staffmedia.am մեդիա աղբյուրում շարունակաբար ձեզ հետ կկիսվենք արցախցիներին և հայրենիքին ուղղված կարևոր նախաձեռնություններով՝ նպաստելով իրազեկվածության բարձրացմանը։ Այժմ կկիսվենք ՈՄԱ-ի «Գմբեթ» կրակակետերի կառուցման նախագծի մասին։ Վստահ ենք, որ շատերդ արդեն տեղյակ եք այս նախաձեռնությանը։
Նպատակ ունենալով աջակցել նախագծի իրականացմանը մեր փոքր ներդրումով, staff.am թիմը պատրաստ է լիովին անվճար տրամադրել կարիերայի խորհրդատվություն և ծառայություններ այն անհատներին, որոնք գումար կփոխանցեն նախագծին։
Ծառայություններն են՝
📌 CV-ի խորհրդատվություն – 5.000 դր
📌 Ուղեկցող նամակի պատրաստում – 5.000 դր
📌 CV-ի պատրաստում 0-ից – 7.000 դր
📌 CV-ի և մոտիվացիոն նամակի պատրաստում 0-ից – 10.000 դր
📌 Աշխատանքի հարցազրույցի նախապատրաստում (1 ժամ) – 12.000 դր
Նշենք, որ, մինչ այս, չնայած բազմաթիվ հարցումներին, մեր ընկերությունը երբևիցե հանդես չի եկել նման ծառայությունների առաջարկով, հակառակը կիսվել է աշխատաշուկայի հետ տարբեր միջոցառումների և հանդիպումների ժամանակ լիովին անվճար։
Այս նախաձեռնության նպատակը մեկն է՝ աջակցել «Գմբեթ» կրակակետերի կառուցմանն ու, միաժամանակ, օգտակար լինել մեր հայրենակիցներին։
Նախագծին մասնակցության համար անհրաժեշտ է
- Գումարը փոխանցել ՈՄԱ-ին այս հղումով,
- Փոխանցված գումարի կտրոնը կցել ստորև ձևաթղթում և ուղարկել հայտը՝ լրացնելով համապատասխան տեղեկատվությունը։
Նշենք, որ կիրառելի է միայն 2023թ.-ի սեպտեմբերի 25-ից կատարված վճարումների համար։
Հետևեք staffmedia.am-ին բոլոր նախաձեռնություններին իրազեկ լինելու համար։
