Ինչպիսին պետք է լինի Ձեր CV-ն․ խորհուրդներ մասնագետներից

StaffBlog-ի այս նախագծի նպատակն է օգնել աշխատանք փնտրողներին լավագույնս ներկայանալ ցանկալի գործատուին։ Ստորև ուրախ ենք ներկայացնել Ginosi Apartels & Hotels Ընկերության  ՄՌ ղեկավար Իշխան Մարգարյանի օգտակար խորհուրդները CV կառուցման մասին։

ԻՇԽԱՆ ՄԱՐԳԱՐՅԱՆ

Ginosi Apartels & Hotels ՄՌ ղեկավար

Կարդա մանրամասն աշխատանքի նկարագրությունը։ Ամեն ինչ կարդա, մինչև վերջ։ 

Մի ուշացրու  ինքնակենսագրականիդ ուղարկելը։  Վերջնաժամկետը նշված չի նշանակում, որ հարցազրույցները արվելու են միայն վերջնաժամկետից հետո։

Սկսիր CV-դ քո մասին հիմնական տվյալներից,  որից հետո միանգամից անցիր աշխատանքային փորձիդ։

Սկսիր ամենավերջին գործատուից։

Նկարիդ ընտրության հարցում եղիր պահանջկոտ, business casual ոճի նկարը ամենահարմարն է այդ տեսանկյունից՝ միջին մի բան քո անձնագրի նկարի և Facebook- իդ  ինքնուկից:

Անպայման նշիր աշխատանքային պարտականություններդ ամեն մի զբաղեցրած պաշտոնի համար:

Փորձիր հատկանշել այն փորձը, որը կարծում ես, որ համընկնում է այն հաստիքի հետ, որին դիմում ես:

Փորձիր լինել հակիրճ:

Ուղեկից նամակ գրելուց նույնպես եղիր հակիրճ, եթե չես տեսնում աշխատանքային նկարագրության մեջ հատուկ պահանջ կապված դրա հետ:

Եղիր ինքնատիպ, փորձիր ստեղծել լավ առումով հիշվող CV:

Ուղարկիր CV-դ այն լեզվով, որով գրված է աշխատանքի նկարագիր։

Մի ուղարկիր CV-դ առանց աշխատանքային նկարագրությունը մինչև վերջ  կարդալու:

Լավ թեկնածուների հետ միշտ էլ շուտ են հանդիպում, մի ուշացրու CV-դ ուղարկելը, մի թող այն վերջնաժամկետին մոտ:

Մի սկսիր CV-դ կրթությունից։

Մի սկսիր աշխատանքային փորձդ ամենաառաջինից, դա պարզապես գրագետ չէ:

Մի դիր լուսանկար, եթե իհարկե չես դիմում հաճախորդների սպասարկման բաժին, որտեղ գործ ես ունենալու հաճախորդների հետ առերես:

Ոչ մի օդնոկլասսնիկից նկարներ օղու բաժակներով:

Մի ուղարկիր չթարմացված CV:

Մի ուղարկիր բազմահատոր CV:

Մի ուղարկիր բազմահատոր ուղեկցող նամակներ:

Մի գունագեղիր CV-դ՝ ճաշակին ընկեր չկա:

Մի ուղարկիր CV-դ հայերենոով, ռուսերենով կամ այլ լեզվով, եթե աշխատանքային նկարագրում գրված է, որ Անգլերենի իմացությունը շատ ցանկալի է կամ պարտադիր։