Աշխատավայրում ամենաթօօյն գործիքներն ընդդեմ նոր կորոնավիրուսի

2435

COVID-19 կամ ՆՈՐ ԿՈՐՈՆԱՎԻՐՈՒՍ․ ահա այն վիրուսի անունը, որն այսօր գրավեց ամբողջ աշխարհի ուշադրությունը Չինաստանից մինչև Եվրոպա և Ամերիկա՝ այս ճանապարհին անմասն չթողնելով նաև Հայաստանը։ Ընկերությունները, որոնք մշտապես կարևորում էին իրենց աշխատակիցների կյանքի ապահովությունը, առողջությունը՝ լավագույն աշխատանքային պայմանները տրամադրելով, այսօր բախվել են այնպիսի խնդրի, որը խոչընդոտում է իրենց աշխատակիցների ներդաշնակ աշխատանքը։  Մեկը մյուսին հաջորդելով չեղարկվում են հանդիպումները, միջազգային գործուղումներն ու այլ տարաբնույթ միջոցառումներ։

Որոշ ընկերություններ նույնիսկ անցել են տանից աշխատելու ռեժիմին՝ այսպիսով փորձելով հնարավորինս անվտանգ աշխատանքային միջավայր ստեղծել իրենց աշխատակիցների համար։ Սակայն, ոչ բոլոր կազմակերպությունները կարող են օգտվել տանից աշխատելու հնարավորությունից, և այստեղ էլ առաջ է գալիս մեզնից յուրաքանչյուրի սոցիալական պատասխանատվությունը: Ըստ վերլուծական ընկերության տվյալների, գրասենյակային աշխատողների 62.6%-ն անհանգստացած է նոր կորոնավիրուսով, մինչդեռ 41%-ը կարծում են, որ իրենց գրասենյակին ոչինչ չի սպառնում և իրենք կարող են նույն առօրյայով շարունակել աշխատել։

ԵՎ ԱՅՍ ՊԱՀԻՆ ԸՆԴԴԵՄ ՎԻՐՈՒՍԻՆ ԱՄԵՆԱԿԱՐԵՎՈՐ ՔԱՅԼԸ HR ՄԱՍՆԱԳԵՏԻՆՆ Է, ՈՎ ՇԱՏ ԱՐԱԳ ՊԵՏՔ Է ԱՐՁԱԳԱՆՔԻ ԻՐԱՎԻՃԱԿԻՆ ԵՎ ԱՊԱՀՈՎԻ ԻՐ ՈՂՋ ԿԱԶՄԱԿԵՐՊՈՒԹՅԱՆ ԱՌՈՂՋՈՒԹՅՈՒՆԸ։ 

Ինչպե՞ս․ մենք ձեզ կօգնենք։ Իհարկե, գիտենք, որ դուք բավականին հյուրընկալ եք և ցանկացած հյուրի համար այց եք կազմակերպում ձեր ընկերությունում, պատմում եք՝ ինչքան կարևոր նախագծերի վրա են աշխատում ձեր աշխատակիցները, հատուկ ծանոթացնում եք յուրաքանչյուր թիմին, բայց սա այդ դեպքը չէ։ Անհրաժեշտ է պարզապես չբացել դուռը COVID-19-ի առջև, իսկ դռան մյուս կողմում՝ ձեր գրասենյակում ապահովել հակահարվածի ամենաթooooյն գործիքները։ 

ԱՇԽԱՏԱՎԱՅՐՈՒՄ ԱՄԵՆԱԹՕՕՅՆ ԳՈՐԾԻՔՆԵՐՆ ԸՆԴԴԵՄ ՆՈՐ ԿՈՐՈՆԱՎԻՐՈՒՍԻ

1 ՀԵՏԵՎԵՔ ԿԱՆՈՆՆԵՐԻՆ ԵՎ ՑՈՒՑՈՒՄՆԵՐԻՆ

Հետևողականությունը շատ կարևոր է, հատկապես, ընկերության տեսանկյունից։ Ընկերությունը պետք է հոգ տանի իր աշխատակիցների մասին՝ բացառելով խտրականությունը։ Մասնավորապես, զգույշ եղեք մարդկանց հետ հաղորդակցվելիս։ Ոչինչ չասող մեղադրանքի փոխարեն կարելի է ընդամենը զգուշությամբ հրահանգել նախասահմանված օրերի քանակով աշխատելի տանից այն աշխատակիցներին, ովքեր նոր են վերադարձել միջազգային գործուղումից կամ կարանտինային գոտում հայտնված երկրներից։

wfh

2 ՀԵՏԵՎԵՔ ՊԱՇՏՈՆԱԿԱՆ ՆՈՐՈՒԹՅՈՒՆՆԵՐԻՆ ԵՎ ԻՐԱՎԻՃԱԿԻ ՏՎՅԱԼ ՓՈՒԼԻՆ ՀԱՄԱՊԱՏԱՍԽԱՆ ՑՈՒՑՈՒՄՆԵՐ ՏՐԱՄԱԴՐԵՔ 

Պատկերացրեք 3 սցենար և առաջնորդվեք այդ սկզբունքով՝

Սցենար 1. Որտեղ և գտնվում ենք այժմ

  • Լվանալ ձեռքերը,
  • Մնալ տանը, եթե մեզ վատ ենք զգում,
  • Բացառել բոլոր տեսակի գործուղումները,
  • Հնարավորության դեպքում փոխարինել հանդիպումները հեռահար հաղորդակցությամբ (Skype meetings, Hangout և այլն):

Սցենար 2. Եթե ավելի քան 1000 հոգի դառնում են վիրուսակիր նույն տարածաշրջանում

  • Չթույլատրել որևէ այցելություն գրասենյակ,
  • Հնարավորության դեպքում անցնել տանից աշխատելու ռեժիմին,
  • Պլանավորել աշխատավայրից դուրս գալու հատուկ ռեժիմ։

Սցենար 3. Շուրջ 5000 հոգու վարակվածության դեպք

  • Տանից աշխատելու պարտադիր ռեժիմ։

Շատ արդյունավետ կլինի, եթե աշխատավայրում միասին քննարկեք այս սցենարները, որպեսզի բոլորը նույն տեղեկությանը տիրապետեն և իրավիճակի զարգացման դեպքում կարողանաք արագ արձագանքել խնդրին և խուսափել խուճապից։

coron

3 ՄՇԱԿԵՔ ՏԱՆԻՑ ԱՇԽԱՏԵԼՈՒ (WFH) ՊԼԱՆ 

Ինչպես արդեն նշեցինք, ընկերությունների կողմից ամենաշատ տրամադրվող բենեֆիթն այսօր Տանից աշխատելու հնարավորությունն է։ Եթե դեռևս չունեք նման մշակված քաղաքականություն, ապա խորհուրդ ենք տալիս ունենալ, ինչպես նաև հիվանդությունը բացահայտելու ցուցիչներ։

Ստորև ներկայացնում ենք տանից աշխատելու վերաբերյալ Microsoft ընկերության կանոնակարգը՝

Աշխատել տանից, եթե՝

  • Ձեզ վատ եք զգում հետևյալ սիմպտոմներով՝ ջերմություն, հազ, բարդացած շնչառություն։
  • Ձեր իմունային համակարգը խոցելի է։
  • Ձեր ընտանիքի անդամներից մեկը հիվանդ է, և դուք պետք է խնամեք նրան։
  • Ձեր երեխայի դպրոցը/նախակրթարանը փակ է, և դուք պետք է հոգ տանեք նրան։
  • Դուք վերջերս շփվել եք անձի հոտ, ով COVID-19-ով է վարակվել։
  • Եթե վերոնշյալ կետերից որևիցե մեկը գործում է ձեզ համար, բայց այնպիսի պաշտոն եք զբաղեցնում, որ չեք կարող տանից աշխատել, պետք է անպայման խոսեք տնօրենի հետ հնարավոր տարբերակները քննարկելու համար։ 

notes

4 ՆՎԱԶԵՑՐԵՔ ԿԱՄ ԱՄԲՈՂՋՈՒԹՅԱՄԲ ՀՐԱԺԱՐՎԵՔ ԳՈՐԾՈՒՂՈՒՄՆԵՐԻՑ

Ըստ reservations.com հարթակի վերլուծության ամբողջ աշխարհում հարցվածների 43%-ն անպայման չեղարկելու են իրենց միջազգային գործուղումները, իսկ 63%-ը հավանաբար կամ ամենայն հավանականությամբ կչեղարկեն իրենց թռիչքները։ Այս հարցում նախաձեռնողականությունը վերցրեք Ձեր վրա, թույլ մի տվեք, որ աշխատակիցն ինքը որոշի՝ արդյոք մասնակցի միջազգային կոնֆերանսին, թե՝ ոչ։ Այսպիսով, Դուք՝ որպես գործատու, կազատեք աշխատակցին ավելորդ մտածմունքից։

somol

5 ԱԶԱՏՈՒԹՅՈՒՆ ՏՎԵՔ ՁԵՐ ԱՇԽԱՏԱԿԻՑՆԵՐԻՆ

Եթե աշխատակիցը ցանկանում է աշխատել տանից ինչ-ինչ պատճառներով, ապա թույլ տվեք օգտվել այդ հնարավորությունից։ Քանի որ յուրաքանչյուր աշխատակից անհատականություն է, և չենք կարող բոլորին միևնույն սկզբունքով խմբավորել։

laptop

6 ԶԻՆԵՔ ՁԵՐ ԱՇԽԱՏԱԿԻՑՆԵՐԻՆ ԱՆՀՐԱԺԵՇՏ ՊԱՐԱԳԱՆԵՐՈՎ

Ոչինչ այնքան չի հեռացնում վախը, որքան տեղեկացված լինելը։ Սովորեցրեք ձեր թիմին, թե ինչպես կարող են պայքարել COVID-19-ի դեմ, վերջիվերջո, տեղեկացնելով, որ վերջինս անվերահսկելի իրավիճակ չէ և կախված է յուրաքանչյուրիս պատասխանատվությունից։

Խրախուսեք, որ հաճախ լվանան ձեռքերը, յուրաքանչյուր աշխատասեղան ապահովեք հակամանրէային ախտահանիչով (Ալկոգել), ունեցեք ջերմաչափ, բայց հավաստիացեք, որ այն ախտահանվում է յուրաքանչյուր օգտագործումից հետո։ Միշտ թարմ տվյալներ հաղորդեք բոլոր աշխատակիցներին չաթի, մեյլերի կամ այլ գրառումների միջոցով՝ կախված ընկերությունից և աշխատակիցների քանակից։

alkogel

7 ՊԱՀՊԱՆԵՔ ԳՐԱՍԵՆՅԱԿԻ ՄԱՔՐՈՒԹՅՈՒՆԸ

Կազմակերպված ձևով պահպանեք գրասենյակի մաքրությունը, հաճախ ախտահանեք՝ ապահովելով ժամանակային ինտերվալները։

clean-office

8 ՏԱՐԲԵՐԱԿԵՔ ՏԵՂԵԿԱՏՎՈՒԹՅԱՆ ԱՂԲՅՈՒՐՆԵՐԸ

Մեդիան հեղեղված է նոր կորոնավիրուսի մասին տվյալներով, անիմաստ խուճապ ստեղծող հոդվածների գլխագրերով, որոնք շատ հաճախ չափազանցություններ են լինում և ոչ հավաստի։ Նախքան Ձեր աշխատակիցների հետ վիրուսի մասին խոսելը՝ հավաստիացեք, թե որ աղբյուրից եք լսել, ինչ քայլեր են առաջարկում ձեռնարկել, քանի որ որպես HR` առաջինը Ձեզնից են խորհուրդներ հարցնելու։

social

9 ՏԵԽՆՈԼՈԳԻԱՆ ՁԵՐ ԸՆԿԵՐՆ Է

Նորագույն տեխնոլոգիաները կարելի է ասել, որ «հարվածում» են վիրուսին: Չնայած հնարավոր սցենարներին՝ աշխատանքը կարելի է կազմակերպել նաև հեռահաղորդակցության միջոցով։ Այսինքն բիզնեսը կարող է գործել այնպես, ինչպես առօրյա աշխատանքային ընթացքի ժամանակ։

Untitled-1

10 ՊԱՀՊԱՆԵՔ ՀԱՆԳՍՏՈՒԹՅՈՒՆ

Եվ, վերջապես, վստահ եղեք, որ մենք մեր հանգստությամբ, խաղաղությամբ, բարձր պատասխանատվությամբ, միմյանց հանդեպ հանդուրժողականությամբ ու սիրով կհեռացնենք վախն ու վիրուսը մեր կյանքից։

Powered by staff.am.