Ի՞ՆՉ Է CLUBHOUSE-Ը
Նախքան ներկայացնելը, թե Clubhouse-ն ինչ նոր հնարավորություններ կտրամադրի ռեքրութերներին, եկեք ծանոթանանք առհասարակ, թե ինչ է Clubhouse-ը, որն այսօր շատերիս ուշադրությունն է գրավել: Եթե ծանոթ չեք Clubhouse-ին, այն ձայնի վրա հիմնված սոց. մեդիա հավելված է։ Ներկայումս հավելվածը համարվում է բավականին յուրօրինակ, քանի որ օգտատերերը կարող են միանալ հարթակին միայն ընկերների հրավերով։ Այն նաև հասանելի է միայն iOS հեռախոսներով և ստարթափը վերջերս հայտարարել է, որ իրենք սկսելու են աշխատել Android տարբերակի վրա։ Սիլիկոնյան հովտում նոր մանիա դարձած Clubhouse-ից օգտվում են ամենաազդեցիկ մարդկանցից՝ Իլոն Մասկը, Մարկ Ցուկերբերգը, Բիլ Գեյթսը, Քևին Հարթը։
Այսպիսով, ինչպե՞ս է սոցիալական մեդիայի այս նոր ձևաչափն աշխատում։ Clubhouse-ն ունի “clubs” և “rooms”: Յուրաքանչյուրը կարող է բացել “room”, սակայն “club”-եր կարող են բացել այն օգտատերերը, ովքեր ակտիվորեն ներգրավված են քննարկումներում։ Հնարավոր է միանալ այն room-երին, որտեղ կան խոսնակներ և լսարան։ Ունկնդիրը կարող է «ձեռք բարձրացնել» “stage” (քննարկման հարթակ) բարձրանալու հրավեր ստանալու համար, որպեսզի հնարավորություն ունենա հարցեր տալու, իր ներդրումն ունենալու քննարկման մեջ կամ ուղղակի շփվելու խոսնակների հետ։
Այսօր Clubhouse-ի օգտագործման հիմնական նպատակներից մեկը կոնֆերանսների համար հեշտորեն վիրտուալ տարածքներ (rooms) ստեղծելն է։ Հավելվածի մի քանի առավելություններից են՝
➡ Շատ պարզ ինտերֆեյսը, որը հեշտացնում է վարողների համար room կառավարելը,
➡ Տարբեր ոլորտների ամենաազդեցիկ մարդկանց հետ ազատորեն շփվելու հնարավորությունը,
➡ Room-երի տեսանելիությունն անձնական էջերից,
➡ Հետաքրքիր քննարկումներին միանալու և մասնակցելու հնարավորությունը,
Նմանատիպ, ձայնի վրա հիմնված, ինտերակտիվ հարթակը չլսված և չտեսնված մտահաղացում չէ․ պարզապես Clubhouse-ը գուցե ամենալավն է։ Նմանատիպ այլ հավելվածներում, ինչպիսին է Discord-ը, տեսանելիությունը սահմանափակ է։ Clubhouse-ի էջի նման պարզ էջ ոչ մի հարթակ դեռևս չի առաջարկել, room-երը հեշտ է վարելը, ունեն լավ նկարագրություն և խոսակցությունները միայն չեն ծավալվում ընկերների շրջանակում։ Clubhouse-ի հասանելիությունը նույնպես բավականին լայն է։
ԿԱՐՈ՞Ղ Է CLUBHOUSE-Ը ԼԻՆԵԼ ՀԱՋՈՐԴ ԱՄԵՆԱԼԱՎ ԳՈՐԾԻՔԸ ՀԱՎԱՔԱԳՐՄԱՆ ՀԱՄԱՐ
Քանի որ հավելվածը ճանաչելիություն է ձեռք բերում ու ավելի շատ մարդիկ են հրավերներով մուտք գործում, յուրաքանչյուրի մոտ հարց է առաջանում՝ ինչպե՞ս օգտագործել Clubhouse-ը աշխատանքի կոնկրետ ոլորտում։ Ընդհանուր առմամբ, ամբոխից առաջ ընկնելը և ստատուս քվոյին հակառակ նոր թրենդներին պատրաստված լինելը լավ գաղափար է։ Այսպիսով, ինչպե՞ս կարող են HR մասնագետները պատրաստված լինել։ Ահա մի քանի մտահաղացումներ, թե ինչպես օգտագործել Clubhouse-ը հավաքագրման համար։
Գործատուի բրենդի առաջխաղացումը
