Հունիսի 14-ին Արարատ գոլֆի ակումբում տեղի է ունենալու Targeting ընկերության Business YereFun ոչ ստանդարտ բիզնես նեթվորքինգ միջոցառումը, որն իր հարկի ներքո է համախմբելու բիզնես սեփականատերերի, տնօրենների և տարբեր ոլորտների թոփ մենեջերների՝ խթանելու բիզնես համագործակցության և արդյունավետ նեթվորքինգի զարգացմանը։
staffmedia.am-ը հանդիսանում է Business YereFun-ի գործընկերը։
Միացի՛ր և նեթվորքի՛ր գոլֆ խաղալիս
Altezza By Armenian Helicopters-ում ապրիլի 6-ին տեղի ունեցած Linkedin Local Yerevan-ի գրանցած հաջողություններից հետո Targeting ընկերությունը նախաձեռնել է նոր բիզնես նեթվորքինգային միջոցառում, որն իր ոճով և բովանդակությամբ լինելու է անմիջական, բայց շատ գործնական։
Այս միջոցառումը կանաչ դաշտ է ապահովելու գործարարներին համագործակցության և արդյունավետ նեթվորքինգի ընդլայնման, իրենց կապերը ամրապնդելու և առկա հնարավորություններից օգտվելու համար։
Ովքե՞ր են ելույթ ունենալու YereFun միջոցառման ընթացքում
Business YereFun միջոցառմանը ելույթ են ունենալու բիզնես ոլորտում հաջողած մասնագետներ և ներկայացնելու են բիզնես տրանսֆորմացիայի հիշարժան քեյսեր՝ ընդգծելով բիզնեսի հետևյալ հիմնական գործառույթները․
✅ օպերացիոն մենեջմենթ,
✅ մարքեթինգ,
✅ ֆինանսներ,
✅ մարդկային ռեսուրսներ,
✅ վաճառք:
YereFun-ի ընձեռած հնարավորությունները
Հավատրիմ մնալով Linkedin Local Yerevan-ի գաղափարախոսությանը՝ Targeting-ի թիմը ևս մեկ անգամ հնարավորություն է ապահովում օգտակար կապեր ստեղծելու և նեթվորքինգից առավելագույնը քաղելու նպատակով։
Ի դեպ, Business YereFun նեթվորքինգ միջոցառման հասույթի 10 տոկոսը ևս ուղղվելու է երկու սոցիալական ծրագրերի աջակցմանը՝ «Ապրիլ նախաձեռնություն» և «Առաջին օգնության դասընթաց ու դեղատուփ Սյունիքի մարզի սահմանային ընտանիքներին»:
Միջոցառումը գոլֆի շուրջ արդյունավետ և անակնկալներով լի երեկո է ապահովելու գործարար համայնքին։ Կարող եք ամրագրել ձեր տոմսը՝ անցնելով հետևյալ հղումով։
Ինչպե՞ս միանալ միջոցառմանը
Հետևե՛ք Linkedin Local Yerevan-ի սոցիալական մեդիային՝ միջոցառման հետագա մանրամասներին տեղեկանալու համար կամ զանգահարեք հետևյալ հեռախոսահամարով՝ +3749033321։
