Մայիսի 8-ը նշանակալի օր էր հայկական ՏՏ համայնքի համար. մեր սիրելի գործընկեր Դեքսաթելը տոնեց իր 10-ամյակը՝ նշելով նորարարությունների, աճի և նվիրումի մի ամբողջ տասնամյակ: Տոնական միջոցառումն անցկացվեց AI9 Startup Campus-ում գործող Openhaus Community-ում՝ մեկ հարկի տակ համախմբելով Դեքսաթելի թիմի անդամներին, գործընկերներին, հաճախորդներին և ՏՏ համայնքի ներկայացուցիչներին։
Միջոցառումը յուրահատուկ էր ոչ միայն իր բովանդակությամբ, այլև ձևաչափով։ Միջոցառումն ուներ թանգարանային ձևաչափ, որը յուրօրինակ կերպով ներկայացնում էր ընկերության անցած ուղին՝ տարիների պատմությունը վերապրելու հնարավորություն տալով հյուրերին: Առաջին սրահում հյուրերը շրջում էին Դեքսաթելի 10-ամյա պատմության էջերով՝ լուսանկարներ, ձեռքբերումներ, հիշարժան պահեր: Այս հատվածում կազմակերպված հյուրասիրությունն ու նեթվորքինգը դարձել էին ոչ միայն հուշերի վերապրման, այլև ներկայի հանդիպումների առիթ։
Ժամանակի թունելով անցնելով՝ հյուրերը տեղափոխվեցին հիմնական սրահ, որտեղ մեկնարկեց միջոցառման հանդիսավոր մասը։
Միջոցառման հանդիսավոր պահերից մեկը Դեքսաթելի հիմնադիր Գեղամ Ազատյանի ոգեշնչող ելույթն էր, ով անդրադարձավ ընկերության ստեղծման ճանապարհին՝ հիշելով հիմնադրման առաջին օրերը, ընկերության անցած բարդ ու հաղթական փուլերը և ներկայացնելով Դեքսաթելի տեսլականը առաջիկա տարիների համար։
Դեքսաթելը սկսել է որպես bootstrapped (ինքնաֆինանսավորվող) ընկերություն և մինչ այսօր էլ շարունակում է իր գործունեությունը նույն սկզբունքով։ Փոքր բիզնես գաղափարից այն վերածվեց վստահելի և գլոբալ CPaaS մատակարարի։ Մեր մեծ ձգտումն է՝ դառնալ Հայաստանի առաջին bootstrapped unicorn ընկերությունը։
Հիմնադրի խոսքից հետո էկրանին կյանք առավ Դեքսաթելի 10 տարվա պատմությունը։ Տեսանյութում ներկայացված էր Դեքսաթելի անցած ճանապարհը՝ հիշողություններ, թիմային պահեր, ձեռքբերումներ ու ապագայի ձգտում։
Տեսանյութը պատմում էր այն մասին, թե ինչպես սկսվեց ամեն ինչ՝ փոքրիկ ավտոտնակից, որտեղ կար ընդամենը երեք օգտագործված նոթբուք, երեք սեղան և մեկ մեծ երազանք։ Բայց այս սարքավորումներից զատ, ամենակարևորը՝ կար նվիրված թիմ, հավատ և անսահման աշխատասիրություն։ Տեսանյութը հիշեցում էր, որ մեծ պատմությունները միշտ սկսվում են փոքր քայլերից, և հաջողության բանալին մարդիկ են։ Դեքսաթելի հաջողությունը կառուցվել է հենց այդ սկզբունքով։
Առաջին ձեռքբերումներն ամրապնդեցին թիմի վստահությունը սեփական ուժերի նկատմամբ, և կարճ ժամանակ անց ընկերությունն արդեն ձևավորված ու կայուն բիզնես էր։ Թեև շուկան մշտապես փոփոխվում էր, իսկ մարտահրավերները՝ երբեմն անկանխատեսելի, Դեքսաթելը ոչ միայն հարմարվեց, այլ նաև շարունակեց իր զարգացումը։ Այդ ճանապարհին ձևավորվեցին կարևոր գործընկերություններ համաշխարհային առաջատար բրենդների հետ, ինչպիսիք են TikTok-ը, WeChat-ը, Alibaba-ն և շատ այլ հեղինակավոր անուններ։
2023 թվականին Դեքսաթելը ընդլայնեց իր միջազգային ներկայությունը՝ բացելով նոր գրասենյակ Բելգրադում և ամրապնդելով արդեն գոյություն ունեցող ցանցը Տալլինում, Դուբայում և Երևանում։ Իսկ 2024 թվականը դարձավ պատմական առաջընթացի տարի՝ նշանավորվելով հաճախորդների թվի, փոխանցված հաղորդագրությունների ծավալի և ընդհանուր եկամուտի աննախադեպ աճով։ Տեսանյութի եզրափակիչ հատվածում հնչեց հստակ ուղերձ. 2025 թվականը լինելու է Արհեստական բանականության տարի։ AI-ը Դեքսաթելի համար այլևս պարզապես գործիք չէ, այլ դարձել է գործունեության առանցքը:
Տեսանյութից հետո միջոցառումը շարունակվեց տոնական և ջերմ մթնոլորտում՝ լի հետաքրքիր և բովանդակալից ակտիվություններով։ Հյուրերին սպասում էին մի շարք անակնկալներ՝ խաղ բրենդավորված նվերներով, նկարիչ-անիմատոր, ով տեղում պատկերում էր հյուրերին, ինչպես նաև մի յուրահատուկ գոտի, որն անդրադարձ էր Դեքսաթելի առաջին գրասենյակին։ Այդ անկյունում վերարտադրված էր այն միջավայրը, որտեղից սկսվել էր ամեն բան՝ ընդամենը երեք օգտագործված նոթբուք, երեք սեղան և սենյակի կենտրոնում կանգնած հեծանիվ։ Այս խորհրդանշական հատվածը մեծ հետաքրքրություն առաջացրեց բոլոր հյուրերի մոտ։
Երաժշտական դադարից հետո բեմ հրավիրվեց Դեքսաթելի գլխավոր գործադիր տնօրեն Լիլիա Եղիազարյանը, ով հանդես եկավ իր ելույթով:
Նա շնորհակալություն հայտնեց բոլոր նրանց, ովքեր այս 10 տարվա ընթացքում եղել են Դեքսաթելի պատմության մաս. բոլոր գործընկերներին, հաճախորդներին և իհարկե՝ Դեքսաթելի թիմակիցներին: Նա առանձնահատուկ շեշտեց, որ Դեքսաթելի հաջողությունը հնարավոր չէր լինի առանց թիմակիցների, ովքեր միշտ հավատացել են ընկերության ապագային և հաջողությանը, և ամեն օր քրտնաջան աշխատել են այն ավելի մեծ ու ուժեղ դարձնելու համար:
Միջոցառման խորհրդանշական պահերից մեկը դարձավ տորթի կտրման ավանդական արարողությունը, որից հետո երեկոն վերածվեց իրակական տոնախմբության։
Երբ մեր գործընկերի ձեռքբերումները դառնում են նաև համայնքի ոգեշնչման աղբյուր, հասկանում ենք՝ հաջողությունը վարակիչ է։ Մենք մաղթում ենք, որ այս հաջողության պատմությունը շարունակվի նույն ստեղծարարությամբ, նույն ձգտումով ու նպատակասլացությամբ։
Իսկ, եթե դուք էլ եք ուզում դառնալ այդ պատմության մի մասնիկը, հետևեք Dexatel-ի կարիերայի էջին staff.am-ում և բաց մի թողեք նորարարական ու համարձակ թիմին միանալու հնարավորությունը։
