#ՏարինԱմփոփ Fortra-ի հետ. Նոր անուն, փառքի ուղի, թիմի աճ և մեծ պլաններ

1701

Այս տարվա նոյեմբերի 2-ին HelpSystems ընկերությունը հայտարարեց, որ ներկայանալու է նոր բրենդով, նոր անունով, նոր տեսքով, և այժմ այն կոչվում է Fortra: Էվոլյուցիոն այս զարգացումն արտացոլում է գործընկերներին օգնելու նվիրվածությունը, որպեսզի սպառնալիքներով լի բիզնես աշխարհում կիբերանվտանգությունն ունենա ավելի պարզ և հասանելի լուծումներ։ Սա, թերևս, ընկերության կյանքում այս տարվա ամենանշանավոր նորությունն է, բայց միակը չէ:

#ՏարինԱմփոփ նախագծի շրջանակում staff.am-ը պատմում է 2022թ.-ի ընթացքում ընկերության տպավորիչ ձեռքբերումների, նվաճումների, աճի և եկող տարվա տպավորիչ պլանների մասին:

2022-ը՝ թվերով. 40 տարի, 3000+ աշխատակից, 30,000+ հաճախորդ

Որպես ընկերության էվոլյուցիայի մի մաս՝ Fortra-ն իր ռեսուրսները կենտրոնացրել է կիբերանվտանգության և ավտոմատացման վրա՝ ձեռք բերելով կարողություններ տվյալների անվտանգության, ենթակառուցվածքների պաշտպանության և անվտանգության կառավարվող ծառայությունների ոլորտներում: Այս խոսքերի հետևում ընկերության թիմի ջանքերն են, որոնք ավելի պարզ ու պատկերավոր կարելի է ներկայացնել մի քանի տպավորիչ թվով:

Եվ այսպես, ընկերությունն ունի.

40 տարվա ոլորտային փորձառություն

3000+ աշխատակից ամբողջ աշխարհի 30+ երկրում

140+ աշխատակից Հայաստանում

30,000+ հաճախորդ՝ այդ թվում գործընկերներ Fortune 100 ընկերություններից

Fortra-ի փառքի ուղին՝ գնված ընկերություններ և ստացված մրցանակներ

2022-ի ընթացքում Fortra-ն գնել է 4 նոր ընկերություն: Ձեռք բերված ընկերություններն են՝ Tripwire, Alert Logic, Terranova, Outflank։ Վերջին 2-3 տարում Fortra-ն ձեռք է բերել մոտ 18 ընկերություն, ինչը տպավորիչ ցուցանիշ է:

Բացի այդ, տարվա ընթացքում ընկերությունը մի շարք մրցանակների է արժանացել: Fortra-ն հաղթող է ճանաչվել Cybersecurity Excellence Awards-ի ավելի քան 20 անվանակարգում։

Այս տարին հատկանշական է, քանի որ Հայաստանից մի քանի մենեջերներ սկսել են ղեկավարել միջազգային թիմեր։ Իսկ Հայաստանի ռեքրութինգի թիմն արդեն հավաքագրումներ է իրականացնում նաև Արևելյան Ասիայի երկրներում (APAC):

Fortra-ում կարևորում են արժեքների ստեղծումը թե՛ հասարակության համար, թե՛ թիմի ներսում՝ առաջնորդվելով «We’re helpful» նշանաբանով:

Fortra-ն մասնակցել է TechWeek Gyumri միջոցառմանը՝ ֆինանսավորելով Armenia Software Testing Cup մրցույթի հաղթողի մրցանակը։ Թիմից մի քանի խոսնակ նաև մասնակցել  է կոնֆերանսին։

Ինտերնշիփեր և մենթորական ծրագրեր

Ամեն տարի ընկերությունը ինտերնշիփեր է կազմակերպում, և այս տարին բացառություն չէր: Ամռանը Fortra-ն անցկացրել է կուրս «Պրոդուկտի թեստավորման» ինտերնշիփի շրջանակում։ Կուրսի մասնակիցները շաբաթական 3 անգամ հանդիպել են ընկերության թիմի դասընթացավարների հետ՝ ունենալով տեսական դասեր և պրակտիկ աշխատանքային ժամեր։ Այժմ 6 մասնակից շարունակում է ծրագիրը Fortra-ի գրասենյակում՝ անցնելով 6-ամսյա վարձատրվող փորձաշրջան, որի ավարտին կարող է ստանալ աշխատանքի հնարավորություն։

Fortra-ում ընդլայնվել է Մենեջերների ֆորումը և մեկնարկ է տրվել Նոր մենեջերների մենթորության ծրագրի։ Երկու նախաձեռնությունների նպատակն է ապահովել մենեջերներին անհրաժեշտ գործիքներով և գիտելիքներով, որպեսզի վերջիններս պատրաստ լինեն լուծել կարևոր խնդիրներն ու հասնեն սահմանված նպատակներին։ Այս ամենն իրականացվում է փորձի փոխանակման և թրեյնինգային ծրագրերի միջոցով։  

