Ստացեք հնարավորություն` ներկայացնելու Հայաստանն ԱՄՆ-ում կայանալիք EarthX E-Capital գագաթնաժողովին
Ուշադրությո՜ւն, նորարարության և ձեռներեցության ջատագովներ։
Հայաստանի ամերիկյան համալսարանի (ՀԱՀ) «Energy4Climate» նախաձեռնությունը ուրախությամբ հայտարարում է ձեռնարկատիրական մրցույթ բնապահպանական կայունության, էկոլոգիապես մաքուր տեխնոլոգիաների, վերամշակման և այլ էներգետիկ տեխնոլոգիաների ոլորտում, որը կազմակերպվել է Ձեռներեցության և ինովացիոն տեխնոլոգիաների կենտրոնի (EPIC) և Յակոբեան բնապահպանական կենտրոնի համագործակցության արդյունքում։
Ստացեք հնարավորություն` ներկայացնելու Հայաստանն ԱՄՆ-ում կայանալիք EarthX E-Capital գագաթնաժողովին:
Շտապեք դիմել
Եթե երկու կամ ավելի անհատից բաղկացած թիմ եք՝ շահույթ հետապնդող ստարտափի գաղափարով, կամ հանդիսանում եք ստարտափի մաս, որը ձգտում է կայուն լուծումներ ստեղծել, այս հնարավորությունը ձեզ համար է։
Պարզապես լրացրեք հայտը և դրանով իսկ նպաստեք շրջակա միջավայրի պահպանմանը և Հայաստանի էներգետիկ անվտանգության զարգացմանը:
Գնահատման չափանիշները․
- Թիմերը պետք է բաղկացած լինեն առնվազն երկու հոգուց
- Ձեռնարկը պետք է ունենա գործառնական նվազագույն կենսունակ արտադրանք (MVP) կամ նախատիպ
- Թիմերը պետք է լինեն ստարտափ կամ ստարտափի մաս
- Ձեռներեցները պետք է կենտրոնացած լինեն բնապահպանական կայունության վրա
- Թիմերը/ստարտափները պետք է հիմնադրված լինեն Հայաստանում
- Ստարտափները պետք է ունենան շահութաբեր դառնալու նախադրյալներ
Մրցանակները․
1. Ժյուրիի կողմից ընտրված լավագույն ստարտափները կհրավիրվեն մասնակցելու EarthX E-Capital գագաթնաժողովին, որը տեղի կունենա 2024թ․ ապրիլին՝ ԱՄՆ Տեխաս նահանգի Դալլաս քաղաքում
2. Ընդհուպ մինչև երկու ստարտափ կֆինանսավորվեն Ramsis Capital-ի կողմից՝ որպես փոխհատուցում թռիչքի, բնակության, վիզայի և EarthX E-Capital Summit-ի մասնակցության ծախսերի համար:
3. Ժյուրիի կողմից ընտրված մեկ կամ երկու ստարտափ կարող են ստանալ $1500-ի չափով մրցանակ Ramsis Capital-ի կողմից:
Ժյուրիի կազմը
ACE-ի, EPIC-ի, Ramsis Capital-ի և EarthX-ի ներկայացուցիչներից բաղկացած հեղինակավոր խումբը սպասում է ձեր նորարարական գաղափարներին: Ժուրիի կազմը ներառում է մասնագետներ բիզնեսի, նորարարության և շրջակա միջավայրի պահպանությունը ոլորտներից։
Ժամկետները
● Դիմում–հայտը կարող եք լրացնել մինչև ս․թ․ դեկտեմբերի 31-ը։
● EarthX E-Capital գագաթնաժողովը տեղի կունենա 2024թ․ ապրիլին։
Սա ձեր հնարավորությունն է՝ դառնալու ապագան ավելի ապահով և կայուն դարձնելու շարժման մի մասը: Շտապեք դիմել՝ լրացնելով հայտը։
Խնդրում ենք հղել ձեր հարցերը՝ նամակ ուղարկելով energy4climate@aua.am էլեկտրոնային հասցեին կամ կապ հաստատեք Ձեռներեցության և ինովացիոն տեխնոլոգիաների կենտրոնի (EPIC) հետ։
Մրցույթի հայտարարությունը` ըստ Հայաստանում Ամերիկյան Համալսարանի։
staffmedia.am-ը բարձր է գնահատում նման նախաձեռնությունները, որոնք խթանում են բնապահպանական կայունության, էկոլոգիապես մաքուր տեխնոլոգիաների, վերամշակման և այլ էներգետիկ տեխնոլոգիաների ոլորտում ստարթափ ծրագրերի, ձեռնարկատիրական գաղափարների առաջխաղացմանն ու հաջողություն մաղթում բոլոր մասնակիցներին։
