staff.am կարիերայի հարթակը Armenia Today լրատվական պորտալի հետ համատեղ ձեզ հետ է կիսվում աշխատանք փնտրողների համար մի շարք օգտակար խորհուրդներով։
1 Ուշադրությամբ ծանոթացե՜ք աշխատանքին, Ձեր պարտականություններին և Ձեր առջև դրված խնդիրներին.
Նոր աշխատավայրում առաջին օրերն ամենաբարդն ու լարվածն են: Դուք պետք է ներգրավվեք նոր թիմում` լինելով առավել քիչ բարդույթավորված զգացմունքային տեսակետից և չստեղծելով անհարմարավետություն Ձեր գործընկերների համար: Մեծ ուշադրությամբ ծանոթացե՜ք Ձեր հիմնական խնդիրներին և պարտականություններին: Տվե՛ք հարցեր, սակայն առանց անհանգստություն պատճառելու Ուշադրություն և դիտարկման հմտություն: Միայն այս որակները կարող են օգնել հարմարվել նոր աշխատավայրում: Ստուգե՛ք արված աշխատանքը մինչ ղեկավարին հանձնելը:
2 Մի խոստացեք չափից ավելին.
Բոլորն էլ ցանկանում են դուր գալ գործընկերներին, սակայն շատ լավ որակ է չխոստանալն այն, ինչը դեռ չգիտեք: Սարեր մի՛ խոստացեք, ավելի լավ է աշխատանքում ցույց տալ բարձր պրոֆեսիոնալիզմ: Եղե՛ք համբերատար: Առաջադրանքներին և Ձեր աշխատանքին մոտեցե՛ք բարեխղճորեն:
3 Զարգացրե՛ք զգայական ինտելեկտը (Emotional intelligence): Նոր թիմը և նոր պարտականությունները մեծ սթրես են, և շատ կարևոր է զգացմունքները վերահսկելը.
Եղե՛ք հանգիստ և ինքնատիրապետում դրսևորե՜ք: Որքան ավելի անհանգստանաք, այնքան ավելի շատ սխալներ կանեք: Մի՜ փորձեք կաշվից դուրս գալ, որպեսզի դուր գաք մյուսներին: Հետևելով գործընկերներին` Դուք արագորեն կանցնեք հարմարվելու շրջանը, քանի որ կսկսեք հասկանալ` ով ինչպիսի պարտականություններ ունի, և Ձեզ ավելի հեշտ կլինի դիմել օգնության և խորհուրդների համար, ինչն անխուսափելիորեն անհրաժեշտ է առաջին շրջանում հարմարվելու համար:
Փորձե՜ք քննադատությանն արձագանքել հանգստությամբ և բարյացակամորեն: Անպայման պահպանե՜ք աստիճանակարգությունը. թույլ մի՜ տվեք բացասական արտահայտություններ նույնիսկ գործընկերների հետ սովորական զրույցում:
Մի՜ եղեք մտերիմ: Նոր կոլեկտիվը կարող է բաղկացած լինել ամենատարբեր տարիքի աշխատակիցներից: Ընդունե՜ք, որ անկախ տարիքից Դուք պետք է դիմեք բացառապես «Դուք»-ով, իսկ «դու»-ի անցնելը կամ չանցնելը կորոշի ժամանակը կամ հենց գործընկերը: Նույնիսկ, եթե Դուք ավելի մեծ եք, փորձառու, հմուտ, դիմացինին պետք է դիմել միայն «Դուք»-ով, իսկ երիտասարդ ղեկավարին` առավել ևս:
Վատ տրամադրությունը թողե՜ք տանը.
Երբեք Ձեր վատ տրամադրությունը մի՜ տարեք աշխատավայր: Ձեր անձնական ապրումները ոչ մի ձևով չպետք է անդրադառնան Ձեր աշխատանքի որակի և գործընկերների վրա: Դա թուլության և ինքնատիրապետում չունենալու դրսևորում է: Ձեր խնդիրները բացառապես Ձերն են: Դրանք մի՜ փաթաթեք Ձեր շրջապատի վզին:
4 Գործընկերներին հարցեր տվե՛ք և դիմե՜ք միայն աշխատանքի հետ կապված.
Գործընկերներին դիմե՜ք բացառապես աշխատանքին վերաբերող հարցերով: Անձնական բնույթի հարցեր տալով, փորձելով մտերմանալ և ընկերանալ` Դուք միայն կվանեք գործընկերներին: Հիշե՜ք, որ Դուք «թիրախի» տակ եք: Ձեզ հետևում են և Ձեր մասին կարծիք կազմում: Այն լավը կլինի, թե վատը, կախված է միայն Ձեզանից: Հատկապես գործընկերներին իրենց աշխատավարձի թվերի մասին հարցնելը վատ երևույթ է:
5 Վատ մի՜ խոսեք նախկին աշխատանքի մասին և մի՜ համեմատեք նախկին և ներկա կազմակերպությունները.
Վատ է դիտվում նախկին գործընկերներին և ղեկավարին քննադատելը: Մի՜ քննադատեք նախկին ղեկավարին իր աշխատանքին մոտեցման մեթոդների և այլնի համար: Հակառակ դեպքում, Ձեր մասին կարող է կարծիք ձևավորվել որպես ինտրիգային անձնավորության:
6 Պահպանե՜ք աշխատանքային կարգապահություն: Առաջին հերթին մի՜ ուշացեք.
Մշտական ուշացումները կստեղծեն անպատասխանատու անձնավորության տպավորություն: Ճշտապահությունն ու կարգապահությունը հաջող մեկնարկի հիմնական բնութագրիչներն են: Պետք է գիտակցել, որ Ձեր ուշացումը կարող է խաթարել աշխատանքային գործընթացը, վնասել գործընկերոջը կամ կազմակերպությանը հասցնել նյութական վնաս: Երկրորդ` հանգստյան օրեր կամ արձակուրդ վերցրե՜ք միայն ծայրահեղ անհրաժեշտության դեպքում: Եթե նման իրավիճակ է առաջացել, փորձեք տեղեկացնել նախապես։Մշտապես նախազգուշացրե՜ք, որ տպավորություն չստեղծվի, թե պարզապես որոշել եք քնել կամ հյուր գնալ հարազատներին, բայց այդ մասին հիշել վերջին պահին: Ոչ մի դեպքում ղեկավարությանը մի՜ կանգնեցրեք փաստի առաջ` հայտարարելով, որ վաղը չեք կարող աշխատանքի գալ:
Հիշե՜ք` Աշխատանքային օրենսգրքում արձակուրդի և հանգստյան օրերի տրամադրման շարքում չկան աշխատակիցների կամ նրանց հարազատների «Տարեդարձի օրերը» ?
7 Նախաձեռնող եղեք, բայց երբեմն չափավոր.
Նախաձեռնողականությունը ոչ միշտ է պատժելի, այն երբեմն խրախուսելի է, հատկապես ստարտափ ընկերություններում։ Այդպիսով, Դուք կստեղծեք գիտակ, համարձակ և հեռանկարային մասնագետի տպավորություն, ով ունակ է ընդունել որոշումներ անկանխատեսելի իրավիճակներում:
8 Պահպանե՜ք կազմակերպության կորպորատիվ մշակույթին համապատասխան արտաքին տեսք արժեքները.
Dress code-ն արտաքին տեսքի նկատմամբ որոշակի պահանջների առկայությունն է: Հիմնականում դա վերաբերում է հագուստին: Ոչ բոլոր կազմակերպություններն են սահմանում արտաքին տեսքի նկատմամբ պահանջներ և կանոններ, սակայն եթե դրանք կան, պետք է անպայման պահպանել: Հարցազրույցի ժամանակ հայտնի կդառնա` արդյոք կազմակերպությունն ունի dress code, թե՝ ոչ: Նույնիսկ եթե կազմակերպությունում չկա նման ընդհանուր պահանջներ, ամենից առաջ փորձե՜ք ունենալ կոկիկ և մաքուր տեսք:
