Բանկային, վարկային և ապահովագրական ոլորտի ընկերություններ, որոնք առաջարկում են բենեֆիթների լայն փաթեթներ. ՄԱՍ 6

StaffBlog այս նախագծի նպատակն է լուսաբանել Հայաստանում գործող տեղական և միջազգային ընկերությունների կողմից իրենց աշխատակիցներին տրամադրվող բենեֆիթների և հնարավորությունների փաթեթները:

Այս թողարկման ընթացքում կներկայացնենք՝ արտոնությունների ինչ փաթեթներ են տրամադրում իրենց աշխատակիցներին Հայաստանում բանկային, վարկային և ապահովագրական ոլորտներում առաջատար  ԱյԴի Բանկ, Էվոկաբանկ, Ռոսգոսստրախ-Արմենիա, ՍԵՖ Ինտերնեյշնլ և Գուդկրեդիտ ընկերությունները։

ԱյԴի Բանկ ՓԲԸ հիմնադրվել է 1990թ. որպես «Անելիք» փայատիրական առևտրային բանկ, իսկ 1996թ. սկսել գործել որպես «Անելիք Բանկ» ՍՊԸ: Բանկի բաժնետերերի 22.12.2017թ. Արտահերթ Ընդհանուր Ժողովի որոշմամբ «Անելիք Բանկ» ՓԲԸ-ն վերանվանվել է «ԱյԴի Բանկ» ՓԲԸ-ի, և ս.թ. հունիսի 4-ից ներկայանում է հանրությանը նոր ֆիրմային անունով:

Մեր նպատակներից է լինել լավագույն Գործատու՝ որպես լավագույն նորարար Բանկ:

Բանկի 5 արժեքներից մեկն է թիմային լինելը։ Մենք կարևորում ենք մեր աշխատակիցների միջև ներդաշնակ համագործակցությունը՝ հանուն ընդհանուր արդյունքի: Որպես լավագույն գործատու՝ Բանկը հատուկ ուշադրություն է դարձնում աշխատակիցների գոհունակությանն ու բարձր մոտիվացիային։

«ԱյԴի Բանկ»-ի աշխատակիցների համար գործում են մի շարք առավելություններ և արտոնություններ`

Կարիերայի աճի լայն հնարավորություն,

Բանկը մշտապես բաց է նորավարտ ուսանողների հետ համագործակցությանը և խրախուսում է մի շարք հաստիքներում սկսնակ մասնագետների ներգրավումը,

Առողջ գործնական միջավայր, նշենք հաճախորդների սպասարկում չիրականացնող աշխատակիցների համար գործարար ոճի հագուստի պարտադիր պահանջը մեզ մոտ բացակայում է,

Զարգացում և մասնագիտական աճ, մասնավորապես, կրթության, մասնագիտական միջազգային որակավորումների ձեռքբերման, տարբեր վերապատրաստման ծրագրերի մասնակցության դեպքում ծախսերի լրիվ կամ մասնակի փոխհատուցում ինչպես Հայաստանում, այնպես էլ արտերկրում,

Մրցունակ վարձատրություն,

Գործուղումներ ՀՀ տարածքում և արտերկրում,

Ճկուն նյութական/ոչ նյութական խրախուսման համակարգ՝ ամսական, եռամսյակային, տարեկան,

Գլխամասային գրասենյակում ինքնարժեքով գործող և շատ համեղ ճաշարան,

Արտոնյալ պայմաններ Բանկի կողմից մատուցվող ծառայությունների և պրոդուկտների համար,

Հավելյալ արձակուրդային օրեր և պարգևատրումներ աշխատակցի ամուսնության, երեխայի ծննդյան կապակցությամբ,

Հավելյալ արձակուրդային օրեր և նյութական աջակցություն աշխատակցի, աշխատակցի հարազատի հիվանդության, մահվան դեպքում,

Հավելյալ հանգստյան օրեր /day off/,

Բժշկական ապահովագրություն, որը ներառում է ծառայությունների լայն շրջանակ,

Համագործակցություն մի շարք սպորտային ակումբների հետ,

Զեղչեր և արտոնություններ Բանկի հետ համագործակցող մի շարք ընկերություններում,

Թիմային և ժամանցային մի շարք միջոցառումներ,

Բանկի աշխատակիցների երեխաների համար հունիսմեկյան, ամանորյա միջոցառումների կազմակերպում,

Մասնակցություն սպորտային մրցաշարերին։

Հաշվի առնելով, որ աշխատակիցները հանդիսանում են Բանկի համար ամենամեծ ակտիվը, Բանկը բարձր է գնահատում աշխատակիցների կարծիքն ու ստեղծագործական գաղափարները, որոնք կարող են նպաստել Բանկի զարգացմանն ու առաջխաղացմանը։

Միանալով «ԱյԴի Բանկ»-ին՝ դուք կաշխատեք նորարար թիմային միջավայրում՝ ունենալով հիանալի հնարավորություն աճի և զարգացման համար։

Հետևել

Էվոկաբանկը արագ, պարզ և նորարար ծառայություններ մատուցող բանկ է, որն առանձնանում է տեղեկատվական նորագույն տեխնոլոգիաների ակտիվ կիրառմամբ: Բանկը հատուկ ուշադրություն է դարձնում մոբայլ ծառայությունների զարգացմանը: Աշխատում է mobile-first ֆորմատով՝ յուրաքանչյուր նոր ծառայություն նախագծելիս՝ նախ և առաջ հաշվի առնելով դրա՝ հավելվածով օգտագործման հարմարավետությունը: Աշխարհը թվային է դառնում, և Էվոկաբանկը պատրաստ է դրան:

Բանկն իր աշխատակիցներին առաջարկում է հետևյալ բենեֆիթները՝

Նորարարական ծրագրերով և ժամանակակից տեխնոլոգիաներով հագեցած միջավայր,

Հավելավճարներ ծննդյան ամյակներին, երեխա ունենալու և ամուսնանալու դեպքերում,

Առողջության ապահովագրություն,

Աշխատակցի վարկավորման և այլ բանկային ծառայություններից օգտվելու արտոնյալ պայմաններ, ապահովագրական ծառայությունների զեղչեր,

Բարձր կատարողականության, տոնական և տարեվերջյան բոնուսներ և պարգևատրումներ,

Մասնագիտական դասընթացների անցկացում, անձնային զարգացման և կարիերայի աճի հնարավորություններ,

Միջազգային թրեյնինգների անցկացում Բանկում,

Միջազգային կոնֆերանսների մասնակցություն և գործուղումներ արտերկիր,

Կորպորատիվ սոցիալական պատասխանատվության և մշակութային միջոցառումներին մասնակցություն,

Ազատ dress code ուրբաթ օրերին,

Թիմբիլդինգ եւ կորպորատիվ միջոցառումներ:

Հետևել

Ռոսգոսստրախ-Արմենիան Հայաստանի խոշորագույն ապահովագրական ընկերությունն է, որը ֆիզիկական և իրավաբանական անձանց տրամադրում է զանազան ապահովագրական ծառայություններ բազմաթիվ տեսակի ռիսկերից պաշտպանելու նպատակով:

ՌՈՍԳՈՍՍՏՐԱԽ ԱՐՄԵՆԻԱ ապահովագրական փակ բաժնետիրական ընկերությունը հիմնադրվել է 2008 թ.: Ընկերությունը մտնում է ՌՈՍԳՈՍՍՏՐԱԽ Ընկերությունների Խմբի (Ռուսաստան) մեջ:

Ընկերության առաքելությունն է ստեղծել քաղաքակիրթ ապահովագրական շուկա Հայաստանում:

Ընկերությունում աշխատում է 370 հաստիքային աշխատակից, մոտ 1800 ապահովագրական գործակալներ: Նրանցից շատերը Հայաստանի ապահովագրական շուկայի լավագույն մասնագետներից են: Ընկերությունը տրամադրում է լայն արտոնություններ իր աշխատակիցներին՝

Բժշկական ապահովագրություն փորձաշրջանից հետո,

Մինչև 30% զեղչով Ընկերության պրոդուկտներից օգտվելու հնարավորություն /աշխատակիցների և ընտանիքի անդամների համար/

24 /20 + 4 լրացուցիչ / աշխատանքային օր ամենամյա արձակուրդ,

Վճարվող Day off-եր՝ եռամսյակի ընթացքում մինչև 3 օր,

Ճկուն աշխատանքային գրաֆիկ,

Կորպորատիվ սակագներով մարզասրահներից օգտվելու հնարավորություն,

Կորպորատիվ սակագներով բանկային և հեռահաղորդակցության ծառայություններից օգտվելու հնարավորություն,

Ֆինանսական աջակցություն աշխատակիցների ամուսնության, երեխաների ծննդյան և այլնի կապակցությամբ,

