Հայաստանի առաջատար ֆինտեխ ընկերություններից մեկը՝ EasyPay-ը, նոյեմբերի 4-ին նշում է ընկերության տասնամյակը։ Նրանց խոսքով՝ ընկերությունն ավելին է, քան պարզապես կազմակերպություն լինելը․ այն աշխատակիցների, հաճախորդների ու գործընկերների հետ ընկերություն անելու մասին է։ Աշխատանքին այս մոտեցումը արդյունավետ է եղել արդեն տասը տարի։
EasyPay-ի պատմությունը սկսվում է 2014-ից՝ Երևանի փողոցներում EasyPay-ի առաջին տերմինալների տեղադրմամբ։ Տերմինալների թիվը և տեղաբաշխվածությունը տարեցտարի ընդլայնվեց, և այժմ 4000-ից ավելի տերմինալներ տեղ են գտել Հայաստանի ողջ տարածքում՝ փողոցներում, խաչմերուկներում, վաճառակետերում։
Հաջորդիվ՝ 2017-ին, easywallet էլեկտրոնային դրամապանակի մուտքն էր շուկա։ Այդ պահից սկսած՝ տերմինալից օգտվելու փոխարեն կարելի է պարզապես ներբեռնել հավելվածը սմարթֆոնում և վճարումներ կատարել մի քանի հպումով ցանկացած պահի և ցանկացած վայրում։
Տարիների ընթացքում լսելով ու հասկանալով տարբեր հաճախորդների կարիքները և ակտիվ աշխատանք տանելով մատուցվող ծառայությունների վրա՝ EasyPay-ը այժմ առաջարկում է 1000-ից ավելի վճարատեսակ իր տերմինալներում ու easywallet հավելվածում։ Սա արդյունք է հաճախորդների և գործընկերների հետ սերտ ընկերության ու հետադարձ կապի։
Այս մոտեցման արդյունքում EasyPay-ը կարողացավ իր մատուցած ծառայությունների մեջ ընդգրկել կյանքի ու գործունեության տարբեր ոլորտներ և օգնել մարդկանց վճարել կոմունալ, բժշկական, ապահովագրական, պետական, բանկային և շատ այլ ծառայությունների դիմաց, կատարել մեքենային առնչվող վճարումներ, ստանալ փոխանցումներ արտերկրից, գնել միջոցառումների տոմսեր, ստանալ օնլայն վարկ և շատ ավելին։
EasyPay-ի բերած փոփոխությունների հիմքում մի կարևոր բան ևս կա՝ ընկերությունը թիմի ներսում։ Ըստ EasyPay-ի՝ տասնամյակը լավ առիթ է՝ տարբեր գործառույթներ ունեցող բաժինների միջև արդյունավետ համագործակցությունը նշելու և խրախուսելու համար։
Շնորհավորում ենք EasyPay-ին ու մաղթում, որ այս բազմակողմ ընկերությունը շարունակական լինի։
