Staff Blog-ի այս նախագծի նպատակն է բոլոր մոտիվացված երիտասարդներին և ուսանողներին լիարժեք տեղեկատվություն տրամադրել տարբեր ոլորտներում առաջատար ընկերությունների ինթերնշիփային ծրագրերի մասին։ Ստորև ուրախ ենք ներկայացնել Frismos ընկերության ինթերնշիփային ծրագիրը խաղերի ստեղծման և պրոդուկտի կառավարման ոլորտներում։
www.frismos.com
ԸՆԿԵՐՈՒԹՅԱՆ ՄԱՍԻՆ
Frismos ընկերությունն ավելի քան 6 տարի զբաղվում է խաղերի ստեղծմամբ և տարածմամբ: Եվ արդեն հասել է բավականին լուրջ հաջողությունների՝ ունենալով ընդհանուր առմամբ 20 միլիոն ներբեռնում մոբայլ պլատֆորմների վրա:
«Խաղային ոլորտի հետաքրքրությունը միևնույն ժամանակ և՛ ստեղծարար, և՛ տեխնիկապես բարդ լինելն է: Հենց սա է մեր թիմակիցներից շատերին գրավում: Կարճ ժամանակում տեսնում ես, թե ինչպես արածիդ արդյունքում միլիոնավոր մարդիկ իրենց ազատ ժամանակն անցկացնում են քո ստեղծած միջավայրում: Խաղերով և ծրագրավորմամբ ոգեշնչված մարդկանց սիրով հրավիրում ենք համալրելու մեր արդեն 30 հոգանոց թիմը: Խիստ պահանջելու ենք անվերջ սովորել, կարարելագործվել, բայց նաև ուրախ ժամանակ անցկացնել☺»,- նշեց Frismos ընկերության համահիմնադիր Արշամ Մանուկյանը։
ԻՆԹԵՐՆՇԻՓԱՅԻՆ ԾՐԱԳՐԻ ՄԱՍԻՆ
Ֆրիսմոս ընկերության ինթերնշիփային ծրագրի շրջանակներում պլանավորվում է կազմել ինթերնների փոքր թիմեր, ովքեր կաշխատեն սեփական խաղերի վրա: Ինթերնները նաև հնարավորություն կունենան կցվելու ռեալ աշխատող թիմերին աշխատանքային գործընթացին ավելի մոտիկից ծանոթանալու համար: Յուրաքանչյուր ինթերն կունենա մենթոր, ով իրեն կօգնի և ուղղություն ցույց կտա։
ԻՆԹԵՐՆՇԻՓԱՅԻՆ ԾՐԱԳՐԻ ԱՌԱՎԵԼՈՒԹՅՈՒՆՆԵՐԸ ԵՎ ՀՆԱՐԱՎՈՐՈՒԹՅՈՒՆՆԵՐԸ
հատուկ միջոցառումներ,
Frismos ընկերությունում ինթերնշիփային ծրագրեր հաճախ են կազմակերպվում, իսկ կարիերայի հաջող փորձերը ծրագրի անբաժան մասն են կազմում։ Իր ինթերնշիփի ծրագրի հաջողության պատմությամբ մեզ հետ է կիսվում Գագիկ Բաղդասարյանը, ով արդեն շուրջ 5 տարի աշխատում է Frismos-ում։
«2014 թվականին անցել եմ ինթերնշիփ Frismos ընկերությունում և համալրել թիմի շարքերը: 5 տարի աշխատում եմ մեր ստուդիայում: Կարող եմ վստահ ասել, որ ի շնորհիվ իմ առջև դրված մարտահրավերների վերջին 5 տարիների ընթացքում երբեք առիթ չի եղել ձանձրանալու: Իսկ խաղային ոլորտն իր կոմպլեքսությամբ ստիպում է դառնալ լավ ծրագրավորող` OOP-ի, գրաֆիկական ծրագրավորման կամ այլ ուղղություններով»:
ԻՆԹԵՐՆՇԻՓԱՅԻՆ ԾՐԱԳՐԻ ՏԵՎՈՂՈՒԹՅՈՒՆԸ
1-2 ամիս3-4 ամիսԱվելի քան 6 ամիսԻՆԹԵՐՆՆԵՐԻ ՆՈՐ ՍԵՐՆԴԻ ՀԱՎԱՔԱԳՐՄԱՆ ԳՈՐԾԸՆԹԱՑՆ ԻՐԱԿԱՆԱՑՎՈՒՄ Է
Մրցույթի միջոցով, որին կարող են դիմել պահանջներին համապատասխանող թեկնածուները։
Մշտապես բաց հավաքագրման միջոցով, պարզապես անհրաժեշտ է լրացնել ձևաթուղթը ընկերության կողմից դիտարկվելու համար։
Համալսարանների և այլ ուսումնական հաստատությունների միջոցով։
ԻՆԹԵՐՆՇԻՓԻ ԾՐԱԳՐԻ ԱՎԱՐՏԻՑ ՀԵՏՈ ՄԱՍՆԱԿԻՑՆԵՐԻ ՔԱՆԻ ՏՈԿՈՍՆ Է ԱՆՑՆՈՒՄ ՀԻՄՆԱԿԱՆ ԱՇԽԱՏԱՆՔԻ
ԴԻՄՈՒՄԻ ԸՆԹԱՑԱԿԱՐԳ
Մոտիվացվա՞ծ եք բացահայտել խաղերի աշխարհը Ձեզ համար, ներգրավվել արդեն իսկ գործող նախագծերում՝ միանալով Frismos թիմին, ուրեմն ծանոթացեք ինթերնշիփի հնարավորություններին ստորև և դիմեք այսօր։
Gamedev-internProduct-internՀավատացած ենք, որ բոլոր երիտասարդների և շրջանավարտների համար, ովքեր առաջին քայլերն են կատարում իրենց կարիերայում, օգտակար կլինի «Հայաստանյան ընկերություններում ինթերնշիփային ծրագրերը» StaffBlog հատուկ նախագիծը։ Յուրաքանչյուր թողարկման ժամանակ անդրադառնալու ենք այն ընկերություններին, որոնք աշխատաշուկայում առանձնանում են իրենց ինթերնշիփային ծրագրի հաջողության պատմություններով։
