Հայաստանյան EasyPay ֆինտեխ ընկերությունը Corporate Vision ամսագրի կողմից վերջերս արժանացել է «Ինքնասպասարկման ամենանորարարական վճարային տերմինալ Ասիայում 2024» մրցանակին Global Business Awards-ի շրջանակում։
Ունենալով ավելի քան 4000 տերմինալներ ՀՀ ամբողջ տարածքում՝ EasyPay-ը շարունակ համալրում է տերմինալների ծառայությունների ցանկը։ Տերմինալներով հնարավոր է կատարել կոմունալ, բժշկական, ապահովագրական, կայանատեղի վճարումներ, վարկի մարումներ և ավելին․ ընդհանուր առմամբ հասանելի են 1000-ից ավելի ծառայություններ։
2024-ի փետրվարին EasyPay-ը ներկայացրեց նաև POS տերմինալներով ինքնասպասարկման տերմինալներ, որոնցով հնարավոր է վճարումներ կատարել քարտով՝ առանց կանխիկ գումար մուտքագրելու։
Վերոնշյալը EasyPay-ի՝ այս տարի ստացած միակ մրցանակը չէ։ Իր easywallet օնլայն դրամապանակի համար ընկերությունը հաղթել է նաև Global Business Outlook Awards-ի «Ամենաարագ զարգացող թվային դրամապանակը Հայաստանում 2024» անվանակարգում, ինչպես նաև The Global Economics Awards-ի «Ամենաարագ զարգացող ֆինտեխ ընկերությունը Հայաստանում 2024» և «Սոցիալապես ամենապատասխանատու ֆինտեխ ընկերությունը Հայաստանում 2024» անվանակարգերում։
EasyPay-ի փորձը ցույց է տալիս, որ ծառայությունների որակի շարունակական բարելավումը տալիս է իր հաճելի արդյունքները։ Հետևեք EasyPay-ին Facebook, Instagram և LinkedIn սոցիալական ցանցերում՝ նորությունները բաց չթողնելու համար։