Այս տարի Fortra-ի գլխավոր գործադիր տնօրենը՝ Քեյթ Բոլսեթը, և մի քանի այլ թոփ ղեկավարներ ԱՄՆ-ից այցելեցին Հայաստան, որպեսզի ավելի լավ ճանաչեն Երևանի թիմը, ինչպես նաև ծանոթանան հայկական մշակույթին։ Որպես միջազգային ընկերություն՝ Fortra-ում նման հանդիպումները և շփումները առանցքային դեր ունեն աշխատանքի կազմակերպման և կառավարման մեջ, քանի որ օգնում են ավելի լավ հասկանալ միմյանց մշակույթը և առանձնահատկությունները։ Fortra-ում շատ են կարևորում նաև աշխատանքի և կյանքի բալանսը։ Այդ իսկ պատճառով մեկնարկել են Employee Enrichment ծրագիրը, որի շրջանակում ընկերության աշխատակիցները հնարավորություն ունեն զբաղվելու ոչ միայն սպորտով, այլ նաև իրենց սիրելի հոբբիներով։

Թիմի աճ,կարիերայի հնարավորությունների ընդլայնում և work-life balance

Fortra-ում ամեն տարի լինում են աճի և զարգացման ծրագրեր, թրեյնինգներ, ինչպես նաև ֆինանսավորվում են աշխատակիցների վերապատրաստումները։ Այս տարին ևս բացառություն չէր, և թիմի աճին նպաստող մի շարք նախագծեր են ֆինանսավորվել:

Այսպես, այս տարի՝

  • Ֆինանսավորվել է պրոդուկտի թեստավորողների Երևանի թիմի մասնակցությունը QA կոնֆերանսի
  • Աշխատակիցներից մեկը մասնակցել է «Արհեստական բանականության» կոնֆերանսի Պորտուգալիայում
  • Մի քանի աշխատակից ստացել է Certified Scrum Master որակավորում
  • Ընդլայնվել է ընկերության համագործակցությունը LinkedIn Learning-ի հետ
  • Թրեյնինգներ են անցկացվել նաև ոչ մասնագիտական թեմաներով, օրինակ՝ «Neurodiversity», «Առաջին բուժօգնություն»:
     

Ինչպես ամեն տարի, այս տարի նույնպես Fortra-ում անցկացվել է երկու ներքին հաքաթոն, որի ժամանակ ընկերության մասնագետները միասին աշխատել են նոր գաղափարների վրա և փորձի փոխանակում են իրականացրել:

Կարիերայի աճն էլ ավելի դինամիկ դարձնելու նպատակով այս տարվանից առաջխաղացումների դիտարկումներն ավելի հաճախ են լինելու։ Սա հնարավորություն կտա ընկերության թիմի մեծ պոտենցիալ ունեցող անդամներին ավելի արագ հասնել իրենց կարիերայի հավակնոտ նպատակներին և հավելյալ ճկունություն ունենալ աշխատանքի մեջ։

Վերջին 1.5 տարվա ընթացքում Fortra-ի Հայաստանի թիմը կրկնապատկվել է։ Իսկ այս տարի C++ ծրագրավորողների երկու նոր թիմ է հավաքագրվել։ Տարբեր նախագծերի համար հավաքագրվել են FrontEnd, .Net, JAVA ծրագրավորողներ, DevOps մասնագետներ։ Շատ պահանջված են եղել նաև պրոդուկտի թեստավորման մասնագետները։ Առաջին անգամ Հայաստանում ընկերությունում աշխատանքի են ընդունել Անվտանգության վերլուծաբանների (Security Analyst):

2023-ը՝ օպտիմիզացիայի, աճի և նոր նախագծերի տարի

Fortra-ում մեծ պլաններ ունեն եկող տարվա համար: 2023-ին հիմնական ջանքերը ներդնելու են աշխատանքի պրոցեսների օպտիմիզացիայի մեջ։ Պլաններում կարևոր դեր ունի նաև թիմի աճն ինչպես Հայաստանում, այնպես էլ ամբողջ աշխարհում։ Բացի այդ, ընկերությունում շարունակելու են կենտրոնանալ աշխատակիցների մասնագիտական աճի և կարիերայի նոր հնարավորություններ ստեղծելու վրա։

Սպասվում են նաև նոր ու հետաքրքիր նախագծեր: Մանսավորապես՝ ընկերությունը պլանավորում է պրոդուկտի զարգացման մի շարք նախագծեր մշակել, որպեսզի կարողանա կիբերանվտանգության և ավտոմատացման էլ ավելի համապարփակ լուծումներ տրամադրել իր գործընկերներին։

Մենք էլ հաջողություն ենք մաղթում Fortra ընկերությանը և վստահ ենք, որ եկող տարին միասին ամփոփելու ենք էլ ավելի տպավորիչ ձեռքբերումներով ու նվաճումներով: