Երեկ նոյեմբերի 14-ին տեղի ունեցավ #LOFT-ի և BSC Business Support Center-ի համատեղ #ԲիզնեսԱկումբ-ի շրջանակում՝ «Business Networking. Ինչպե՞ս ձեռք բերել օգտակար կոնտակտներ ցանկացած բիզնես միջոցառմանը» հետաքրքիր հանդիպումը:
Հանդիպման առաջին մասում #BSC-ի հիմնադիր-տնօրեն Սամվել Գևորգյանը ներկայացրեց օգտակար գործիքներ ու տեխնիկաներ արդյունավետ #networking իրականացնելու համար, որը կներառի՝
• Ինչու՞ networking. որո՞նք են կարևորագույն առավելությունները
• Ինչպե՞ ս դարձնել ցանկացած բիզնես միջոցառում արդյունվետ
• Ինչպե՞ ս բարելավել networking-ի հմտությունները
• Ինչպե՞ ս հաստատել բիզնես հարաբերություններ
• Որո՞ նք են արդյունավետ բիզնես Networking-ի հիմնական մեթոդներն ու գործիքներ
Միջոցառման հյուրն էր նաև staff.am-ի համահիմնադիր Լուիզա Ավետիսյանը, ով ներկայացրեց Networking-ի իր խորհուրդները։ Որոնցով սիրով կիսվում ենք նաև Ձեզ հետ։
Networking—ը մարդկանց մասին է առաջին հերթին, որը նշանակում է, որ բոլոր ընդհանուր կանոնները, որոնք գործում են ցանկացած մարդկային շփման կոնտքեստում, կիրառելի են նաև այստեղ։
1. Կատարիր տնային աշխատանքդ
Ինչքան էլ աշակերտական սա չթվա, բայց ճշմարտություն է։ Այսօր սոց․մեդիան մեզ լրարժեք հնարավորություն է տալիս ուսումնասիրել մարդկանց նախասիրությունները, հետաքրքրություններն ու այն թեմաները, որոնցով նրանք տարված են։ Սա կօգնի Ձեզ որևէ միջոցառման ժամանակ ավելի տեղեկացված զրույցի և քննարկման բռնվել ցանկալի կոնտակտի հետ։
2. Տուր մինչև ստանալը
Շատ հաճախ մենք քաջ գիտակցում ենք թե ինչ ենք ցանկանում կոնկրետ հանդիպումից կամ անհատից, և չափից շատ ենք սևեռվում մեր ցանկությունների վրա։ Փորձեք հասկանալ թե ինչով կարող եք ինքներդ օգտակար լինել, ինչ կարող եք առաջարկել ինքներդ։ Օրինակ հանդիպման գնալիս, եթե իհարկե հանգամանքները թույլ են տալիս, անպայման ինչ-որ փոքրիկ բան վերցրեք Ձեզ հետ, կոնֆետ կամ Ձեր ընկերության լոգոտիպով պռոմո իրեր (բաժակներ, գլխարկ, և այլն)։
3. Գտեք ազդեցիկ մարդկանց ովքեր Ձեզ կծանոթացնեն
Մի փոքր ուսումնասիրելով այն մարդուն, որի հետ ցանկանում եք ծանոթանալ, հավանական է որ կգտնեք ընդհանուր ծանոթներ, ովքեր պատրաստ կլինեն ծանոթացնել Ձեզ։ Անպայման տեղեկացրեք Ձեր ծանոթներին, թե ինչի համար է Ձեզ այդքան անհրաժեշտ այդ հանդիպումը, և ունեցեք նրանց buy-in ասվածը։ Այս կերպ, հավատացած եղեք, որ կխնայեք ինչպես ժամանակ այնպես էլ էներգիա ցանկալի նպատակին հասնելու համար։
4. Բիզնես քարտեր – դրանք պետք է ճիշտ օգտագործել
Հաճախ որևէ միջոցառման մասնակցելուց և մեծաքանակ բիզնես քարտեր բաժանելուց հետո, հայտնվում ենք spam նամակների տեղատարափի տակ, իսկ դա բնականաբար բացասաբար է ազդում տվյալ կազմակերպության հեղինակության վրա։ Դրա փոխարեն փորձեք այս հնարքը՝ բիզնես քարտը վերցնելիս, նշում կատարեք թե ինչ թեմայի շուրջ եք զրուցել բիզնես քարտի տիրոջ հետ, ապա որոշ ժամանակ անց, նամակ գրեք կամ զանգահարեք և հիշեցրեք այդ մասին։ Այս միջոցը կօգնի Ձեզ ավելի թիրախավորված մոտեցում ցուցաբերել նեթվորքինգին ուղղված Ձեր ջանքերին։
5. Երբեք մի դադարեք շփվել
Շատ հաճախ մարդիկ իրենց նպատակին հասնելուց և որևէ խնդիր բիզնես կապի միջոցով լուծելուց հետո, այլևս մոռանում են անհատի կամ անհատների գոյության մասին։ Սխալ մոտեցում է քանի որ նման կերպ նեթվորք, այսինքն ցանց ստեղծել հնարավոր չէ։ Նույնիսկ, եթե այս պահին կարծում եք որ այլևս տվյալ մարդկանց հետ շփման առիթ և կարիք չեք ունենալու, պետք չէ այսպես ասած այրել կամուրջները։ Երբեք չես իմանա, թե հաջորդ քայլին ում կարիքը կունենաք։ Ժամանակ առ ժամանա կապի որևէ միջոցով տեղեկացեք տվյալ անհատի որպիսիության և գործերի մասին, այսպես ասած եղեք նրա տեսադաշտում։
6. Շփվեք տարբեր մարդկանց հետ
Հավաստիացեք, որ դուք շրջապատված եք տարբեր պրոֆիլ և այսպես ասած background ունեցող մարդկանց հետ։ Աշխատեք լայնացնել շրջանակները ընդգրկելով տարբեր մասնագիտություններ, մասնագիտական փորձ և ազդեցության մակարդակ ունեցող մարդկանցով։ Սա շատ օգտակար է բիզնեսի զարգացման համար, նամանավանդ երբ հաճախորդներդ տարբեր ոլորտներից են։
7. Շեշտը դրեք բարեկամության այլ ոչ թե ուղղակի բիզնես կապի ստեղծման վրա
Իհարկե բարեկամական այսինքն ավելին քան ուղղակի բիզնես կապ, հաստատել ոչ բոլորի հետ կստացվի, բայց անպայման ձգտեք դրան։ Գտեք մարդկանց, ովքեր կիսում են նույն գաղափարները Ձեզ հետ, և նույն տեսանկյունն ունեն սկզբունքային հարցերի շուրջ։ Բարեկամությունը նեթվորքինգի հաջորդ փուլն է։ Ձգտեք դրան ի սկզբանե։
Հուսով ենք, որ ներկայացված խորհուրդները Ձեզ կօգնեն առավել արդյունավետ networking-ում։ Իսկ պրեզենտացիայի լիարժեք live տարբերակը կարող եք դիտել այստեղ։
