Շնորհավորում ենք Հայաստանում Վեբ Ծրագրավորման առաջին Օլիմպիադայի հաղթողներին, որն անցկացվել է 2023 թվականի մարտի 18-ին Հայաստանի եվրոպական համալսարանի և EPAM ընկերության կողմից։ Հանրապետության 12 համալսարանների և քոլեջների 60 ուսանողներ փորձել են իրենց ուժերը՝ գործնական առաջադրանքներ կատարելով, որոնք կազմվել էին EPAM Armenia-ի մասնագետներ Հովհաննես Գասպարյանի և Սեդա Մովսիսյանի կողմից։ Պարգևատրման ժամանակ Հեղինե Բիշարյանը (ՀԵՀ ռեկտոր) և Բենյամին Գյուրջյանը (EPAM Armenia-ի տնօրեն) ընդգծել են կրթական միջոցառումների կազմակերպման հարցում համագործակցության կարևորության մասին և շնորհավորել հաղթող թիմերին.
- Լևոն Էյլազով և Ալբերտ Սաֆարյան (Հայաստանի եվրոպական համալսարան) – 1-ին տեղ,
- Դավիթ Մակարյան, Ստյոպա Ղուկասյան, Վարուժան Գևորգյան, Արամ Բադալյան (Երևանի ինֆորմատիկայի պետական քոլեջ) – 2-րդ տեղ,
- Ռոզա Շամամյան, Դավիթ Բաբաջանյան, Էմմա Եղոյան (Երևանի Պետական Հումանիտար-Տեխնիկական Քոլեջ) – 3-րդ տեղ։
Կազմակերպիչները ողջունել են երիտասարդ ծրագրավորողներին` խրախուսելով ավելի հմտանալ իրենց ընտրած մասնագիտությամբ և զարգանալ ոլորտի պահանջներին համապատասխան:
EPAM-ի թիմը հաղթողներին խնդրել է կիսվել իրենց փորձով, խորհուրդներով և ապագայի ծրագրերով.
Ինչպե՞ս պատրաստվեցիր օլիմպիադային, ի՞նչն օգնեց հաջողության հասնել։ Ինչի՞ վրա խորհուրդ կտաս ուշադրություն դարձնել։
Լևոն Էյլազով, 20 տարեկան և Ալբերտ Սաֆարյան, 22 տարեկան․ «Մենք ընտրեցինք ինքնուսուցումը, EPAM ընկերությունը մասնակիցներին նախապես տրամադրել էր ուսումնական նյութերի առցանց հղումները, և մենք օգտվեցինք դրանցից: Ուշադրությունն այստեղ էական չէ, պետք է շատ աշխատել։ Մենք կարդում էինք React JS Framework-ի հետ կապված ամեն ինչ»։
Գեւորգյան Վարուժան, 18 տարեկան և Դավիթ Մակարյան, 18 տարեկան․ «Հիմնականում ինքնուրույն էինք պարապում։ Անկեղծ ասած, սկզբում նախագծային առաջադրանք չէինք սպասում և պատրաստ էինք միայն հարցերի։ Վերջում, պարզվեց, նախագիծ էր, բայց մենք վերանայել էինք այն ամենը, ինչ գիտեինք, և լավ ստացվեց։ Ապագա մասնակիցներին խորհուրդ ենք տալիս աշխատել թիմով և հնարավորինս շատ բան սովորել»։
Դավիթ Բաբաջանյան, 17 տ. «Ես գիտեի ReactJS և սովորեցի VueJS»:
Ռոզա Շամամյան, 18 տարեկան․ «Վերջերս սովորեցի front-end ծրագրավորում և որոշեցի փորձել իմ գիտելիքները: Երբ տեսա օլիմպիադայի մասին հայտարարությունը, հասկացա, որ 2 տեխնոլոգիաների իմացության պակաս ունեմ, բայց ինքնուրույն ուսուցման շնորհիվ կարողացա լրացնել բացերը։ Իմ կարծիքով, ինքնուսուցումն այս ոլորտում հաջողության հասնելու ամենակարևոր գործոններից է»։
Էմմա Եղոյան, 18 տ. «Ես ուսումնասիրել եմ front-end ծրագրավորումը և որոշել եմ փորձել իմ գիտելիքներն ու ուժերը Օլիմպիադայի շրջանակներում: Թեստն ավելի դժվար էր, քան ես սպասում էի, բայց մենք հաջողեցինք»։
Ո՞վ ես ուզում դառնալ մասնագիտությամբ, որտե՞ղ ես քեզ տեսնում 5 տարի հետո:
Լևոն Էյլազով, 20 տ. Front-end ծրագրավորող. Ես ցանկանում եմ ապագայում ունենալ իմ սեփական խաղային ընկերությունը:
Ալբերտ Սաֆարյան, 22 տ. Ես նույնպես, front-end ծրագրավորող, բայց ես դեռ հստակ ծրագիր չունեմ:
Գևորգյան Վարուժան, 18 տ. 5 տարի անց ես տեսնում եմ, որ աշխատում եմ նույն ոլորտում, որտեղ սովորում եմ՝ հասնելով իմ նպատակներին, այսինքն՝ դառնալ ավագ ծրագրավորող և օգնել հայ մասնագետներին և սովորողներին հաջողության հասնել այս ոլորտում:
Դավիթ Մակարյան, 18 տ. Ես ինձ տեսնում եմ նույն ոլորտում։ Ծրագրավորում, բայց վեբ ծրագրավորում։ Արհեստական բանականությունը հիմա ամենահետաքրքիր ուղղություններից է թվում։
Ռոզա Շամամյան, 18 տարեկան. Full-Stack ծրագրավորող:
Էմմա Եղոյանը՝ 18 տարեկան և Դավիթ Բաբաջանյանը, 17 տարեկան․ Front-end ծրագրավորողներ։
Հաջողություն ենք մաղթում նրանց։