Կորպորատիվ ուսուցման համակարգ,

Մասնագիտական թրեյնինգներին մասնակցելու հնարավորություն,

Մասնագիտական ուսուցման և որակավորման քննությունների հատուցման հնարավորություն։

Հետևել

ՍԵՖ Ինտերնեյշնլ ՈՒՎԿ ՍՊԸ-ն /ՍԵՖ/ հիմնադրվել է 1998թ. Վորլդ Վիժն միջազգային քրիստոնեական բարեգործական կազմակերպության կողմից: 2003 թ-ին ՍԵՖ Ինտերնեյշնլը ՀՀ Կենտրոնական Բանկի կողմից հավատարմագրվեց որպես ունիվերսալ վարկային կազմակերպություն: ՍԵՖ-ի միակ սեփականատերը Վիժն Ֆանդ Ինտերնեյշնլն է` Վորլդ Վիժն Միջազգային Բարեգործական Ընկերության միկրոֆինանսական մասնագիտացված կառույցը: ՍԵՖ-ը սոցիալապես պատասխանատու կազմակերպություն է: Այն մշակել է գործառնական թիրախներ, որոնք նպատակաուղղված են սոցիալական խնդիրները լուծելու, ֆինանսական կայունության և ռիսկերի նվազեցման:

Այժմ կազմակերպությունն ունի 22 մասնաճյուղ Հայաստանի բոլոր մարզերում: Յուրաքանչյուր ոք, միանալով ՍԵՖ-ի թիմին, դառնում է մասնագիտացված, հաջողակ և կայուն մի ընտանիքի անդամ, որտեղ յուրաքանչյուրն իրեն զգում է լիարժեք ու արժեքավոր:

Մենք հպարտ ենք, որ մեր հետ համագործակցությունը կարող է ընձեռել հնարավորությունների լայն շրջանակ յուրաքանչյուրին: Մենք գնահատում և կարևորում ենք յուրաքանչյուր անհատի ստեղծագործ միտքն ու աշխատանքը և առաջարկում ենք արտոնությունների և առավելությունների լայն փաթեթ մեր աշխատակիցների համար:

Առողջության ապահովագրության լայն փաթեթ,

Վճարվող ազատ օրեր (Days off),

Ֆինանսական աջակցություն (Երեխայի ծնունդ, Հարազատի մահ),

Աշխատակիցների ամենամյա գնահատման համակարգ, որի ընթացքում վերանայվում է յուրաքանչյուր աշխատակցի պաշտոնի և աշխատավարձի համապատասխանելիությունը,

Կարիերայի զարգացման և աճի հնարավորություններ,

Դասընթացների մասնակցություն՝ մասնագիտական աճի և զարգացման համար,

Թիմային համախմբման ծրագրեր և կորպորատիվ միջոցառումներ,

Բոնուսային համակարգ,

Նվերներ աշխատակիցների երեխաներին՝ առաջին դասարան գնալու կապակցությամբ, ինչպես նաև Ամանորի կապակցությամբ:

Հետևել

Գուդկրեդիտ Ունիվերսալ Վարկային Կազմակերպություն ՓԲԸ-ն փաստացիորեն նոր ձևավորված ձեռնարկություն է: Ընկերությունը Ավանգարդ Ինվեստ ՈՒՎԿ ՓԲԸ-ի իրավահաջորդն է, որը գրանցվել և լիցենզավորվել է Հայաստանի Հանրապետության Կենտրոնական Բանկի Խորհրդի կողմից 2007 թվականին: Ընկերությունն իր ակտիվ գործունեությունը վերսկսել է 2012թ․ հունվարին, և վերանվանվել է «ԳՈՒԴԿՐԵԴԻՏ» ՈՒՎԿ ՓԲԸ:

Կազմակերպությունը տրամադրում է հետևյալ արտոնությունները՝

Բժշկական ապահովագրություն,

Մարզասրահի տարեկան բաժանորդագրում,

Ամսական մեկ անգամ մրգի և թխվածքաբլիթների հյուրասիրություն,

Կորպորատիվ միջոցառումներ (տարեկան 2 անգամ)։

Հետևել

<<Հայաստանյան ընկերությունների կողմից տրամադրվող բենեֆիթների փաթեթները>> StaffBlog նախագծի առաջին 5 թողարկումներում հրապարակել ենք ավելի քան 30 առաջատար ընկերությունների արտոնությունների և առավելությունների փաթեթները, որոնց կարող եք ծանոթանալ ստորև։

Ծանոթանալ նախորդ թողարկումներին