Ֆիլիպ Մորրիս Արմենիան և PMI Science գիտահետազոտական կենտրոնը հայտարարել են INKOMPASS-2025 վարձատրվող փորձնակության ծրագրի մեկնարկի մասին։ Այն մասնակիցներին հնարավորություն կտա 6 ամիս շարունակ աշխատել ստեղծագործ, դինամիկ ու բազմամշակույթ միջավայրում իրական բիզնես նախագծերի վրա և ստանալ աջակցություն ու գիտելիքներ ոլորտի փորձագետների կողմից։
INKOMPASS փորձնակության ծրագրին կարող են դիմել վերջին երկու տարիների ուսանողներն ու վերջին 2 տարիների ընթացքում համալսարանն ավարտած մասնագետները, ովքեր լավ տիրապետում են անգլերեն լեզվին, սովորելու ցանկություն ունեն և կարող են իրենց դրսևորել որպես թիմի լիարժեք անդամներ։
Ինչպե՞ս դիմել
INKOMPASS փորձնակության ծրագրին մասնակցելու համար անհրաժեշտ է ներկայացնել դիմում և կատարել առցանց թեստը։ Թեստը հաջողությամբ կատարելու ու ներկայացվող պահանջներին համապատասխանելու դեպքում դիմորդները կհրավիրվեն հարցազրույցի, որտեղ կգնահատվեն հաղորդակցության հմտություններն ու խնդիրներին լուծում գտնելու ունակությունները։
Վարձատրվող փորձնակության ծրագրի մասնակիցներին ընտրելիս ընկերությունը հիմնվում է մասնակցի հետաքրքրության, մոտիվացիայի և աշխատանքային փորձ ձեռք բերելու ցանկության վրա:
Ծրագրի շրջանակներում դիմորդները հնարավորություն կստանան փորձնակությունն անցնել հետևյալ ուղղություններում՝
- Իրավաբանություն
- Մարքեթինգ
- Ֆինանսներ և հաշվապահություն
- Փորձարարական ինժեներիա
- Նորարարությունների կառավարում
- Նախագծերի կառավարում
- Պլանավորում և Նախագծեր
- Արհեստական բանականություն և մաթեմատիկա
- Տվյալագիտություն
- Տվյալների Վերլուծություն
- Տվյալների ինտեգրացիա
- Ստատիստիկ տվյալների վերլուծություն
INKOMPASS վարձատրվող փորձնակության ծրագիրը իրական միջավայր ու հնարավորություններ է ստեղծում մասնակիցների համար աշխատելու բիզնես նախագծերի վրա՝ ձեռք բերելով փորձ ու համապատասխան հմտություններ մասնագետների հետ համագործակցության արդյունքում։
Ծրագրին դիմելու համար՝
Ֆիլիպ Մորրիս Արմենիա ընկերության մասին
Ֆիլիպ Մորրիս Արմենիան իր ոլորտի առաջատար ընկերություններից է՝ հանդիսանալով միջազգային Ֆիլիպ Մորրիս Ինթերնեյշնլի դուստր ընկերություն: Հայաստանում 30-ից ավել տարվա գործունեության ընթացքում ՖՄԱ-ն հարստացրել է հայկական բիզնես մշակույթը թափանցիկ բիզնես քաղաքականությամբ, ներառական և հավասարակշռված աշխատանքային միջավայրով և հայ հասարակության մարտահրավերներին արձագանքելու հաջողված փորձով:
Ընկերությունն արժանացել է Լավագույն Գործատու 2025 հավաստագրին միջազգային «Top Employers Institute»-ի կողմից։ 2022 թվականին «Ֆիլիպ Մորրիս Արմենիան» դարձավ Հայաստանում առաջին և միակ ընկերությունը, որ ստացել է «Հավասար վարձատրության» միջազգային հավաստագիրը։ Ընդգծելով գործող մեխանիզմների արդյունավետությունը աշխատավայրում կանանց և տղամարդկանց համար հավասար պայմաններ ապահովելու և գենդերային հավասարակշռված միջավայր ստեղծելու առումով։ Ընկերությունը ձգտում է ստեղծել ներառական մշակույթ, որտեղ խրախուսվում են խնդիրների լուծման նորարարական մոտեցումները, իսկ գործընկերներն աջակցում են միմյանց:
Հարցերի դեպքում կարող եք զանգահարել 041 44 80 28 կամ 055 70 20 57
Դիմումների վերջնաժամկետ՝ 20.05.2025