Clubhouse-ի ամենահրաշալի հնարավորություններից մեկն անվճար կոնֆերանսներ ստեղծելու, մի քանի քլիքերի շնորհիվ իվենթներ ստեղծելու և խոսնակների հետ քննարկումներին մասնակցող լսարան հավաքելու ազատությունն է։ Clubhouse-ը Ձեր աշխատակիցների համար կարող է լինել շատ լավ հարթակ պասիվ և ակտիվ թեկնածուների հետ հաղորդակցվելու համար։ Գործադիր տնօրենից սկսած ընկերության բոլոր աշխատակիցներին ուղղակիորեն հարց ուղղելու հասանելիությունից կարող են օգտվել թեկնածուները՝ ավելի լավ հասկանալով ընկերության ներքին մշակույթը։ Clubhouse-ը կարող է նաև ընկերության և աշխատակիցների համար հարթակ դառնալ ավելի անկեղծորեն կարծիք ու մտքեր արտահայտելու համար։
Clubhouse-ն ուսումնասիրելն անկասկած հետաքրքիր կլինի։ Գործատուները կարող են ստեղծել տարբեր առիթներ, որպեզի աշխատակիցները նույնպես օգտվեն Clubhouse-ի տրամադրած հնարավորություններից, ինչպես օրինակ՝ աշխատակիցների կողմից աշխատանքի հայտարարությունների տարածումն է իրենց շրջապատում։ Գուցե Clubhouse-ը շուտով դառնա թեկնածուների հետ կապի ամենաազդեցիկ սոցիալական մեդիան։ Ժամանակը ցույց կտա, կարծում ենք։
Ստեղծել վիրտուալ ՄՌԿ կոնֆերանսներ և համայնքներ
ՄՌԿ կոնֆերանսները հրաշալի են ՄՌԿ մասնագետների համար, քանի որ կարող են առաջատար մասնագետներից, նեթվորքից ոլորտի մասին տեղեկատվություն ձեռք բերել և մտքեր, խորհուրդներ փոխանակել։ Իհարկե, սա չի նշանակում, որ հեռահար կոնֆերանսներն ամբողջովին կփոխարինեն օֆլայն կոնֆերանսներին, սակայն ՄՌԿ ոլորտի ներկայացուցիչները կկարողանան հաղորդակցվել ամբողջ աշխարհով մեկ և մասնակցել կոնֆերանսների այնպիսի մարդկանց հետ, ում հետ այլ կերպ չէին կարողանա։
Staff.am-ը և HireBee-ն (staff.am-ի կողմից մշակված ստարթափ պրոդուկտը՝ ռեքրութմենթի ավտոմատացման լուծում) ակտիվորեն ներգրավված են Clubhouse քննարկումներում և արդեն ունենք մեր հատուկ Global HR Club-ը՝ քննարկելու մարդկային ռեսուրսների կառավարման, աշխատանքի ապագայի, ռեքրութմենթի, HR Tech և այլ թեմաներ։
Անցկացնել վիրտուալ կարիերայի տոնավաճառներ
Նախկինում մենք կիսվել ենք վիրտուալ աշխատանքի հարցազրույցների մարտահրավերների մասին հոդվածով, և վիրտուալ կարիերայի տոնավաճառները նույնպես ունեն նմանատիպ մարտահրավերներ։ Ժեստերի սահմանափակ գնահատումը և ոչ-վերբալ հաղորդակցություները կարող են գործատու-աշխատանք փնտրող կապը քիչ արդյունավետ դարձնել, սակայն գրեթե բոլոր դեպքերում վիրտուալ կարիերայի տոնավաճառն ավելի նախընտրելի է ընդհանրապես որևէ տոնավաճառ չկազմակերպելուց։
Այսպիսով, Clubhouse-ի միջոցով Վիրտուալ կարիերայի տոնավաճառներ անցկացնելը նույնպես շատ լավ գաղափար է, երբ ընկերություններն առանց թեկնածուի գտնվելու վայրը հաշվի առնելու փնտրում են տաղանդներ։ Դա իսկապես կարող է մեծացնել դիմորդների քանակը և նոր թեկնածուներ գրավելու հնարավորությունը։
ԱՅՍՊԻՍՈՎ․․․
Ամփոփենք․ գործատուի բրենդի առաջխաղացումը, վիրտուալ ՄՌԿ կոնֆերանսները, նեթվորքինգը և վիրտուալ կարիերայի տոնավաճառներ անցկացնելը մի քանի միջոցներ են Clubhouse-ը ռեքրութմենթում օգտագործելու համար։ Հարթակը դեռևս աճի նախնական փուլում է և ՄՌԿ-ի վրա մեծ ազդեցություն դեռևս չի թողել, բայց ով գիտի՝ ի՞նչ է սպասվում Սիլիկոնյան հովտի նոր սիրված ստարթափին ապագայում։
Մենք ուրախ կլինենք լսելու ձեր կարծիքները, թե ինչպես կարող է Clubhouse-ը փոխել աշխատանքի ընդունելու գործընթացը։ Դուք թերահավատորեն եք մոտենում, թե՞ հակառակը։ Կիսվե՛ք մեզ հետ։
