Brainstorm Technologies՝ ՏՏ ընկերություն, որտեղ համատեղված են գիտելիքը, ստեղծարարությունը և կատարյալի ձգտումը

2764

Հայաստանյան ՏՏ աշխարհը արագ զարգացող և օրեցօր աճող ու մեծացող կարևորագույն ոլորտ է, որն ինչպես մեծ ճանաչելիթյուն է բերում երկրին, այնպես էլ ահռելի աճի հնարավորություններ ընձեռում՝ թե՛ սկսնակ, և թե՛ արդեն փորձ ունեցող մասնագետներին համար:Չորս տարի առաջ համահիմնադիրներ Վիլեն Բեժանյանի և ամերիկացի Զաքարի Միլքմանի ջանքերով ստեղծվեց Brainstorm Technologies ծրագրավոմարման ու վեբ դիզայնի ընկերությունը, որը կարճ ժամանակահատվածում հասցրեց հավաքել փորձառու մասնագետներով թիմ և օգնեց հարյուրավոր բիզնեսների ունենալ գեղեցիկ և տեխնիկապես գերազանց վիճակում գտնվող կայքեր ու հավելվածներ: 

Ռազմավարությունը և տեսլականը

«Ունենալով ավելի քան 30 աշխատակից՝ մեր ընկերությունն անընդհատ աճում է և համալրվում է նոր փայլուն կադրերով։ Մեր կայքի careers էջում միշտ նոր աշխատանքի հայտարարություն կարող եք տեսնել: Մենք աշխատում ենք React JS, Node JS, WordPress, IOS ծրագրավորողների, QA, SEO , PM, UI/UX Designer և Graphic Designer-ների հետ՝ որպեսզի կարողանանք լիովին ապահովել յուրաքանչյուր նոր կայքի ամբողջական գերազանց աշխատանքը», – ասում է ընկերության համահիմնադիր Վիլեն Բեժանյանը:

Բրեինսթորմում յուրաքանչյուր նոր նախագծին մոտենում են անհատական ձևով՝ մշակվում է գործողությունների ծրագիրը, թիմն ամենօրյա պարբերականությամբ ունենում է մասնագիտական քննարկումներ տվյալ կայքի/հավելվածի կառուցման, դիզայնի, ծրագրավորման և առաջխաղացման շուրջ:

«Մենք առաջնորդվում ենք լավագույն արդյունք ստանալու թիմային գաղափարով, ինչն էլ, կարծում եմ, մեր ընկերության հաջողության բանաձևն է: Մեր մասնագետները ոչ թե կառուցում են հավելվածներ և կայքեր, այլ կառուցում են ձեր հաջողակ բիզնեսը», – ասում է ընկերության HR մասնագետ Արևիկ Գրիգորյանը:

Brainstorm

Բրեյնսթորմի համահիմնադիր Զաք Միլքմանն էլ նշում է․ «Մեր թիմի համար աշխատանքային փուլերի ամենասիրելի պահերից մեկն է հենց brainstorming-ը, այսինքն, այսպես կոչված, «մտագրոհը», երբ ծնվում են լավագույն գաղափարները և արդյունքում մենք ունենում ենք հստակ բիզնես նկարագիրը:

Մեր ընկերությունը մեր աշխատակիցներն են, և հենց իրենց իսկ նվիրված ու համակարգված ջանքերի շնորհիվ էլ մենք ունենում ենք նոր հաճախորդներ, իսկ նախկինները կրկին և կրկին մեզ հետ համագործակցելու ցանկություն են ունենում»։ 

«Իհարկե, կազմակերպություն տնօրինելը, տարբեր մարդկանց հետ աշխատելը հեշտ չէ, բայց հավատացեք՝ յուրաքանչյուր նախագծի launch-ից հետո այնքան դրական զգացողություններ ենք ունենում ողջ թիմով, և անձամբ ես ինքս, որ այդ բոլոր անհանգստություններն ու բարդույթներն անցնում են», – հավելում է Միլքմանը:

Brainstorm

«Երբ նոր էինք սկսում, անգամ պատկերացնել չէինք կարող, որ մեր մեջ այդքան պատասխանատու, գործին նվիրված և անսահման գիտելիքներով օժտված մասնագետներ կան: Իհարկե, յուրաքանճչյուր աշխատանքում կան բարդ պահեր, դժվար աշխատանքային իրավիճակներ, բայց երբ թիմդ մի գաղափարի շուրջ միավորված է, ամեն բան արագ լուծվում է», – նշում է Վիլեն Բեժանյանը:

Մեր նպատակներն ու նորությունները

Ընկերության գրասենյակն արդեն երկրորդ ամիսն է՝ տեղափոխվել է նոր, ավելի մեծ և հարմրավետ տարածք, քանի որ անձնակազմն անընդհատ մեծանում է, իսկ տնօրինությունն իր աշխատակիցների՝ հարմարավետ պայմաններում աշխատելն առաջնահերթություն է համարում: 

Բրեյնսթորմի մեծ առավելությունն այն է, որ այստեղ իսկապես յուրաքանչյուր աշխատակցի կարծիքը, մտահոգություններն ու առաջարկները գտնում են իրենց ճիշտ հասցեատիրոջը և անպատասխան չեն մնում: 

«Մենք աշխատում ենք շատ տարբեր նախագծերի վրա՝ սկսած e-commerce կայքերից, վերջացած իրավաբանական ընկերությունների կայքերով: Մեր տեսլականը բոլորի համար մեկն  է՝ ոլորտի ուսումնասիրություն, ռազմավարության մշակում, տվյալ նածագծի համար թիմի ձևավորում, աշխատանք և լավագույն արդյունքի նվաճում», – ասում է ընկերության Project Manager Աստղիկ Ծատուրյանը: 

Ընկերությունը նաև առաջարկում է թվային մարքեթինգի ծառայություններ։ 

«Մեր կոնտենտ և SEO թիմն աշխատել և ներկայումս աշխատում է բազմաթիվ կայքերի՝ Google-ում և այլ որոնողական համակարգերում առաջխաղացման վրա:

Յուրաքանչյուր կայքի համար կատարվում են տեխնիկական, կոնտենտային և ռազմավարության մշակման աշխատանքներ, որպեսզի կայքը մեծ հասանելիություն ունենա բոլոր օգտատերերի կողմից: Այսինքն՝ մենք փորձում ենք անել ամեն ինչ, որպեսզի զրոյից կառուցված կայքը նաև հաջող բիզնես նախագիծ դառնա», – նշում է ընկերության թվային մարքեթինգի բաժնի պատասխանատու Աննա Զիլֆուղարյանը:

Ընկերությունը նաև բազմաթիվ սեփական պրոդուկտներ ունի, ինչպես նաև՝ որոշ գործընկերների նախագծերում մասնաբաժիններ:

«Մեր բոլոր պրոդուկտներն օգտատերերի համար դրական ազդեցություն ունեցող, կյանքի որակը բարելավող ծառայությունների և ապրանքների կայքեր ու հավելվածներ են: Մենք նաև ներկայումս աշխատում ենք շատ կարևոր և Հայաստանյան շուկայում, կարելի է ասել, բացառիկ հարթակի ստեղծման վրա։ Կարծում եմ՝ մի քանի ամիս անց կներկայացնենք այն օգտատերերին և ևս մեկ կատարած գործով կփորձենք մարդկանց կյանքը բարելավել ու խնայել իրենց ժամանակը», – պատմում է Բրեյնսթորմի CTO Տարոն Պետրոսյանը: 

Powered by staff.am.