթին մեծ ներդրում ունի իր յուրաքանչյուր աշխատակցի թե՛ մասնագիտական, թե՛ անձնական աճին։ Ու թեև այսքանից հետո պարզ է, թե ինչու է պետք միանալ Technamin-ի թիմին, մենք, այնուամենայնիվ, որոշեցինք տալ այդ հարցը «թեքնամինցիներին» և ստացանք պատասխաններ, որոնցով ամեն ինչ ասված է։
«Technamin, քանի որ այստեղ ունենք ստեղծագործական ազատություն»։
DevOps Engineer Միքայել Հովանյան
«Technamin-ում խրախուսվում են ինովացիոն գաղափարները»։
DevOps Team Lead Նարեկ Շաքարյան
«Թիմի անդամները միշտ աջակցում են միմյանց»։
Backend Developer Հրաչյա Տարոնյան
«Technamin-ում թե՛ սկսնակները, թե՛ փորձառուներն ունեն աճելու և զարգանալու մեծ հնարավորություններ»։
Frontend Developer Ներսես Ներսեսյան
«Technamin-ում դու ամեն օր դառնում ես ավելի լավը, քան երեկ էիր»։
Systems Engineer Մելս Թովմասյան
