Ինչպես թեկնածուին տրամադրել ավելի շատ տեղեկատվություն, քան աշխատանքի նկարագրությունն է

«Գրաֆիկ դիզայներ», «Հաշվապահ», «Վաճառքի մասնագետ», «Ավագ Software ծրագրավորող»․․․․կարելի է անվերջ շարունակել այս շարքը։ Աշխատանք փնտրողներն անընդհատ հետևում են staff.am-ում տեղադրված աշխատանքի նոր հնարավորություններին և ցանկանում են դիմել այն  աշխատանքին, որն առավել կհամապատասխանի իրենց ոչ միայն հմտություններին, այլ նաև արժեքներին։ Այս առումով անչափ կարևոր է աշխատանքի հայտարարության ճիշտ անվանումը, աշխատանքի նկարագրության այնպիսի ձևակերպումը, որը թույլ կտա գրավել ավելի շատ թեկնածուների, ստանալ մեծաքանակ դիմումներ և, իհարկե, կատարել ամենահամապատասխան ընտրությունը։

Սակայն, երբեմն թեկնածուն կարիք է զգում ընկերության մասին ավելի շատ տեղեկատվության, քան կարող է ստանալ աշխատանքի նկարագրությունից։ Այլ կերպ ասած, թեկնածուն փորձում է հասկանալ՝ արդյո՞ք աշխատելու է այնպիսի միջավայրում, որտեղ հոգ են տանում իրենց աշխատակիցների մասին, արդյո՞ք առաջարկում են հնարավորություններ, որոնք կօգնեն նվաճել մասնագիտական նոր բարձունքներ։

Կարծում եմ կհամաձայնեք, որ լավ աշխատանքի նկարագրություն կազմելը արվեստ է։ Մի կողմից փորձում եք կերտել անհատականություն աշխատանքի նկարագրությամբ, իսկ մյուս կողմից՝ փորձում եք ընդգծել ընկերության «ով» լինելը աշխատաշուկայում։ Այլ կերպ՝ ներկայացնել ընկերությունն իր ողջ գրավչությամբ, բենեֆիթներով, արժեքներով, նվաճումներով, նորույթներով և, իհարկե, ամենակարևորով՝ ընկերության մարդկանցով, ովքեր միասին կազմում են մեծ ու համերաշխ ընտանիք։ Այդպես չէ՞․․․

Իհարկե, այդպես է։ Այս հարցում միանշանակ ձեզ կարող են օգնել staff.am-ի Գործատուի բրենդավորման գործիքները։

1. ՁԵՐ ԳՈՐԾԱՏՈՒԻ ԿԱՐԻԵՐԱՅԻ ԷՋԸ STAFF.AM-ՈՒՄ

Համաձայնեք, որ յուրաքանչյուր Գործատուի համար կենսական նշանակություն ունի հատուկ կարիերայի էջ ունենալը, որին կարող են հետաքրքրվող թեկնածուները հետևել, մշտապես ծանոթանալ առկա աշխատանքի հնարավորություններին և Գործատուի մասին  տեղեկություններ իմանալ։ Այդպիսին կարող է լինել Ձեր էջը staff.am-ում։ Եթե դեռևս չեք ստեղծել հագեցած, Ձեր Գործատուի մասին առավելագույնս պատմող ինտերակտիվ էջ staff.am-ում, ուրեմն մտածեք և գործեք այդ ուղղությամբ․․․Արդյունքը կլինի շատուշատ դիմումներ, ավելի համապատասխան և տեղեկացված թեկնածուներ՝ պատրաստ հենց այսօրվանից ստանձնելու այդ կարևորագույն պաշտոնները։ Թե ինչպես ստեղծել, ձեզ կօգնի մեր տեսաուղեցույցը 🙂

2. ՁԵՐ ԳՈՐԾԱՏՈՒԻ ԲՐԵՆԴԸ՝ ՆՈՐՈՎԻ

Իսկ միգուցե հայտարարության տեքստը բավականին գրավիչ է, արդեն ստեղծել եք կարիերայի ինտերակտիվ էջ, բայց միևնույն է ասելիքը շա~տ է․ անընդհատ կազմակերպվում են տարաբնույթ միջոցառումներ, իրականացվում են աշխատակիցների աշխարհը վերափոխող նախագծեր ու ցանկանում եք այդ ամենի մասին պատմե՞լ։ Մենք սիրով կլսենք ձեզ ու ավելին, կկիսվենք staff.am մեր հետևորդների հետ։ Ընդամենը ծանոթացեք ստորև staff.am Գործատուի բրենդավորման նախագծերին ու եկեք միասին ներկայացնենք ձեր Գործատուի բրենդը։

ԳՈՐԾԱՏՈՒԻ ԲՐԵՆԴԱՎՈՐՄԱՆ ՆԱԽԱԳԾԵՐ

3. ՁԵՐ ԳՈՐԾԱՏՈՒԻ ԱՇԽԱՏԱՆՔԱՅԻՆ ԱՌՕՐՅԱՆ` ՈՐՊԵՍ #STAFFSTORY

Հավատացեք, որ թեկնածուներին գրավում է նաև Գործատուի անմիջականությունը, բաց ու թափանցիկ լինելը 🙂 Թեկնածուների հետ ձեր աշխատանքային եռուզեռով կիսվելը կօգնի այս հարցում։ Կարող եք տեղադրել story-ներ staff.am-ում՝ այսպիսով, պատմելով ձեր գործատուի բրենդի մասին օրական ավելի քան 10,000 այցելուների։

Դե ինչ, հետաքրքրեց կամ հարցեր ունե՞ք, ուրեմն եկեք միասին քննարկենք լավագույն տարբերակը ձեր Գործատուի համար։