Վերջերս Բրիտանական խորհուրդը և staff.am-ը համագործակցության հուշագիր ստորագրեցին, որի շրջանակներում անհատներն այսուհետ կարող են գրանցվել Aptis անգլերենի թեսթին staff.am-ի միջոցով, իսկ հանձնելուց հետո նաև արտացոլել արդյունքները staff.am-ի իրենց օնլայն CV-ում:
Aptis-ի մասին առավել մանրամասնորեն ծանոթանալու համար, զրուցել ենք Բրիտանական խորհրդում քննությունների և բիզնեսի զարգացման պատասխանատու Ինեսսա Մուրադյանի և staff.am -ի Մարքեթինգի և հաղորդակցման ղեկավար Նազելի Բադալյանի հետ:
Ինեսսա, կասեք հակիրճ ի՞նչ է Aptis-ը:
Aptis-ն անգլերենի իմացության գնահատման մեխանիզմ է, որը մշակել է Բրիտանական խորհուրդը: Այն կազմելիս հաշվի է առնվել Բրիտանական խորհրդի՝ անգլերենի գնահատման ոլորտում ավելի քան 80 տարվա փորձը և աշխարհի 100-ից ավելի երկրներում կարիքների գնահատման և ուսումնասիրության արդյունքները:
Aptis անվանումը գալիս է apt անգլերեն բառից, որը նշանակում է ընդունակ/կարող: Այս թեսթը լրացնում է գործարար ոլորտում լեզվի հմտությունների գնահատման բացը և պահանջարկը:
Ինեսա, իսկ ի՞նչն է Aptis-ը դարձնում նպատակահարմար հենց գործարար ոլորտի համար:
Aptis-ն ունի մի շարք առավելություններ թե՛ կազմակերպությունների, և թե՛ աշխատանք փնտրողների համար:
Մեր գործընկեր կազմակերպություններն ամբողջ աշխարհում գնահատում են Aptis-ի հետևյալ առավելությունները՝
Արագությունը;
Մատչելիությունը;
Ժամանակի և աշխատանքի խնայողությունը;
Ճկունությունն ու հարմարեցումը կազմակերպության կարիքներին;
Կամզակերպության կողմից այն որպես սեփական գործիք օգտագործելու հնարավորությունը:
Գործարար աշխարհում իրենց հայտը ներկայացնելու, ինչպես նաև աշխատանքի տեղավորվելու նպատակով Aptis-ն անհատներին տալիս է հետևյալ հնարավորությունները՝
Միջազգային մակարդակով կազմակերպությունների կողմից ընդունվող վկայական;
Արդյունքների վստահելիություն;
Ժամանակակից տեխնոլոգիաներով և յուրահատուկ ֆորմատով թեստավորում;
Արագ հասանելի արդյունքներ;
Մատչելիություն;
Աշխատանք փնտրողների բազմության մեջ առանձնանալու հնարավորություն:
Նազելի, կներկայացնե՞ք համագործակցության մանրամասները staff.am-ի տեսանկյունից:
staff.am-ի միջոցով անհատները գրանցվում են Aptis -ի համար, իսկ արդեն թեսթավորման գործընթացը կազմակերպվում է Բրիտանական խորհրդի կողմից: Մասնավորապես.
- անհատն ուղղակի լրացնում է դիմումի օնլայն հայտը,
- մենք տվյալները փոխանցում ենք Բրիտանական խորհրդին,
- անհատը համապատասխան վճարումները կատարելուց հետո հանձնում է թեսթը և ըստ ընթացակարգի ստանում պատասխանները,
- ցանկության դեպքում, թեսթի արդյունքները մեր օգնությամբ անհատը կարող է արտացոլել staff.am-ում իր օնլայն CV-ում, ինչպես ներկայացված է ստորև:
Մենք՝ staff.am-ում շատ բարձր ենք գնահատում Բրիտանական խորհրդի հետ համագործակցությունը Aptis-ի շրջանակներում և հավատացած ենք, որ ծրագիրը կունենա երկարաժամկետ դրական ազդեցություն: Այս համագործակցությունը ևս մեկ քայլ է դեպի մեր առաքելության իրականացումը:
Aptis-ի մասին մանրամասներին կարող եք ծանոթանալ մեր կայքում՝ սեղմելով այստեղ:
Ցանկանու՞մ եք գրանցվել Aptis թեսթը հանձնելու համար, ապա սեղմեք այստեղ:
