StaffBlog-ի այս նախագծի նպատակն է օգնել աշխատանք փնտրողներին լավագույնս ներկայանալ ցանկալի գործատուին։ Ստորև ուրախ ենք ներկայացնել ՍԵՖ Ինտերնեյշնլ վարկային կազմակերպության ՄՌԿ մասնագետ Անի Անանյանի օգտակար խորհուրդները CV կառուցման մասին։ 

Personal

           

ԱՆԻ ԱՆԱՆՅԱՆ

ՍԵՖ Ինտերնեյշնլ  ՄՌԿ Մասնագետ

linkedin

 

 

 

 

 

 

1_final

check-mark (4) Եթե արդեն կցել եք Ձեր CV-ն նամակին, մի՛ զլացեք, մեկ անգամ ևս բացեք և համոզվեք, որ ճիշտ ֆայլ եք կցել: 
Հաճախ են հանդիպում, երբ բացում ենք CV-ն, սակայն հայտնաբերում մեկ այլ բան, օրինակ՝ թեկնածուի որևէ շարադրություն, կուրսային/դիպլոմային աշխատանք, աշխատանքային ֆայլ: Հիշեք, որ առավել պրոֆեսիոնալ և ապահով է, երբ CV-ն:

check-mark (4)  Տարեգրությունը ոչ պակաս կարևոր մասն է:   
Շարադրեք Ձեր փորձերը հետևյալ կերպ՝ սկզբից նշեք ներկա կամ վերջին աշխատանքային փորձը, ապա անցեք նախորդ տարիներին:

check-mark (4) Եթե ունեք որոշակի որակավորումներ, մասնակցել եք դասընթացների, ունեք ձեռքբերումներ, որոնք անհրաժեշտ են և/կամ օգտակար պաշտոնի համար, որին դիմում եք, անպայման նշեք:

check-mark (4) Հիշեք, որ առավել պրոֆեսիոնալ և ապահով է, երբ CV-ն ուղարկում եք PDF ֆորմատով։

 

 

2check-mark (6)ՄՌ մասնագետը, ստանալով Ձեր նամակը, կազմում է առաջին տպավորությունը, ուշադրություն է դարձնում նամակին, որով Դուք դիմում եք և ուղարկում Ձեր ինքնակենսագրականը: Մի՛ ուղարկեք նամակ ոչ պրոֆեսիոնալ էլեկտրոնային հասցեից և ոչ էլ Ձեր ներկա աշխատաքային հասցեից: Մի՛ մոռացեք ողջույնի խոսքը:

check-mark (6)Վերնագիրը երբեք բաց մի թողեք, չէ՞ որ այդպիսով Դուք շեշտում եք Ձեր նպատակը և նշում պաշտոնը, որի համար դիմում եք: Բացի այդ, աշխատանքի հայտարարություններ ընթերցելիս կնկատեք, որ հաճախ է նշված լինում թե նամակի վերնագիր դաշտում ինչ գրել, ուստի ուշադիր եղեք և հետևողական, որ ճիշտ վերնագրեք Ձեր նամակը:

check-mark (6)Եթե Ձեր քայլերը նոր են աշխատանքային շուկայում և չունեք տարիների փորձ, խնդիր չէ, պետք չէ ավելորդ ու անօգտակար տեղեկատվությամբ լրացնել էջը և անցնել հաջորդ էջին: Եվ հակառակը, եթե ունեք բավական փորձ և ձեռքբերումներ, աշխատեք այդ ամենը զետեղել 1-2 էջի սահմաններում:

check-mark (6) Այս դեպքում չեմ ուզում նշել ՊԵՏՔ ՉԷ, պարզապես ուզում եմ խնդրել՝ ՄԻ՛ ԽԱԲԵՔ: Նշե՛ք լեզուները, որոնց տիրապետում եք և գրեք ճիշտ մակարդակը, նշե՛ք համակարգչային այն ծրագրերը/գիտելիքները, որոնց տիրապետում եք: Այսպիսով, կխուսափեք նաև հետագա անախորժություններից թեստավորման և/կամ հարցազրույցի ժամանակ: Տպավորություն գործելու համար պետք չէ չափազանցնել, առավել ևս խաբել:

check-mark (6)  Լուսանկարն ամենևին անհրաժեշտություն չէ: Եթե, այնուամենայնիվ, որոշել եք ներկայացնել լուսանկար, ապա վերջինս թող լինի պարզ և առանց ավելորդությունների: Բացի այդ, ինքնակենսագրականին կցված մեկ լուսանկարը բավական է, պետք չէ ուղարկել նկարների խումբ տարբեր տարեթվերի, տարբեր եղանակների և իրավիճակների:

Թերևս այսքանը: Եվ մի՛ մոռացեք ժպիտ, դրական էներգիա և տրամադրվածություն փոխանցել ձեր CV-ի միջոցով, ինչն, անշուշտ, կփոխանցվի գործատուին ☺։
Իսկ հաջողությունը թող ուղեկից լինի Ձեր բոլոր նախաձեռնություններին: