Խոշոր ընկերությունը չի կարող երկար կյանք ունենալ առանց ամուր սկզբունքների և լավ ձևավորված մշակույթի, որի հիմքում աշխատակիցների բարօրությունն է և կայուն ապագան։ Աջարաբեթում գիտեն այդ մասին և ունեն թե՛ ամուր սկզբունքներ, թե՛ տարիներ շարունակ հղկված կորպորատիվ մշակույթ։ Այդ մասին է վկայում ընկերության հաջողված փորձը և մշտապես աճող թիմը։staff.am-ը պատմում է Աջարաբեթ -ի հիմնաքարային սկզբունքների, մշակույթի, աշխատակիցների համար ստեղծված պայմանների և բենեֆիթների մասին։
Սկզբունքներ և արժեքներ
Զարգացում
Աջարաբեթ մասնագետները գալիս են տարբեր պատճառներով, բայց հիմնականը Աջարաբեթի կարևորած արժեքներն են և տրամադրած առավելություններն ու միասին կառուցած աշխատանքային մթնոլորտը, որն անընդհատ կատարելագործվում է ամեն նոր աշխատակցի համալրմամբ։
Աշխատակիցների մասնագիտական աճն ու հմտությունների կատարելագործումը մշտական մոնիտորինգի տակ է։ Շատ աշխատակիցներ ընկերությունում արդեն ունեցել են պաշտոնի բարձրացման փորձը՝ շնորհիվ մասնագիտական առաջխաղացման ու հետևողական մշտադիտարկման։
Բացի այդ, Աջարաբեթն ըմբռնումով է մոտենում բոլոր աշխատակիցների թերությունների ու կատարած սխալների նկատմամբ՝ ապահովելով անհրաժեշտ աջակցությունն ու տալով աշխատանքի անթերի կատարման համար պետքական խորհուրդներ, ինչն աշխատակիցներին տալիս է այդքան կարևոր վստահությունն ապագայի նկատմամբ։
Amigoness կամ ընկերություն
Աջարաբեթի հիմնաքարային սկզբունքներից մեկն ընկերությունն է կամ, ինչպես իրենք են անվանում, Amigoness-ը։ Աշխատավայրում ընկերներ լինելու սկզբունքն էլ ավելի է մոտիվացնում աջաբեթցիներին ավելի բարձր արդյունքներ գրանցելու հարցում։ Այն թեթևացնում է գործը և միաժամանակ ավելի պարտավորեցնում՝ մասնագիտական բարձր հմտությունների ցուցադրումը։ Ընկերների հետ թիմն ավելի արագ ու արդյունավետ է աշխատում, նշում են ընկերությունից։
Այստեղ ղեկավար – աշխատակից հարաբերությունները ևս հիմնվում են բացառապես փոխադարձ հարգանքի, ընկերասիրության ու վստահության վրա։
Հավասարություն
Աջարաբեթը կարևորում է իր աշխատակիցների ինքնազարգացման ու կատարելագործման ճանապարհը, ստեղծում լայն մտահորիզոն ունեցող ու թիմային մտածելակերպով աշխատակիցների համար հարմարավետ միջավայր։ Աջարաբեթում հավասար են բոլորը, այստեղ գնահատվում է բոլորի կարծիքը։ Աջարաբեթի արժեքները դրված են ընկերության վարած քաղաքականության հիմքում ու հիմնաքարային են ընկերության զարգացման ու հաճախորդների հետ հաղորդակցության և համագործակցության գործում։
Իր աշխատակիցների մեջ Աջարաբեթը կարևորում է պատասխանատվությունը, լայն մտահորիզոն ունենալը, թիմում աշխատելու ունակությունը, ինքնազարգացման ու կատարելագործման հակումը, միմյանց օգնելու պատրաստակամությունը։
Բենեֆիթներ
Աջարաբեթն իր աշխատակիցներին առաջարկում է հետևյալ հիմնական բենեֆիթները․
- Բժշկական ապահովագրություն
- Թրեյնինգներ
- Բոնուսային համակարգ
- Նվերներ ծննդյան տարեդարձի, ամուսնության և երեխայի ծնվելու կապակցությամբ
- Հյուրընկալ թիմ
- Արկղից դուրս մտածելակերպ
- Տնից աշխատելու հնարավորություն
- Reebok Sports Club և Multi Wellness Center մարզասրահներում անդամակցության զեղչ աշխատակիցների համար
- Հատուկ առաջարկ Ծաղկաձորի Marriott Hotel-ի հետ համագործակցության շնորհիվ
- Հատուկ առաջարկ Converse Bank-ի հետ համագործակցության շնորհիվ
Հեռավար աշխատանքը՝ մտավոր կոմֆորտի գրավական
Ընկերությունը հնարավորություն է ընձեռում աշխատակիցներին աշխատել տնից և սկսել աշխատանքը ժամը 11։00-ից։ Այդպիսով ընկերությունն առաջին հերթին թույլ է տալիս, որ աշխատակիցներն աշխատեն իրենց համար ավելի հարմարավետ պայմաններում և կաշկանդված չլինեն որևէ արտաքին հանգամանքներով։ Տնից աշխատելն ավելի էֆեկտիվ է դարձնում աշխատանքը, քանի որ աշխատակիցները շահում են թե՛ ժամանակի մեջ, թե՛ իրենց մտավոր կոմֆորտի հարցում, նշում են ընկերությունից։ Թեև շատերն աշխատում են տնից, պարբերաբար կազմակերպվող աշխատանքային զանգերն ու առցանց հանդիպում – քննարկումներն ապահովում են անհրաժեշտ զգոնությունն ու կենտրոնացած ուշադրությունը։ Այս ամենի հետ մեկտեղ՝ Աջարաբեթը չի սահմանափակում աշխատակիցներին աշխատավայրն ընտրելու հարցում։ Աշխատակիցներն ազատ են նաև այցելելու ընկերության հարմարավետ գրասենյակ ցանկացած օր, եթե նպատակահարմար գտնեն։
Աջակցություն և մոտիվացիա
Ընկերությունն ամեն քայլափոխի աջակցում է իր աշխատակիցներին՝ օգնելով նրանց զարգանալ ու կատարելագործվել աշխատանքում, ինչպես նաև կայանալ որպես գիտելիքներով լի ու բարեխիղճ աշխատակից։ Աջարաբեթի կողմից տրամադրվող բենեֆիթներն ու մենեջերների հետևողական աշխատանքը, նրանց աջակցությունը աշխատանքը պատշաճ կերպով իրականացնելու հարցում մոտիվացնում են աշխատակիցներին՝ գրանցելու բարձր արդյունքներ ու տրամադրելու անթերի պրոդուկտ։ Աջարաբեթի ղեկավար թիմն անընդհատ հետևում է աշխատակիցների կատարած աշխատանքին՝ ապահովելով նրանց անհրաժեշտ աջակցությամբ ու խորհուրդներով։
