Սեպտեմբերի 14-ին Հայաստանում տեղի ունեցավ Կովկասում առաջին AWS Community Day կոնֆերանսը, որը Amazon Web Services-ի պաշտոնական հովանավորության ներքո աշխարհի ավելի քան 50 (Ամերիկա, Եվրոպա, Մերձավոր Արևելք, Աֆրիկա, Ասիա, Խաղաղօվկիանոսյան և այլն) երկրներում կազմակերպվող միջազգային կոնֆերանսների շարք է։
AWS Community Day կոնֆերանսը ներառեց տեխնիկական քննարկումներ, սեմինարներ և գործնական լաբորատորիաներ, որոնք անցկացվում էին տեղական AWS փորձագետները, AWS Hero-ները, հրավիրված խոսնակները հենց AWS-ից և ոլորտի առաջնորդները՝ ամբողջ աշխարհից։
Միջոցառումը կազմակերպել էր AWS User Group Armenia-ն։ AWS UG Armenia-ն Amazon-ի ամպային տեխնոլոգիաների համայնքի կենտրոնն է, որը միավորում է ծրագրավորողներին, DevOps մասնագետներին, Product, Project Manager-ներին, ուսանողներին և ընդհանրապես ամպային տեխնոլոգիաներով բոլոր հետաքրքրվողներին։ Համայնքի նպատակն է խթանել գիտելիքների փոխանակումը, կազմակերպել դասընթացներ, հանդիպումներ, սեմինարներ և աշխատարաններ ամպային տեխնոլոգիաների մասին նոր հմտություններ ձեռք բերելու և փորձագիտական մոտեցումներով աջակցելու համար՝ օգտագործելով ոչ միայն տեղական ներուժը, այլև համաշխարհային փորձը։ AWS UG Armenia-ն ստեղծում է համագործակցության ու զարգացման միջավայր, որտեղ յուրաքանչյուրը կարող է սովորել, աճել և ստանալ աջակցության ու առաջնորդության հնարավորություններ։ AWS UG Armenia-ի միջոցառումների նկատմամբ հետաքրքրությունը միշտ շատ բարձր է, իսկ հատկապես Community Day-ի գրանցված մասնակիցների թիվը գերազանցեց 800-ը, և թիմը ստիպված եղավ դադարեցնել հայտերի ընդունումը։
Միջոցառմանը ելույթ ունեցան համայնքի անդամները, ինչպես նաև միջազգային փորձագետներ 8 երկրներից՝ Կանադայից, Գերմանիայից, Իսպանիայից, Ուզբեկստանից, Ղազախստանից և Վրաստանից: Թեմաները շատ տարբեր էին՝ անվտանգությունից մինչև արհեստական բանականություն։
AWS Community Day-ի ոգին ու շունչը կարող եք զգալ AWS UG Armenia-ի յութուբյան ալիքի ստորև տեղադրված տեսանյութով։
Իսկ ձեր մասնագիտական հետագա աճը մնացած հազարավոր անդամների հետ ապահովելու համար խորհուրդ ենք տալիս միանալ AWS UG Armenia-ի համայնքին այստեղ։
