staff.am-ն իրականացրել է ՀՀ աշխատաշուկայի վիճակագրական վերլուծություն՝ վերջին մեկ տարվա ընթացքում հավաքագրված վիճակագրական տվյալների հիման վրա և ներկայացրել արդյունքները:
Կատարել ենք հետազոտություն թոփ 4 ամենաակտիվ ոլորտների վերաբերյալ, հասկանալու թե ինչ մասնագետների պահանջարկ կա այդ ոլորտում: Մասնավորապես դիտարկել ենք.
Ֆինանսներ, բանկ և ապահովագրություն ոլորտի ընկերությունները,
ՏԵղեկատվական տեխնոլոգիաներ ոլորտի ըներությունները,
Ներկրում, արտահանում և առևտուր ոլորտի ընկերոթյունները,
Տուրիզմի, հյուրընկալության և ժամանցի ոլորտի ընկերությունները:
Տեղեկատվական տեխնոլոգիաներ ոլորտի աշխատանքների բաշխվածությունն ըստ մասնագիտությունների (ընդհանուրի մեջ զգալի կշիռ ունեցող)
Ծրագրավորման մասնագետներից բացի, որոնք բնականաբար զբաղեցնում են ընդհանուրի ավելի քան 50%-ը ՏՏ ընկերություններին անհրաժեշտ են նաև.
Այլ ՏՏ մասնագետներ, ինչպիսիք են օրինակ համակարգային ադմինիստրատորներ, ՏՏ աջակցման (tech support) մասնագետներ և այլն:
Վաճառքի և սպասարկման մասնագետներ, ովքեր պատասխանատու են ընկերության պրոդուկտներն ու ծառայությունները պոտենցիալ հաճախորդներին ներկայացնելու և առկա հաճախորդներին սպասարկելու համար:
Նկատելի կշիռ ունեն նաև Ադմինիստրատիվ աշխատանքներով զբաղվող մասնագետները, որոնք նույնքան պահանջարկ ունեն որքան Որակի կառավարման ինժեներներն ու մասնագետները:
Մարքեթինգի ոլորտի մասնագետների պահանջարկ կա համարյա բոլոր ոլորտներում, և ՏՏ-ն բացառություն չէ:
Ֆինանսներ/Բանկ/Ապահովագրություն ոլորտի թոփ աշխատանքների բաշխվածությունն ըստ մասնագիտությունների (ընդհանուրի մեջ զգալի կշիռ ունեցող)
Այս ոլորտում բնականաբար գերակշռում է բանկային գործ մասնագիտության պահանջարկը:
Մարքեթինգի, Վաճառքի և սպասարկման, ՏՏ և հաշվապահական աշխատանքները հիմնականում ունեն նույն բաշխվածությունը և չեն գերազանցում 5-6 տոկոսային շեմը:
Ապահովագրական ընկերություններն ավելի պասիվ են ռեքրութմենթի հարցում, և հիմնականում ունեն վաճառքի և մարքեթինգի մասնագետների կարիք:
Ներկրում/Արտահանում/Առևտուր ոլորտի թոփ աշխատանքների բաշխվածությունն ըստ մասնագիտությունների (ընդհանուրի մեջ զգալի կշիռ ունեցող)
Այս ոլորտին են պատկանում բոլոր այն ընկերությունները, որոնք զբաղված են ապրանքների ներկրմամբ, արտահանմամբ և/կամ առևտրով:
Հաշվի առնելով այս հանգամանքը, վաճառքի և սպասարկման ոլորտի մասնագետներն ամենամեծ պահանջարկն ունեն: Ընդ որում ներառված են ոչ միայն սպասարկման կետերում անհրաժեշտ մասնագետների վիճակագրությունը, այլ նաև B2B, ինչպես նաև վաճառքի և սպասարկման ղեկավարման մասնագետները:
Մարքեթինգի մասնագետների պահանջն ամենամեծն է այս ոլորտում, եթե համեմատենք օրինակ ՏՏ և ֆինանսական ոլորտի ընկերությունների հետ: Սա էլ ուղղակիորեն պայմանավորված է այս ոլորտի առանձնահատկություններով:
Տուրիզմ, հյուրընկալություն և ժամանց ոլորտի թոփ աշխատանքների բաշխվածությունն ըստ մասնագիտությունների (ընդհանուրի մեջ զգալի կշիռ ունեցող)
Տուրիզմի ոլորտը բավականին մեծ աճ է գրանցել Հայաստանում վերջին 12 ամիսների ընթացքում, ինչը նաև արտացոլվում է դիտարկվող ժամանակահատվածի ընթացքում թափուր աշխատատատեղերի քանակով:
Մասնավորապես այս ոլորտում բավականին մեծ է սպասարկմամբ զբաղվող աշխատակազմի կարիքը, ինչը բնական է հաշվի առնելով ոլորտի առանձնահատկությունները:
Վաճառք և մարքեթինգ մասնագիտությունները նույնպես մեծ պահանջարկ ունեն այս ոլորտում, ընդ որում առկա են ինչպես վաճառքի մասնագետների, այնպես էլ վաճառքի համակարգողների և ղեկավարների կարիք:
ՏՏ ոլորտի աշխատակիցների կարիքը նույնպես զգացվում է այս ոլորտում, սակայն գործատուները հիմնականում ունեն վեբ ծրագրավորողների և գրաֆիկ դիզայներների կարիք:
Ամենատարածված մասնագիտությունների ցանկը ամփոփում են հաշվապահության և ադմինիստրատիվ ոլորտի աշխատանքները:
ՀՀ աշխատաշուկայի վերաբերյալ staff.am-ի հետազոտության I մասին և շարունակությանը կարող եք հետևել ստորև նշված հղումներով։
ՄԱՍ 1 ՎԻՃԱԿԱԳՐԱԿԱՆ ՎԵՐԼՈՒԾՈՒԹՅՈՒՆ․ STAFF.AM ԿԱՐԻԵՐԱՅԻ ՀԱՐԹԱԿԻ ՀԻՄԱՆ ՎՐԱ ԱՇԽԱՏԱՇՈՒԿԱՅԻ ՎԵՐԼՈՒԾՈՒԹՅՈՒՆ
ՄԱՍ 3 ԹԱՓՈՒՐ ԱՇԽԱՏԱՏԵՂԵՐԻ ՈՒՍՈՒՄՆԱՍԻՐՈՒԹՅՈՒՆ ԸՍՏ ՄԱՍՆԱԳԻՏԱՑՈՒՄՆԵՐԻ ԵՎ ԹԱՓՈՒՐ ՊԱՇՏՈՆՆԵՐԻ
ՄԱՍ 4 ՍՈՖԹ ԵՎ ՄԱՍՆԱԳԻՏԱԿԱՆ ՀՄՏՈՒԹՅՈՒՆՆԵՐԻ ՎԵՐԼՈՒԾՈՒԹՅՈՒՆԸ
Հետազոտության ամբողջական տարբերակը կարող եք ներբեռնել այստեղից։
